Kəfwaʼ 13:51 - Kaa n Kəzə̀ n fəghə mə

⁵¹ Sey, Pɔl nsə Banabas n buʼ maʼa shi tsu kəvə n fuu i ghə tə a loʼ tsəə ni dii tsu nə̀ Zə̀ kə fəələ n fə̀ŋ ghi ghə. Ghə n daŋŋə nuu ndow i ghə zə nə Ikonum.

Kəfwaʼ 13:51 Mawu Ofanana

Matyo 10:14

Nə ghə ka ghaa kpii ney, tuu soʼo ni zəllə ghɔɔmə i ghaa, ghaa n zə̀ghə tsu bii kə tii kə nkee naʼ i tii zə, buʼ maʼa tsu bvə kə naʼ i tii zə n fuu i ghaa.

Malakus 6:11

Abə ghaa bənə n naʼ zey ghə ka bəghəm naŋa ghaa fu, tuu soʼo ni zow tə ghaa, ghaa buʼ maʼa tsu bvə kə naʼ i ghə n fuu i ghaa, tə a loʼ tsəə n ghə i bəbə zey ghə ghəŋənə, ghaa shi nuu n naʼ i tii zə.”

Lukas 10:11

“Kasə̀ bvə kə naʼ i ghaa, kə i doʼo way n fuu i ghey, a sa buʼu maʼanu. Seykə keeli tsu na nə fɔɔ u Kəzə̀ wə n shɔd.

Lukas 9:5

Abə ghaa nyi ndòwnə n naʼ i lòʼ zə nə̀ ghə ka ghaa bəghəm naŋa fu, nghee ghaa shiə ndownə, ghaa n buʼ maʼa tsu bvə key n fuu i ghaa ni dii tsu nə̀, ghə ka ghaa bəghəm naŋa fu.”

Kəfwaʼ 14:1

Ambə Pɔl ghi Banabas bə soʼonə nə Ikonum, ghə n ndow n ndaw kədzəŋi ə ghə̂ a Təjuu, ghɔɔmə n jìi zey ndəmə ghə̂ a Təjuu nsə ghə̂ ghey ghə way ghə̂ a Təjuu ghə â loʼ ni keeli bəghəm i fə̀ŋ.

Kəfwaʼ 14:19

Ghə̂ a Təjuu a loʼ ghə, ghə a nuu bənə n naʼa tə Antyɔk nsə nə Ikonum n ndow bə fu n Listra. Ghə nəəbə tsu nɔɔ kə aghə̂ key nə ghə dzəŋi bə i ghə. Sey ghə n təmmə Pɔl nə atay, sii nuu shi ndow ghi wi n naʼ i tii zə ndow maʼa naŋa ndow wi, khə kə nə̀ tə n kpuu.

Kəfwaʼ 14:21

Ambə ghə ndownə n naʼ i Debe, Pɔl nsə Banabas n naʼa tûm i dzuŋu zə tə ghə̂ ghey fu. Ndəmə aghə̂ n bəghəm tə Yeso fu n naʼ i tii zə. Ghə n kəm nuu tsu fu, ndow dzəŋŋə n naʼ i Listra, tsəghə ndow daŋŋə n naʼ i Ikonum, kəm dzəŋə bə n naʼ i Antyɔk zey n Pisidya.

Kəfwaʼ 16:2

Dzûmə tə Klisto tey n Listra nsə n Ikonum â ngii kali Timoti bòʼ mwam u wi.

Kəfwaʼ 18:6

Ambə ghə̂ a Təjuu khə̂mə ghɔɔmə i Pɔl zə, zey ndow ni kpaalə wi, tə buʼ maʼa tsu kəbvə n ndzə̂ tə wi ni dii tsu nə̀ tə n nyoʼo dzəm tə ghə. Tə n dza tə ghə nə̀, “Və i ghaa i laalə kə ghaa, wɔɔ kuŋ kə way tii. Ni nuu tsu nya ndow isə, mə i tûm i dzuŋu i nya naʼlə kə tə ghə̂ ghən ghə way ghə̂ a Təjuu ghə.”

2 Timoti 3:11

Wə khənu nghee ghə â chɔdnə mə tii nsə nghee mə â fəghənə tii. Wə khə soʼonu chɔd mey mə â keelinə n naʼ i Antyɔk, Ikonum, nsə n Listra. Nghee tə ghəə ghən â shinə n kow mə, Mûkəbii n nam bəghəshi mə n ghəə a tii ghə adzəm.