Kəfwaʼ 15:13 - Kaa n Kəzə̀ n fəghə mə

¹³ Ambə ghə ghɔɔmə may tsunə, Jems n nuu təmi kɔʼ dza nə̀, “Waazə ghə, ghaa zow!

Kəfwaʼ 15:13 Mawu Ofanana

Malakus 15:40

Gheyzən a loʼ ghə â loʼ fu ghə laalə bənə nə kədaa. Maliya Magdala, Maria nay Jems ghi Yosef, nsə Salome.

Kəfwaʼ 12:17

Tə n foʼlə tsu nə awɔɔ nə ghə doʼo tsu mɔŋ. Sey, tə n tiilə dza ndow tə ghə nghee Mûkəbii ney nuu shi bənə wi tii n ndaw tsaʼ. Tə n dza tə ghə nə̀, “Dza nduŋŋə ndow na ghəə ghən tə Jems nsə dzûmə tə Klisto tə loʼ tey tədzəm.” Nghee tə dza tsunə sey tə n daŋŋə nuu ndow soʼo n luʼu kə nuu kə.

Kəfwaʼ 15:14

Shimun n tiilə dza tə saa nghee Zə̀ kə â buʼ diinə ləghə i wi zə tə ghə̂ ghən ghə way ghə̂ a Təjuu ghə, sày shi bə aghə̂ n fəŋŋə kə ghə nə̀ ghə doʼo ghə̂ a wi.

Kəfwaʼ 2:14

Sey Pita n nuu təmi kɔʼ idəŋ ghi tsətəndəghə tə loʼ tey ighəm nsə ghii zə imɔʼ, dza shi kɔʼ n dzə i taw zə tə nɔɔ kə aghə̂ key nə̀, “Waazə ghuŋ ghə, ghə̂ Təjuu ghə nsə ghaa ghən adzəm ghaa muunə n Yerosalem, tɔʼɔ chi kɔʼ na tuŋŋə u ghaa wə ghaa zəllə ghɔɔmə zuŋ.

Kəfwaʼ 2:22

Pita n daŋŋə dza tə ghə nə “Ghə̂ ghə Izree ghə, ghaa zow! Yeso wù Nazaled wən Zə̀ kə â sàynə, tə n dii bə wi tə ghaa n faalə mən tə â ghəŋənə, tsəə tən tə â diinə nsə ghəə a səŋi ghən tə â ghəŋənə n fəŋŋə kə ghaa. Wû i ghaa, ghaa mgbaŋ khənu ghəə a tii ghə.

Kəfwaʼ 2:29

“Waazə ghə, n ndzəmə dza bənu tə ghaa nə̀ bày bày saa, fɔ̀ɔ Devid mâ kpu, ghə n tsəllə tsu wi, say i wi i nam loʼ kənu fa ghi saa ni bə kuum bə na.

Kəfwaʼ 21:18

Tsətsə wey, ghey n dzəŋi ndow ghi Pɔl ni ndow koʼ Jems. Ngəd tə dzûmə tə Klisto tey fu tədzəm n loʼ soʼo fu.

Kəfwaʼ 22:1

Pɔl n dza tə nɔɔ kə aghə̂ key nə̀, “Waazə ghuŋ ghə, ghə bày wuŋ ghə, ghaa zəllə n na tə n tiilə dza bə tə ghaa nə̀ n ka ghəŋə dzə ghə i bəbə i loʼ zə.”

Kəfwaʼ 7:2

Sətifən n beeli ndow ghə nə̀, “Waazə ghuŋ ghə, ghə bày wuŋ ghə, ghaa zow! Tə̀ bày bày saa Abraham ni ndow mû n naʼ i Haran, â loʼ nə Zə̀ kən kə khənə kɔʼlə mə n dii bə wû wə tə wi n naʼ i Mesopotemya.

Galeshia 1:19

Mə â ka koʼ dzə ngəd tə Yeso tə loʼ tey tsəghəshiə way waazə Mûkəbii tɔŋŋə Jems.

Galeshia 2:12

I loʼ nə̀, Pita â zəə dzəŋi tsənu ghi ghə̂ ghən ghə way ghə̂ a Təjuu ghə. Ambə ghə̂ a Təjuu a loʼ a ndow bənə nə a ghə tûm bə Jems, Pita n doʼo ndow, kəm zəə dzəŋi way ghi ghə̂ ghən ghə way ghə̂ a Təjuu ghə. Tə â ghəŋə sey, n təŋkey tə â tsəŋə nə̀ kə ghə̂ a Təjuu ghən ghə â tey tənnə nə̀ ghə teeli khə ni səghə tyi kə wù, kə ghə nə sənnə nə nə̀ tə zəə dzəŋi ghi ghə̂ ghən ghə ka səghə tyi u ghə.

Galeshia 2:9

Ambə Jems, Pita nsə Jɔn, ghə â loʼnə tsən tə fu, koʼ keeli tsunə nə̀ Zə̀ kə n fuu mə n ndzuŋ, ghə n tɔʼ tɔŋɔ zow bə mə ghi Banabas ni dii tsu nə ghey fwaʼa fwaʼ kə mɔʼɔ kə ghi ghə. Ghə n bəghəm dzəŋi kɔʼ nə̀, Banabas ghi mə fwaʼa ghi ghə̂ ghən ghə way ghə̂ a Təjuu ghə, ghə u kee fwaʼa nə ghi ghə̂ a Təjuu ghə.

Jems 1:1

A màʼlə kən tɔ̀ɔ bə mə Jems. N loʼ wù kəfwaʼ tə Zə̀ kə, loʼ soʼo wù kəfwaʼ tə Mûkəbii Yeso Klisto. N tɔ̀ɔ bə tə̀ ghə̂ a Təjuu ghən ghə saali doʼo kaabənə n badla tə mbi tədzəm. N tɔŋɔ zow bə ghaa.

Jems 1:19

Waazə ghuŋ a dzuŋu ghə, n ləghə nə̀ ghaa keeli tsu nə̀ ghaa adzəm ghaa khə ni maʼa tsu iwû ni tɔʼɔ zəllə ghəə ghə. Kə ghaa nə tsɔɔ beelinə ghəə ghə, kə ghaa nə mbadla fəələ soʼonə n nəghə wə.