Kəfwaʼ 13:43 - Kaa n Kəzə̀ n fəghə mə

⁴³ Ambə ghə sali tsunə n ndaw kədzəŋi, ndəm ə ghə̂ a Təjuu nsə ghə̂ ghən ghə way ghə̂ a Təjuu ghə, ghə ngɔɔmənə Zə̀ kə Təjuu kə n dzûmə ndow Pɔl nsə Banabas. Pɔl nsə Banabas n kuu fə̀ŋ tə ghə nə ghə təmi taw tsu n ndzuŋ ə Kəzə̀ zən ghə keeli kɔʼnə.

Kəfwaʼ 13:43 Mawu Ofanana

Matyo 23:15

Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə təŋkey, ghaa loʼ ghə nəb ityim. Ghaa daŋa kɔʼɔ tədzuu nsə naʼa tə ni ndòw kweyyə kɔʼ wù umɔʼ nə̀ tə bəghəm tə̀ Zə̀ kə. Ambə tə bəghəm kɔʼnə tə̀ Zə̀ kə, ghaa n kəm ghəŋə tsu wi, tə n fəd kpii ni ndow n luʼu key ghə chɔdlɔnə ghə̂ ghə a tii tsəghəshi wû i ghaa.

Kəfwaʼ 11:23

Ambə tə ndow nyi ndow nə̀, koʼ tsu ghəə a dzuŋu ghən Zə̀ kə ghəŋənə tə ghə, tə n duʼlə naʼ idzəm, kuu ndow fə̀ŋ tə ghə nə ghə təmi taw tsu kə ghi Mûkəbii n fə̀ŋ tə ghə tə tədzəm.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 14:3

Pɔl nsə Banabas n ndəŋ doʼo kəŋə ndow fu tii, naʼlə tûm i dzuŋu zə bòʼ Mûkəbii nə̀ ghə khə way tsəŋ i loʼ zə. Mûkəbii n dii bə nə̀ tûm ghə zən ghə naʼlənə bòʼ ndzuŋ ə Kəzə̀ loʼ isəŋə nghee tə â funə ghə n daʼa kə ni ghəŋŋə faalə mə nsə ghəə a zum ghə idzuu ghə.

Kəfwaʼ 16:14

Weyzən u loʼ wə n loʼ fu ghə â tɔŋŋə nə̀ a loʼ Lidia, tə â shinə n naʼ i Taytira. Tə n fìilə tsə ndzə̂ tə wən i taw zə, ngɔɔmə soʼo Kəzə̀. Mûkəbii n chi kɔʼ fə̀ŋ ə wi nə̀ tə bəghəm ghɔɔmə i Pɔl.

Kəfwaʼ 17:17

Tə sey kaʼnu ni ghɔɔmə dzəŋi ghi ghə̂ a Təjuu ghə nsə ghə̂ ghey ghə bəghəmnə tə̀ Zə̀ kə nə̀ a way ghə̂ a Təjuu n ndaw kədzəŋi ə ghə̂ a Təjuu. Tsuʼu n dzəm, tə n ghɔɔmə dzəŋi soʼo ghi ghə̂ ghey tə kpillənə ghi ghə n zeeli wə inaʼ.

Kəfwaʼ 17:34

Ghə̂ a loʼ ghə n ngəŋŋə təmdzəŋi ndow kə Pɔl, bəghəm fu ndow. N ghə̂ ghey ghə â bəghəm fu, â loʼ wù loʼ ghə tɔŋŋə nə̀ a loʼ Dionisus wù Areopagus. Weyzən u loʼ wə ghə â tɔŋŋə nə̀ a loʼ Damaris n loʼ soʼo fu nsə ndəmə ghə̂ a loʼ ghə.

Kəfwaʼ 17:4

Ghə̂ a Təjuu a loʼ ghə n bəghəm ghɔɔmə i Pɔl, ghə təmdzəŋi ndow Pɔl ghi Silas ighələ tə ndəmə ghə̂ ghey ghə way ghə̂ a Təjuu ghə nə ghə n bəghəm tə Zə̀ kə. Gheyzən a nii a loʼ ghə n təmdzəŋi ndow soʼo ghə.

Kəfwaʼ 18:7

Tə n zəghə tsu fu, nuu ndow nə wù loʼ tə â ngɔɔmə tsənə Zə̀ kə, zəd i wi zə â loʼ nə a loʼ Titius Justus. Ndaw wi â kuʼlə loʼ kə n səə ndaw kədzəŋi ə ghə̂ a Təjuu.

Kəfwaʼ 2:10

Ghə̂ a loʼ ghə a nuu bə n naʼ i Frigya, a loʼ ghə n Pamfilya, a loʼ ghə nə Ijip nsə n bad u Libya u loʼnə n səə Sirin. Saa a loʼ ghə u nuu bənə n naʼ i Roma.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 6:5

Ghə̂ adzəm n ngii ləghə saalə kən ngəd tə Yeso tə fuu bənə. Sey, ghə n sày kɔʼ Sitifən, tə a ngii khə bəghəm i fə̀ŋ zə, Zay kə Zow kə n loʼ soʼo n kow wi. Ghə sày kɔʼ soʼo, Filip, Prokorus, Nikanɔ, Timɔn, Paminas, nsə Nikɔlɔs tə â nuu bənə n Antyɔk tə â bəghəm tsəghə dzənə tə ghəə a Kəzə̀ a ghə̂ Təjuu ghə.

