Kəfwaʼ 14:23 - Kaa n Kəzə̀ n fəghə mə

²³ Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

Kəfwaʼ 14:23 Mawu Ofanana

Matyo 17:21

[À bɔɔmə may kə nə igɔŋŋə nsə dzuu i bam zə wù loʼnə ni dzùm shi ndzoʼo zay kə bwu kən.]

Malakus 3:14

Tə n sày kɔʼ ghə̂ a wi ghey ighəm n ghii ghə təbəghə tə â tɔŋŋənə nə̀ à loʼ təngəd nə̀ ghə i loʼ ghi wi, sey nə̀, tə i loʼ ni tûm shi ndòw ghə nə̀ ghə ndòw naʼa tûm i dzuŋu zə.

Lukas 2:37

sey tə n loʼ wey kpusə. Tə â nya loʼ ghəm n tənûm ifam n nûmtə təkaykə. Tə n muu tsə kə n Ndaw Kəzə̀ i nii zə n Yerosalem, gɔŋŋə zeeli tsuʼ ndzəm; n tsə nsə n tsuʼu tə, bam idzuu, ngɔɔmə Kə̀zə̀ nəŋə tədzəm.

Lukas 23:46

Yeso n dey shi kɔʼ n dzə̀ i taw zə dza, “Bày, zay kuŋ wɔɔ ghə.” Ambə tə dza tsunə sey, tə n tsəmə i tsu.

Kəfwaʼ 1:22

À khə ni loʼ wù tə â loʼ dzəŋi ghi saa ni ney nuu tsu n nəŋə zey Jɔn â fuunə mmuu n Kəzə̀ mə ndow kuum ndow n nəŋə zey Zə̀ kə â ney kɔʼ ndownə Yeso tii idəŋ. À khə ni loʼ wù tə i təmi tiilə soʼonə ghi saa nghee Yeso â zhəm dzəŋŋənə tii nə ivə.”

Kəfwaʼ 1:24

Ambə ghə sày kɔʼnə ghə̂ ghən, ghə n gɔŋŋə tsu nə̀, “Mûkəbii, wə khənu fə̀ŋ tə ghə̂ tə tədzəm, dii bə wu wən wə sày nə n ghə̂ ghən abəghə,

Kəfwaʼ 11:30

Ghə n ghəŋŋə tsu sey, kuu tsu khəə u tii wə n wɔɔ kə Banabas nsə Sɔl, tûm ndow tə ngəd tə dzûmə tə Klisto tey n Yerosalem.

Kəfwaʼ 14:26

Ghə n nuu tsu fu nə Atalya kəfən, ndow dzəŋŋə n naʼ i Antyɔk. À loʼ n luʼu kən ghə â gɔŋŋənə tii nə̀ Zə̀ kə fuu ghə n ndzuŋ ni fwaʼ fwaʼ kən ghə kuʼlə mayyə kɔʼnə.

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 15:4

Ambə ghə bə nyi bənə n Yerosalem, ghə̂ a dzəŋi kə dzûmə tə Klisto nsə ngəd tə Yeso tey fu n kpii ney ghə. Sey, ghə n tiilə dza ndow tə ghəə ghey adzəm Zə̀ kə gaamənə ghə ni fwaʼ.

Kəfwaʼ 15:6

Sey, ngəd tə Yeso nsə ghə̂ a nii ghey n dzəŋi kə dzûmə tə Klisto n kwu tsu kədzəŋi ni laalə nyi tsu ghɔɔmə i tii zə.

Kəfwaʼ 20:17

Ambə Pɔl loʼnə n Miletus, tə n tûm tɔŋɔ tsu ngəd tə dzûmə tə Klisto tey n Efesus nə ghə bə koʼ wi.

Kəfwaʼ 20:32

Nya, n fuu naŋŋə ndow ghaa n wɔɔ K-a-zə̀ nsə tə tûm zən bòʼ ndzuŋ ə Kəzə̀. À loʼ wi tə i loʼ ni bɔɔ teyyə bə ghaa, tə ghəŋŋə soʼo nə̀ ghaa zə̂ fə wey u loʼ n wɔ ghə̂ a wi ghey adzəm tə sày naŋanə.

2 Kɔrint 8:19

À way kə sey, a loʼ soʼo nə̀ dzəŋi u dzûmə tə Klisto tə sày wi nə̀ tə bwey dzəŋi ghi ghey nghee tə̀ ghey bwey fwaʼanə fwaʼ kə dzuŋu kən ni fuu nkɔʼlə tə̀ Mûkəbii, nsə ni dii nə̀ ghey ləghənu ni fuu igaamə.

1 Timoti 5:1

I kə wə nə tɔɔbə ghɔɔmənə tə nyim kə wù kə, i fədlə nyoʼlə ghɔɔmə ndow tə wi n dzə̂ i buulə zə tə wə ghɔɔmə tə tə̀lə̀. Wə i ghɔɔmə tə waa a fəghaŋ a num ghə tə wə ghɔɔmənə tə waazu.

1 Timoti 5:22

I kə wə nə tsəŋŋənə n wû wə ni tsuʼ naŋa kɔʼ wù nə̀ tə i fwaʼa fwaʼ kə Mûkəbii kə. Ka i nyiəllə soʼo wɔɔ kə n ghəə a bəbə ghey ghə̂ a loʼ a ghəŋŋə kaabənə. Dəmə tsu kə nə̀ wə i zow n ghəə ghə a ghəŋŋə ghə.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

2 Timoti 2:2

Ney kɔʼ ghəə ghən wə â zownə mə n diinə n sə kə ndəmə aghə̂, wə fuu naŋa tsu ghəə a tii ghə n wɔ ghə̂ ghən ghə loʼ nə wə loʼ ni gaʼ fə̀ŋ zə n kow ghə, sey nə̀, ghə i loʼ ni dii nduŋŋə ndow tə ghə̂ ghə.

Taytus 1:5

Zuŋ key mə â naŋa taʼa tsunə wɔ n Krit â loʼ nə̀ wə bayyə naŋa may kaabə bə ghəə ghey ghə â doʼo səənə, nsə nə̀ wə sày naŋa kɔʼ təngəd n dzəŋi u dzûmə tə Klisto n naʼa mey ndzəm n dəŋə kə tii kə. Bɔɔmə ghəŋə ndow tə̀ mə â dzanə tə̀ wɔ.

Jems 5:14

Nə̀ wù loʼ, loʼ n fəŋŋə kə ghaa tə dzaŋanə, ghaa n tûm tɔŋɔ bə ngəd tə dzûmə tə Klisto, ghə n bə gɔŋŋə tsu n tow kə wi, tsoʼlə tsu wi nə mmbvə n zəd i Mûkəbii.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

2 Jɔn 1:1

À màʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə weyzən wən Zə̀ kə sày naŋa kɔʼnə nsə waa a wi ghə. N tɔ̀ɔ bə boʼnə n ngii ləghə wi. A way kə mə n ləghənə wi, ghə̂ ghey adzəm ghə khənə isəŋə, ləghə soʼonu wi.

3 Jɔn 1:1

À maʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə wù fə wuŋ u dzuŋu wən, tɔŋŋə Gayɔs, n ndzəmə ləghənə wi.