Kəfwaʼ 13:6 - Kaa n Kəzə̀ n fəghə mə

⁶ Ghə n bwey tsəghə ndow mbuʼ zey dzuu dzəŋŋə naŋa kɔʼnə idzəm, bə kuum bə n naʼ i Pafos. Ghə n kpiilə bə fu ghi wù loʼ tə â ghəŋŋənə ghəə a fənnə ghə, ghə â tɔŋŋə nə̀ a loʼ Ba-Yeso, ghi wù Juu u loʼ wə tə â ghaŋŋənə wû wə nə̀ i loʼ wù tûm Kəzə̀.

Kəfwaʼ 13:6 Mawu Ofanana

Matyo 16:17

Sey, Yeso n beeli ndòw wi nə̀, “Buulə i loʼ tə̀ wɔ a Shimun waa Jona, n təŋkey, à way dzə wù sɔŋtsuʼ tə chi diinə ghəə ghən tə̀ wɔ, à loʼ Bày wuŋ idəŋ.

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 7:15

Yeso n dza tə̀ ghə nə̀, “Ney na ghə̂mə zə n tûm tə Kəzə̀ tə tsɔŋɔ tə. Ghə buulə bəghə n səə ghaa tə̀ a loʼ tənjì, loʼ sey nə̀ n fə̀ŋ tə ghə, ghə bəbə faalə tə a loʼ ubəghə.

Malakus 10:46

Yeso ghi ngəd tə wi tə n ndòw bə n naʼ i Jeriko, ambə ghə nuulə shiə ndòwnə fu, nɔɔ kə aghə̂ kə n bəghə n baa wi, wù fəbə u loʼ wə ghə â tɔŋŋənə nə̀ a loʼ Batimayɔs waa Timayɔs, n doʼ n khəə u jii tə nɔɔnə.

Kəfwaʼ 13:13

Pɔl nsə ghə̂ ghey tə â loʼ dzəŋinə ghi ghə n zəghə tsu Pafos, nyi kɔʼ nə kəfən, daŋ shi ndow n naʼ i Pega n mboʼo Pamfilya. À loʼ fu Jɔn Mak a zəghə tsunə ghə, nuu dzəŋŋə ndow n Yerosalem.

Kəfwaʼ 13:8

Wù fənnə wən ghə â tɔŋŋə n ghɔɔmə i Grik nə a loʼ Elimas n kee khə̂mə ghə, ləghə soʼo ni təʼlə maʼa nə̀ kə gɔvənɔ wən nə bəghəm tûm Kəzə̀ zən.

2 Kɔrint 11:13

N dza sey n təŋkey, ndzoʼo ghə̂ ghən loʼ ngəd tə tsɔŋɔ tə, ghə badla aghəə n fwaʼ kə ghə, nəbə sə̂ aghə̂ nə̀ ghə loʼ ngəd tə Klisto tə səŋi tə.

2 Timoti 3:8

Nghee tə Janis ghi Jambris â təʼlənə Mushi, à loʼ soʼo sey ghə̂ ghən təʼlənə isəŋə. À wən loʼ aghə̂ nə̀ ghə khə dzî u təfə̀ŋ, nə̀ ghə n bwù khə̂mə soʼo n bəghəm i fə̀ŋ i ghə.

1 Jɔn 4:1

Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.

Chi dii 19:20

Ghə n fəd kwu fìi naŋa ndow faalə kə nyam mbvən key ghi tûm tə Kəzə̀ tə tsɔŋɔ tən tə â ghəŋŋənə faalə n tsɔŋɔ mə n sə kə wi. (À loʼ faalə n tsɔŋɔ mən tə a diinə, mə â ghəŋənə nə̀ ghə̂ ghən ghə â neynə tsə̀ə faalə kə nyam mbvən kən nsə ghə̂ ghən ghə â ngɔɔmənə muʼu fən fə fiilənə wi nə̀ ghə nyəŋ laʼ n baa wi). Ghə n kwu tsu faalə kə nyam mbvən key ghi tûm tə Kəzə̀ tə tsɔŋɔ tən maʼa nyi tsu utaw n nyî zə uvələ u bəʼlə ghi fə kə loʼ ghə tɔŋŋə nə̀ a loʼ sɔlfɔ.