Kəfwaʼ 15:11 - Kaa n Kəzə̀ n fəghə mə

¹¹ Saa mgbaŋ khənu nə̀ à loʼ ndzuŋ ə Mûkəbii Yeso i ghəŋŋə nə̀ saa keeli ibəghəshi ighələ tə ghə̂ ghən ghə way ghə̂ a Təjuu a keelinə bəghəshi zə.”

Kəfwaʼ 15:11 Mawu Ofanana

Roma 3:24

À kee loʼ nə̀ bòʼ ndzuŋ zən Zə̀ kə khənə n kow ghə̂ ghə adzəm, tə n ghəŋə nə̀ ghə i loʼ tsətsəghə n sə kə wi n bam i Yeso Klisto wən tə kùmshi bə nə saa n ghəə a saa a bəbə ghə.

Roma 5:15

À kee loʼ nə̀ naamə key Zə̀ kə fuunə, way dzə tə aloʼ bəb i Adam. N dza sey n təŋkey, ndəmə aghə̂ a kpuulə bòʼ bəb i wù umɔʼ. À kee loʼ nə̀ à dow tsəghəshi ndzuŋ zən Zə̀ kə diinə nsə naamə kən tə fuunə tə̀ ghə̂ ghə n ndəm nə kənunu. Tə fuu naamə kən n bam i wù umɔʼ tɔŋɔ Yeso Klisto, tə â kpuunə n tow u ghə.

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

1 Kɔrint 16:23

N gɔŋŋə nə̀ Mûkəbii Yeso fuu ghaa n ndzuŋ ə wi.

2 Kɔrint 13:14

N gɔŋŋə nə̀ Mûkəbii Yeso Klisto fuu ghaa n ndzuŋ ə wi, nə̀ Zə̀ kə dii ghaa n ləghə i wi zə, Zay kə Zow kə i loʼ soʼo ghi ghaa adzəm.

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

Galeshia 1:6

I tsəghəshiə mə ni koʼ nə̀ ghaa nya ghaʼi tuu maʼlə ndow Kəzə̀ tə â tɔŋɔnə ghaa n bam i ndzuŋ zən Klisto fuunə, nuu ndow ni bəghəm tûm i dzuŋu i nuu zə.

Galeshia 2:16

Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

Taytus 2:11

Zə̀ kə n dii bə tə saa ndzoʼo fə̀ŋ i dzuŋu zey tə khənə nghee tə bənə ni bə bəghəshi aghə̂ adzəm.

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.