Kəfwaʼ 14:1 - Kaa n Kəzə̀ n fəghə mə

¹ Ambə Pɔl ghi Banabas bə soʼonə nə Ikonum, ghə n ndow n ndaw kədzəŋi ə ghə̂ a Təjuu, ghɔɔmə n jìi zey ndəmə ghə̂ a Təjuu nsə ghə̂ ghey ghə way ghə̂ a Təjuu ghə â loʼ ni keeli bəghəm i fə̀ŋ.

Kəfwaʼ 14:1 Mawu Ofanana

Malakus 7:26

Tə â way dzə zən ə Juu, â loʼ zən ə kətûm tə nuu bənə n mboʼo Fonisia n naʼ i Sirya. Tə n buʼ wi n wɔɔ kə nə̀ tə dzùm shi zay kə bwu key n kow waa wi.

Tùm i dzuŋu zə kuum Yeso Klisto tə Jɔn â tɔɔnə 12:20

Ghə̂ ghən ghə way ghə̂ a Təjuu ghə n bə soʼo ni bə ngɔɔmə Kəzə̀ n Zə̂ kə taa zaʼa kə n Yerosalem

Tùm i dzuŋu zə kuum Yeso Klisto tə Jɔn â tɔɔnə 7:35

Ngəd tə Təjuu tə n zey ndòw ni ghɔɔmə n wû i ghə nə̀, “Tə dza i boʼo ndòw ghee, saa î way ni kəŋ koʼ wi ə? Tə moʼlə ni ndow n naʼ i Grik, n luʼu key ghə̂ a saa a muu kaabənə tii ni dii ndòw ghə̂ a Grik ghə ə?

Kəfwaʼ 11:21

Daʼa kə Mûkəbii kə n loʼ n kow ghə, ndəm ə aghə̂ n bəghəm tə Klisto, fəd doʼo bə dzûmə tə Mûkəbii.

Kəfwaʼ 13:43

Ambə ghə sali tsunə n ndaw kədzəŋi, ndəm ə ghə̂ a Təjuu nsə ghə̂ ghən ghə way ghə̂ a Təjuu ghə, ghə ngɔɔmənə Zə̀ kə Təjuu kə n dzûmə ndow Pɔl nsə Banabas. Pɔl nsə Banabas n kuu fə̀ŋ tə ghə nə ghə təmi taw tsu n ndzuŋ ə Kəzə̀ zən ghə keeli kɔʼnə.

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Kəfwaʼ 13:5

Ambə ghə bə kuum tsunə n Salamis, ghə n naʼlə tûm Kəzə̀ n ndaw tə udzəŋi tə ghə̂ a Təjuu. Jɔn Mak n loʼ ghi ghə ni gaamə ghə n fwaʼ kə ghə.

Kəfwaʼ 13:51

Sey, Pɔl nsə Banabas n buʼ maʼa shi tsu kəvə n fuu i ghə tə a loʼ tsəə ni dii tsu nə̀ Zə̀ kə fəələ n fə̀ŋ ghi ghə. Ghə n daŋŋə nuu ndow i ghə zə nə Ikonum.

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Kəfwaʼ 14:21

Ambə ghə ndownə n naʼ i Debe, Pɔl nsə Banabas n naʼa tûm i dzuŋu zə tə ghə̂ ghey fu. Ndəmə aghə̂ n bəghəm tə Yeso fu n naʼ i tii zə. Ghə n kəm nuu tsu fu, ndow dzəŋŋə n naʼ i Listra, tsəghə ndow daŋŋə n naʼ i Ikonum, kəm dzəŋə bə n naʼ i Antyɔk zey n Pisidya.

Kəfwaʼ 16:1

Pɔl n ndow bə n Debe tsəghə ndow n naʼ i Listra. Dzûmə ə Klisto u loʼ wə ghə tɔŋŋə nə̀ a loʼ Timoti n loʼ fu n naʼ i Listra. Này wi a loʼ zən ə Juu tə a bəghəm nə tə Yeso, bày wi n kee loʼ wù Gris.

Kəfwaʼ 16:2

Dzûmə tə Klisto tey n Listra nsə n Ikonum â ngii kali Timoti bòʼ mwam u wi.

Kəfwaʼ 17:12

Ndəmə ghə̂ a Təjuu ghə n bəghəm, ighələ tə gheyzən a nii ghən nsə gheynum ghən ghə â way ghə̂ a Təjuu ghə â bəghəm soʼonə.

Kəfwaʼ 17:17

Tə sey kaʼnu ni ghɔɔmə dzəŋi ghi ghə̂ a Təjuu ghə nsə ghə̂ ghey ghə bəghəmnə tə̀ Zə̀ kə nə̀ a way ghə̂ a Təjuu n ndaw kədzəŋi ə ghə̂ a Təjuu. Tsuʼu n dzəm, tə n ghɔɔmə dzəŋi soʼo ghi ghə̂ ghey tə kpillənə ghi ghə n zeeli wə inaʼ.

