Kəfwaʼ 15:22 - Kaa n Kəzə̀ n fəghə mə

²² Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 15:22 Mawu Ofanana

Kəfwaʼ 1:23

Sey, ghə n fuu shi kɔʼ azəd abəghə, umɔʼ n loʼ Yosef ghə â tɔŋŋə wi nə a loʼ Basabas, tɔŋŋə soʼo nə̀ a loʼ Justus, u loʼ wey n loʼ Matyas.

Kəfwaʼ 11:19

Dzûmə tə loʼ tən tə â saŋŋə doʼo kaabənə bòʼ chɔd mən ghə â keelinə nghee ghə â wey tsunə Sitifən, ghə n lɔʼlə bwey ndow shi nay ndow n naʼa tə Foenishia, Sayprus nsə n Antyɔk, naʼlə ndow tûm i dzuŋu zə tə ghə̂ a Təjuu ghə kələ.

Kəfwaʼ 11:20

Dzûmə tə loʼ tən tə â shinə n Sayprus nsə Sirin, n ndow n Antyɔk, zey ndow ni naʼa tûm i dzuŋu zə bòʼ Mûkəbii Yeso tə ghə̂ ghən ghə way ghə̂ a Təjuu ghə.

Kəfwaʼ 11:22

Zɔŋ u tii wə n fuŋ ndow nyi ndow n wɔ dzûmə tə Klisto tey n Yerosalem. Dzûmə tə Klisto tən n Yerosalem n tûm ndow Banabas nə tə ndow n Antyɔk.

Kəfwaʼ 11:27

À wən loʼ nəŋə zən ghə̂ a tətûm a Kəzə̀ a loʼ ghə â zəghə tsunə Yerosalem ndow n Antyɔk.

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 15:25

À wey loʼ ghə i tii zə ghey saalə kɔʼ ni sày kɔʼ ghə̂ a loʼ ghey, tûm bə tə ghaa. Ghə dzəŋi bəghə ghi Banabas nsə Pɔl, ghə loʼnə fə a saa a dzuŋu ghə.

Kəfwaʼ 15:27

Ghey tûm bə Judas nsə Silas ghi màʼlə kən. À loʼ ghə, ghə i tɔʼɔ tiilə dza bənə n wû i ghə zə, ghəə zən ghey tɔɔnə n màʼlə kən.

Kəfwaʼ 15:3

Ghə̂ ghən dzəŋi kə dzûmə tə Klisto â tûmnə, n tsəghə ndow jii n mboʼo Fonishia nsə Samaria. Ghə n bəŋ koʼ daŋŋə tsə dzûmə tey fu n naʼa tə tii tə, tiilə dza ndow tə ghə nghee tə ghə̂ ghən ghə way ghə̂ a Təjuu a bəghəmnə tûm i dzuŋu zə a tii. Dzûmə tə Klisto tey fu tədzəm n ngii duʼlə nghee ghə zow tsunə ghəə ghən.

Kəfwaʼ 15:30

Ghə̂ ghən ghə â sàynə n ney kɔʼ màʼlə kən, nuu tsu ndow n Antyɔk. Ambə ghə ndow nyi ndownə fu, ghə n zuŋŋə bə dzûmə tə Klisto tey, fuu ndow màʼlə key tə ghə.

Kəfwaʼ 15:32

Judas nsə Silas, ghə â dzəŋi loʼ soʼonə tûm tə Kəzə̀ ghə, n ndəŋ ghɔɔmə kəŋə ndow ghi dzûmə tə Klisto tey, kuu fə̀ŋ tə ghə, təm tawwə soʼo ghə n bəghəm i fə̀ŋ i ghə.

Kəfwaʼ 15:40

Pɔl n kee sày kɔʼ Silas. Dzûmə tə Klisto tə loʼ tən n buulə tsu ghə, dza nə̀ ndzuŋ ə Mûkəbii i loʼ ghi ghə nghee ghə ndownə.

