Kəfwaʼ 13:5 - Kaa n Kəzə̀ n fəghə mə

⁵ Ambə ghə bə kuum tsunə n Salamis, ghə n naʼlə tûm Kəzə̀ n ndaw tə udzəŋi tə ghə̂ a Təjuu. Jɔn Mak n loʼ ghi ghə ni gaamə ghə n fwaʼ kə ghə.

Kəfwaʼ 13:5 Mawu Ofanana

Matyo 20:26

I kə̂ i nə̂ doʼlənə sey ghi ghaa, wù wey tə ləghənə ni doʼo wù nii n fəŋŋə kə ghaa sey khə ni loʼ tə̀ a loʼ wù kəfwaʼ tə̀ ghaa adzəm,

Kəfwaʼ 12:12

Nghee ghəə ghən nyi bənə n tow kə wi, tə n nuu ndow n ndaw Maria, này Jɔn wən ghə â tɔŋŋə soʼonə wi nə̀ a loʼ Mak. À n loʼnə ndəmə aghə̂ n zuŋŋə doʼo fu ghə gɔŋŋənə.

Kəfwaʼ 12:25

Ambə Banabas nsə Sɔl mayyə kɔʼ fwaʼ kə ghə kə n Yerosalem, ghə n ney kɔʼ Jɔn wən ghə a tɔŋŋə nə̀ a loʼ Mak, nuu ndow ghi wi.

Kəfwaʼ 13:14

Ghə n kee zəghə tsu Pega, nyi ndow n naʼ i Antyɔk, zə a loʼnə n mboʼo Pisidya. Ambə n tsuʼ inaʼ, ghə n nyi ndow doʼo tsu n ndaw kədzəŋi ə ghə̂ Təjuu.

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Kəfwaʼ 14:1

Ambə Pɔl ghi Banabas bə soʼonə nə Ikonum, ghə n ndow n ndaw kədzəŋi ə ghə̂ a Təjuu, ghɔɔmə n jìi zey ndəmə ghə̂ a Təjuu nsə ghə̂ ghey ghə way ghə̂ a Təjuu ghə â loʼ ni keeli bəghəm i fə̀ŋ.

Kəfwaʼ 15:37

Banabas n bəghəm kɔʼ, kee ləghə nə̀ ghə ney ndow Jɔn Mak ghi ghə.

Kəfwaʼ 17:17

Tə sey kaʼnu ni ghɔɔmə dzəŋi ghi ghə̂ a Təjuu ghə nsə ghə̂ ghey ghə bəghəmnə tə̀ Zə̀ kə nə̀ a way ghə̂ a Təjuu n ndaw kədzəŋi ə ghə̂ a Təjuu. Tsuʼu n dzəm, tə n ghɔɔmə dzəŋi soʼo ghi ghə̂ ghey tə kpillənə ghi ghə n zeeli wə inaʼ.

Kəfwaʼ 18:4

N tsuʼu mə inaʼ n Təjuu n dzəm, Pɔl n ghɔɔmə tsə n ndaw kədzəŋi ə ghə̂ a Təjuu ghə, dəmə ni kɔŋŋə bə ghə̂ a Təjuu nsə ghə̂ ghən ghə way ghə̂ a Təjuu ghə nə̀ ghə bəghəm tə Klisto.

Kəfwaʼ 19:22

Tə n daŋŋə ney kɔʼ ghə̂ ghey ghə â gaamə bənə wi abəghə, Timoti ghi Erastus, tûm ndow n Masedonya, wû u wi n kee dzə doʼo kəŋə ndow n mboʼo Eshya.

Kəfwaʼ 19:29

Naʼ i tii zə idzəm n daŋŋə təmi kɔʼ nə ifuu. Ghə n kwu kɔʼ Gayɔs ghi Aristakus, ghə̂ a Masidonia ghən ghə a bweynə ghi Pɔl, daŋŋə nyəŋ ndow ghi ghə n ndaw kədzəŋi i nii zey fu inaʼ.

Kəfwaʼ 19:8

Pɔl n ney kəŋə ndow təndzɔŋɔ tətəghə nə tə ndow ghɔɔmə kə aghəə ghi ghə̂ ghey n ndaw kədzəŋi ghə̂ Təjuu nə tə tsəŋə way. Tə n ghɔɔmə ballə ghi ghə ni kɔŋŋə nuu bə ghə bòʼ ghəə a fɔɔ u Kəzə̀.

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

Kolose 4:10

Aristakus wən tə loʼnə fa n ndaw tsaʼ ghi mə, tɔŋɔ zow bə ghaa. Mak, waazə ə Banabas tɔŋɔ zow bə soʼo ghaa. Ghə mâ buʼ dza tə ghaa nə̀ abə Mak kpaʼi bənə fey, ghaa kpii ney wi.

2 Timoti 4:11

À nya doʼo səə kə Lukas fa ghi mə. Abə wə dza i bəghənu, ney kɔʼ Mak, wə bə ghi wi n təŋkey, tə loʼnu ni gaamə mə n fwaʼ kən.