Kəfwaʼ 17:4

Ghə̂ a Təjuu a loʼ ghə n bəghəm ghɔɔmə i Pɔl, ghə təmdzəŋi ndow Pɔl ghi Silas ighələ tə ndəmə ghə̂ ghey ghə way ghə̂ a Təjuu ghə nə ghə n bəghəm tə Zə̀ kə. Gheyzən a nii a loʼ ghə n təmdzəŋi ndow soʼo ghə.

Kəfwaʼ 18:4

N tsuʼu mə inaʼ n Təjuu n dzəm, Pɔl n ghɔɔmə tsə n ndaw kədzəŋi ə ghə̂ a Təjuu ghə, dəmə ni kɔŋŋə bə ghə̂ a Təjuu nsə ghə̂ ghən ghə way ghə̂ a Təjuu ghə nə̀ ghə bəghəm tə Klisto.

Kəfwaʼ 18:8

Krispus wən tə â loʼ tow kə n ndaw kədzəŋi ə ghə̂ a Təjuu, n bəghəm tə Mûkəbii ghi ghə̂ a ndaw a wi ghə adzəm. Ndəmə ghə̂ a Kɔrint ghey ghə â zow ghɔɔmə i Pɔl zə, ghə n bəghəm fu soʼo, ney kɔʼ mmuu n Kəzə̀.

Kəfwaʼ 19:10

Pɔl n ghəŋə kəŋə ndow ghəə ghən nə tənum tə bəghə, n jii ghə̂ ghən adzəm ghə muunə n Eshya, ghə̂ a Təjuu nsə ghə̂ ghən ghə way ghə̂ a Təjuu ghə, n zow tsu ghɔɔmə i Mûkəbii.

Kəfwaʼ 19:17

Ghə̂ a Təjuu nsə ghə̂ ghən ghə way ghə̂ a Təjuu ghə adzəm, ghə â muunə n Efesus n zow tsəghə ndow ghə i tii zə. Tsəŋ zə n ngii nyi ghə n fəŋ, ghə n daŋŋə kaʼ ni ngii fuu kɔʼlə mə zəd i Mûkəbii Yeso.

Kəfwaʼ 19:8

Pɔl n ney kəŋə ndow təndzɔŋɔ tətəghə nə tə ndow ghɔɔmə kə aghəə ghi ghə̂ ghey n ndaw kədzəŋi ghə̂ Təjuu nə tə tsəŋə way. Tə n ghɔɔmə ballə ghi ghə ni kɔŋŋə nuu bə ghə bòʼ ghəə a fɔɔ u Kəzə̀.

Kəfwaʼ 2:47

Ghə n fuu nkɔʼlə tə Zə̀ kə, aghə̂ adzəm n ngii ləghə ghə. Tsuʼu n dzəm, Mûkəbii n bəghəshiə aghə̂, kuu kpiʼi kɔʼɔ ndow taŋ ə ghə̂ ghey ghə bəghəmnə tə wi.

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 21:28

Ghə̂ a tii ghə n buʼlə nbɔŋ, dza tsuu nə̀, “Ohooo Ghə̂ ghə Izree ghə, tɔm bə na ghey! À wən loʼ wù wey tə tsə̀ə bəəbə ghə̂ ghə nə təluʼu tədzəm nə̀ ghə ka i zow tə ghə̂ Izree ghə, ghə ka i naŋŋə laŋ kə Mushi kə, ghə ka i kɔʼlə soʼo ndaw Kəzə̀ ə saa i nii zən. Ghə zey i bəb tsəghəshi tsunə loʼ nə̀ tə baa ney nyi bə ghə̂ ghey ghə way ghə̂ a Təjuu fa n ndaw Kəzə̀ ə saa, ghəŋə nə̀ kə luʼu kən nə kəm zow.”

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 10:12

I loʼ sey n təŋkey, Zə̀ kə bəghəshiə aghə̂ adzəm. Zə̀ kə ney way n taŋ nə̀ wə loʼ wù Juu nkee wù wən tə way wù Juu. À loʼ Mûkəbii u mɔʼɔ wə tə loʼnə Mûkəbii tə ghə̂ ghə adzəm, tə buu soʼo n wɔɔ kə ni fuu tə ghə̂ ghey adzəm ghə nɔɔ ndownə tə wi.

Galeshia 2:3

Ghə â ka kee təmi kɔʼ dzə nə ghə teeli khə ni səghə tyi kə Taytus wən tə â loʼ nə ghi mə loʼ sey nə̀ tə way wù Juu.

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Kolose 3:11

N muu i fəghə zən, kweyyə kə loʼ kə kəm way dzə a dza wə loʼ wù Juu nkee wə way wù Juu, nə ghə səghə tyi kə nkee ghə ka səghə ə, wə loʼ kəkɔd nkee wə way kəkɔd ə. Nə wə loʼ wù kətûm, nə wə loʼ wù mbvən, kweyyə kə loʼ kə way dzə. Isəŋə loʼ kə nə̀ Klisto loʼ kətow nə aghəə adzəm nə təjìi tədzəm.

2 Timoti 3:11

Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.