Kəfwaʼ 15:3 - Kaa n Kəzə̀ n fəghə mə

³ Ghə̂ ghən dzəŋi kə dzûmə tə Klisto â tûmnə, n tsəghə ndow jii n mboʼo Fonishia nsə Samaria. Ghə n bəŋ koʼ daŋŋə tsə dzûmə tey fu n naʼa tə tii tə, tiilə dza ndow tə ghə nghee tə ghə̂ ghən ghə way ghə̂ a Təjuu a bəghəmnə tûm i dzuŋu zə a tii. Dzûmə tə Klisto tey fu tədzəm n ngii duʼlə nghee ghə zow tsunə ghəə ghən.

Kəfwaʼ 15:3 Mawu Ofanana

Lukas 15:32

I kpiinu tə̀ saa ni saŋŋə, a duʼlə, n təŋkey, waazə wə wən tə â kpuunu, tə n bə dzəŋŋə utaw, tə â naynu, a n kəm koʼ wi.’”

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 13:48

Ambə ghə̂ ghey ghə way ghə̂ a Təjuu a zow tsunə ghəə ghən, ghə n duʼlə, fuu soʼo ukali n ghɔɔmə i Mûkəbii zən. Sey, ghə̂ ghən Zə̀ kə â sàynə nə̀ ghə zə̂ itsali, ghə n keeli kɔʼ bəghəm i fə̀ŋ.

Kəfwaʼ 13:52

Dzûmə tey n Antyɔk n ngii khə iduʼlə, Zay kə Zow kə n loʼ soʼo ghi ghə.

Kəfwaʼ 14:27

Ambə ghə dzəŋŋə bənə n naʼ i Antyɔk, ghə n zuŋŋə naŋa bə dzûmə tə Klisto tədzəm, tiilə dza ndow jìi zey Zə̀ kə fwaʼnə tii ghi ghə, nsə nghee tə chinə jii nə ghə̂ ghey ghə way ghə̂ a Təjuu ghə̀ bəghəm soʼo tə̀ Yeso.

Kəfwaʼ 15:1

Ghə̂ a loʼ ghə n nuu bə n mboʼo Judeya ndow bə n naʼ i Antyɔk, zey ndow ni dii aghəə tə dzûmə tə Klisto tə, dza tə ghə nə̀, “Abə ghə ka səghə tyi u ghaa tə laŋ kə Mushi kə diinə, ghaa i keeli way bəghəshi zə.”

Kəfwaʼ 15:12

Ambə Pɔl nsə Banabas kaʼ tsu ni ghɔɔmə, ghə̂ ghey ghə â adzəm n nuu fuŋ doʼo tsu mɔŋ. Ghə tiilə kɔʼ ndow nghee tə Zə̀ kə ghəŋə nə̀ ghə ghəŋə ndəmə ghəə a faalə ghə nsə ghəə a zum ghə idzuu ghə n fəŋŋə kə ghə̂ ghən ghə way ghə̂ a Təjuu.

Kəfwaʼ 15:22

Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 15:32

Judas nsə Silas, ghə â dzəŋi loʼ soʼonə tûm tə Kəzə̀ ghə, n ndəŋ ghɔɔmə kəŋə ndow ghi dzûmə tə Klisto tey, kuu fə̀ŋ tə ghə, təm tawwə soʼo ghə n bəghəm i fə̀ŋ i ghə.

Kəfwaʼ 15:4

Ambə ghə bə nyi bənə n Yerosalem, ghə̂ a dzəŋi kə dzûmə tə Klisto nsə ngəd tə Yeso tey fu n kpii ney ghə. Sey, ghə n tiilə dza ndow tə ghəə ghey adzəm Zə̀ kə gaamənə ghə ni fwaʼ.

Kəfwaʼ 17:15

Ghə̂ ghey ghə â dza i ndow tənə naŋa Pɔl n ndow tənə naŋa nay ndow wi n naʼ i Atens. Pɔl n dza ndow tə ghə nə̀ ghə dzəŋŋə ndow dza ndow tə Silas ghi Timoti nə̀ ghə mbad kwɔɔlə bə wi n naʼ i Atens.

Kəfwaʼ 20:38

Fə key kə â ghəŋə nə̀ ghə ngii mow â loʼ n təŋkey, Pɔl mâ dza tə ghə nə ghə nə kəm koʼ koʼ way wi. Sey, ghə n daŋŋə ndow tənə naŋa ndow wi nə kəfən.

Kəfwaʼ 21:5

Ambə nəŋə i ghey i nuulə i kpii tsunə, ghey n zey ndow nə̀ u nuulə wə. Ghə adzəm, ghey a ghə nsə waa a ghə ghə n nuu shi bə inaʼ ni bə tənə naŋa ghey n nguŋ ə dzuu. Ghey n tsu nyaʼa tsu fu ghi ghə, gɔŋŋə tsu.

Kəfwaʼ 28:15

Dzûmə tə Klisto tey fu n zow tsu nə̀ ghey nya bəghənu, ghə n lɔʼlə bə taa bə n Bikiwən kə Apius nsə n luʼu kə bəŋə bweeli kə ghə â tɔŋŋə nə̀ a loʼ Utsə utəghə, ni bə koʼ ghey. Ambə Pɔl koʼ tsu ghə, tə n fuu zɔŋŋə K-a-zə̀, fə̀ŋ n daŋŋə nyi bə wi.

Kəfwaʼ 8:14

Nghee ngəd tə Yeso tey n Yerosalem zow tsunə nə̀ ghə̂ a Samaria ghə n bəghəm tə tûm Kəzə̀, ghə n tûm ndow Pita ghi Jɔn n səə ghə.

Roma 15:24

N bayyə ni bə nyisa. N moʼlə ni bəŋ koʼo daŋa tsə ghaa, n dzə doʼo kəŋə bə ghi ghaa tə̀ fə̀ŋ zuŋ tsu kay tsu. Abə mə i dzə doʼo kəŋə bənə ghi ghaa, mə tsəghə ndow daŋŋə n Spen, ghaa i loʼ soʼo ni gaamə mə ni ndow fu.

1 Kɔrint 16:11

Sey, kə wù loʼ nə koʼo kìinə wi. Ghaa khə ni fəd gaamə wi nə̀ tə bwey kədzuŋ abə tə bəghə dzəŋŋənə n təŋkey, n ləmmə wi fa ghi dzûmə tə Klisto tə loʼ tey.

1 Kɔrint 16:6

Abə mə i bənə, n nəŋə i loʼ zə, mə i ndəŋə doʼlə kəŋŋə bənu fey ghi ghaa. N moʼlə nə̀, ndzɔŋɔ tən fəb u ngii loʼnə tii tədzəm, mə i loʼ fey ghi ghaa sey nə̀, ghaa loʼ ni gaamə mə n bwey zuŋ zən n khə ni bwey kaabə.

2 Kɔrint 1:16

Mə â ləghə ni koʼ daŋ tsə̀ ghaa abə n ndòwnə n mbuʼu Masedonya, n bə koʼ daŋ tsə soʼo ghaa abə n dzəŋŋə bənə, ni ghəŋə tsu nə̀ ghaa i loʼ ni fuu mə n gaamə zə ni ndow n mbuʼu Judeya.

Taytus 3:13

Dəmə tən tsu ni fuu tsu igaamə tə̀ Zenas wən tə loʼnə wù dii kəlaŋ ghi Apolos ni koʼ n nghee ghə i bweynə tii. Wə tɔʼ koʼ tsu soʼo nə̀ ghə khə maynu fə wey ghə ləghənə n bwey i ghə.