Kəfwaʼ 14:7 - Kaa n Kəzə̀ n fəghə mə

⁷ Ghə n ndow n sə kə ni naʼlə tûm i dzuŋu zə fu tii.

Kəfwaʼ 14:7 Mawu Ofanana

Kəfwaʼ 11:19

Dzûmə tə loʼ tən tə â saŋŋə doʼo kaabənə bòʼ chɔd mən ghə â keelinə nghee ghə â wey tsunə Sitifən, ghə n lɔʼlə bwey ndow shi nay ndow n naʼa tə Foenishia, Sayprus nsə n Antyɔk, naʼlə ndow tûm i dzuŋu zə tə ghə̂ a Təjuu ghə kələ.

Kəfwaʼ 14:15

“Kə̂ ghaa nə ghəŋŋənə ghəə ghən, ghey loʼ soʼo ghə̂ a sɔŋtsuʼ tə a loʼ ghaa! Ghey fa bə ni bə naʼa tûm i dzuŋu zə tə̀ ghaa, nə̀ ghaa loʼ ni kwey nuu bə fə̀ŋ tə ghaa n ghəə ghən a gaamə way ghaa, ghaa i ngɔɔmə ndow Zə̀ kən kə loʼnə utaw. À loʼ Zə̀ kən kə loʼnə utaw kə â bɔmnə mbi idzəm, tɔŋɔ bəkighow, ghəlikətsə, tədzuu, nsə fə wey tii udzəm.

Kəfwaʼ 14:21

Ambə ghə ndownə n naʼ i Debe, Pɔl nsə Banabas n naʼa tûm i dzuŋu zə tə ghə̂ ghey fu. Ndəmə aghə̂ n bəghəm tə Yeso fu n naʼ i tii zə. Ghə n kəm nuu tsu fu, ndow dzəŋŋə n naʼ i Listra, tsəghə ndow daŋŋə n naʼ i Ikonum, kəm dzəŋə bə n naʼ i Antyɔk zey n Pisidya.

Kəfwaʼ 16:10

Ambə Pɔl koʼ tsu jim wən, ghey sey daŋŋə dzəŋi bəghəm kɔʼnu nə̀ Zə̀ kə n ghey tɔŋɔ nə̀ ghey ndow naʼa tûm i dzuŋu zə n Masedonya. Ghey n daŋŋə kuumə kɔʼ ufə ni ndow fu.

Kəfwaʼ 17:2

Pɔl n ndow n ndaw kədzəŋi ə ghə̂ a Təjuu tə̀ tə â ghəŋŋə tsənə. Tə n ney tsuʼu mə inaʼ ntəghə nə tə ndow ghɔɔmə dzəŋi kə aghəə fu ghi ghə̂ ghə nə̀ tə sày tɔŋɔ shiə kɔʼɔ n màʼlə K-a-zə̀.

Kəfwaʼ 8:4

Sey, dzûmə tə Klisto tən ghə â saŋŋə maʼanə, n bwey kaabə ndow luʼu tədzəm, naʼlə ndow tûm i dzuŋu zə.

1 Tesalonika 2:2

Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.