Roma 11:6

Zə̀ kə sày ghə n ndzuŋ ə wi, à way dzə nə̀ à loʼ ghə i loʼ zə ghə ghəŋə tsunə, n təŋkey abə à mə loʼ bòʼ ghə i loʼ zə ghə ghəŋə tsunə, tə ndzuŋ ə Kəzə̀ ə tii mə way dzə ndzuŋ i loʼ zə.

Roma 3:24

À kee loʼ nə̀ bòʼ ndzuŋ zən Zə̀ kə khənə n kow ghə̂ ghə adzəm, tə n ghəŋə nə̀ ghə i loʼ tsətsəghə n sə kə wi n bam i Yeso Klisto wən tə kùmshi bə nə saa n ghəə a saa a bəbə ghə.

Roma 5:2

À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.

Roma 5:21

Nghee tə bəb zə â khənə daʼa kə n kow ghə̂ ghə, ney bə ivə, à loʼ soʼo ighələ ndzuŋ ə Kəzə̀ khənə daʼa kə ni ghəŋə nə̀ ghə̂ ghə i loʼ tsətsəghə n sə kə wi ni keeli muu zən i nə may way n bam i Mûkəbii saa Yeso Klisto.

2 Kɔrint 5:11

Nghee tə̀ ghey khənə fə key kə loʼnə ni ngɔɔmə Mûkəbii, ghey buʼu kəwɔɔ nə̀ ghə̂ ghə i ngɔɔmə soʼo wi. Zə̀ kə khənu ghey, n moʼlə nə̀ n fə̀ŋ tə ghaa, ghaa khə soʼonu ghey.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Galeshia 5:1

Zuŋ key Klisto â kùmshinə saa tii loʼ ni ghəŋə nə̀ kə saa nə doʼlənə kɔd wə n tənə kəlaŋ. Sey, ney na ghə̂mə zə kə wù loʼ nə kəm sii dzəŋŋə nə ghaa nə ghaa kəm doʼo ukɔd n tənə kəlaŋ.

Galeshia 5:4

Wù wən tə ləghənə ni doʼo tsətsəghə n sə K-a-zə̀ a dza tə naŋŋə kəlaŋ, tə n baʼ nuu shi bə wû u wi wə n səə Klisto. Tə sey ney nuu shi bə dzə wû u wi n jìi zey tə kəm way ni keeli ndzuŋ ə Kəzə̀.

Efesus 2:8

À loʼ bòʼ ndzuŋ ə Kəzə̀ ghaa keelinə bəghəshi zə n bam i bəghəm i fə̀ŋ. Â ka ghaa ghəŋə dzə, à maŋ loʼ naamə K-a-zə̀.

Filipi 3:16

Saa kee khə ni bwey ndow kə nə isəŋə zey saa khə zey dzənə.

Filipi 4:1

Sey, waazə ghuŋ ghən n ngii ləghənə, mbuŋŋə kìi soʼo ni koʼ. Ghaa loʼ fə key kə fuunə mə n duʼlə zə, ghaa u loʼ soʼo fə key Zə̀ kə naamənə mə tii n fwaʼ kuŋ. Sey waazə ghuŋ a dzuŋu ghə, təmi taw tsu kə na n doʼo i ghaa ghi Mûkəbii.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 1:28

Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

Taytus 2:11

Zə̀ kə n dii bə tə saa ndzoʼo fə̀ŋ i dzuŋu zey tə khənə nghee tə bənə ni bə bəghəshi aghə̂ adzəm.

Hibru 12:15

Dəmə tsu n na nə̀ kə wù ghaa u loʼ u nə doʼlə nə̀ Zə̀ kə ka dii wi n fə̀ŋ ə wi i dzuŋu zə. Kə wù ghaa u loʼ u nə doʼlə naŋ kə bəbə kə n fəŋŋə kə ghaa, kə loʼ ni ghəŋə nə̀ unaŋ udzəm u fway.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.

2 Pita 3:14

Sey, fə ghuŋ a dzuŋu ghə, nghee ghaa ləmmənə tsuʼ fən, dəmə tən tsu n na ni koʼ nə̀ ghaa i zow, khə soʼo way bwu i loʼ zə n sə K-a-zə̀, loʼ soʼo nə ibuulə ghi wi.

1 Jɔn 2:28

Sey, ghaa ghən ghaa loʼnə waa ghuŋ ghə, ghaa doʼo tsu kə nə kəfə kəmɔʼ ghi Klisto, sey nə̀ abə tə i bə dzəŋŋə nə̀, saa i khə fə̀ŋ ni təmi n sə kə wi nə saa ka nyi doʼo bòʼ tow kə dədlə kə.

2 Jɔn 1:9

Wù wən tə ndow kə n sə kə, nə tə bɔɔmə bwey ndow way tə Klisto diinə, wù tii way dzə nə kəfə kəmɔʼ ghi Zə̀ kə. Wù wey tə dzûmənə dii i Klisto zə, tə loʼ nə kəfə kəmɔʼ ghi Bày nsə Waa.