Kəfwaʼ 16:19

Nghee ghə̂ ghey kɔd kən kə â fwaʼanə n tənə ghə koʼ tsunə nə̀ ghə n guŋu jìi zey ghə a keeli tsənə khəə wə tii, ghə n kwu tsu Pɔl nsə Silas, sìi ndow ghə n səə ghə̂ a nii ghə n zeeli kə inaʼ, nə̀ ghə saʼ ghə.

Kəfwaʼ 16:25

Ambə n fə̀ŋ ə tsuʼu tə, Pɔl ghi Silas n gɔŋŋə, zhim aghəə tə̀ Zə̀ kə. Ghə̂ a ndaw tsaʼ a loʼ ghey n maŋa zəllə.

Kəfwaʼ 16:29

Ambə wù wey tə laalənə ndaw tsaʼ zow tsunə sey, tə n dza nə̀ ghə fu bə wi n daa kə, daŋŋə nyəŋ nyi ndow n wû u tsəŋŋə wə, ndow tyi bwu ndow n tənə Pɔl ghi Silas.

Kəfwaʼ 17:10

Nghee tsuʼ u daŋŋə dzə̂ bənə, dzûmə tə Klisto tey tûm nuu ndow Pɔl nsə Silas n naʼ i Beria. Ambə ghə kûm tsu fu, ghə n ndow n ndaw kədzəŋi ghə̂ a Təjuu.

Kəfwaʼ 17:14

Sey, dzûmə tə Klisto tey n daŋŋə ney tûm nuu ndow Pɔl n nguŋ ə dzùu, Silas ghi Timoti n kee doʼo səə i tsu n naʼ i Beria.

Kəfwaʼ 17:4

Ghə̂ a Təjuu a loʼ ghə n bəghəm ghɔɔmə i Pɔl, ghə təmdzəŋi ndow Pɔl ghi Silas ighələ tə ndəmə ghə̂ ghey ghə way ghə̂ a Təjuu ghə nə ghə n bəghəm tə Zə̀ kə. Gheyzən a nii a loʼ ghə n təmdzəŋi ndow soʼo ghə.

Kəfwaʼ 18:5

Ambə Silas ghi Timoti nuu bə n Masedonya, Pɔl n baa təmi tən tsu kə ni naʼa ghəə a Kəzə̀, tiilə dza ndow ghə̂ a Təjuu nə Yeso loʼ wù wey Zə̀ kə â dza naŋa nə̀ i tûm bənu.

Kəfwaʼ 8:14

Nghee ngəd tə Yeso tey n Yerosalem zow tsunə nə̀ ghə̂ a Samaria ghə n bəghəm tə tûm Kəzə̀, ghə n tûm ndow Pita ghi Jɔn n səə ghə.

2 Kɔrint 1:19

Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.

1 Tesalonika 1:1

À maʼlə kən tɔ̀ɔ bə mə Pɔl. N tɔ̀ɔ dzəŋi ghi Silas nsə Timoti. Ghey tɔ̀ɔ bə tə̀ dzûmə tə Klisto tey n naʼ i Tesalonika. Ghaa loʼ ghə̂ a Kəzə̀, tə loʼnə Bày saa, loʼ soʼo bày tə̀ Mûkəbii Yeso Klisto. Ghey gɔŋŋə nə̀ Zə̀ kə mə̂ dii ghaa n fə̀ŋ ə wi i dzuŋu zə, tə ghəŋə soʼo nə̀ fə̀ŋ tə ghaa tə i loʼ nə ibuulə.

2 Tesalonika 1:1

À màʼlə kən tɔ̀ɔ bə Pɔl, Silas nsə Timoti tə dzəŋi u dzûmə tə Klisto tə n naʼ i Tesalonika ghən ghə bəghəm nə tə Zə̀ kə tə loʼ Bày saa nsə Mûkəbii Yeso Klisto.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.