Kəfwaʼ 13:42 - Kaa n Kəzə̀ n fəghə mə

⁴² Nghee Pɔl nsə Banabas zəghə tsunə ndaw kədzəŋi ə ghə̂ a Təjuu, nuu ndow, ghə̂ ghə n buʼ kəwɔɔ tə ghə nə̀ ghə i kəm bə kpiʼi n tsuʼ inaʼ wən u kəŋŋə bə nə tə ghə bə dza kpiʼi bə ghə n ghəə a Kəzə̀ ghə.

Kəfwaʼ 13:42 Mawu Ofanana

Matyo 11:21

“Ngoʼ loʼ tə ghaa ghə̂ a Korazin ghə! Ngoʼ loʼ tə̀ ghaa ghə̂ a Bedsayda ghə! N təŋkey, abə mə â ghəŋŋənə ghəə a faalə ghən n naʼ i Tayra nsə n naʼ i Sidɔn, tə̂ ghə mâ dzəŋə ndzə̂ tə ivə tə, tsoʼlə soʼo udzəm nə iwû, ni dii nə̀ ghə n kweyyə fə̀ŋ tə ghə tə n ghəə a bəbə ghə.

Matyo 19:30

À kee loʼ nə̀, ndəmə ghə̂ ghey ghə loʼnə sə kə nya nə̂ bə doʼlə ibam, aghey ghə doʼo guŋŋənə nya, ghə nə̂ bə doʼo ghə̂ a kəsə̂.”

Matyo 9:18

Nghee Yeso sə̀ nam khəə ghəə ghə, a n dza i koʼ, wù nii u loʼ wə n ndaw kədzəŋi ə ghə̂ a Təjuu n shi ndòw, nyaʼa ndòw n tənə wi, dza tə̀ wi nə̀, “Waa wuŋ u zən u sa kuʼlə kpu tsunu, kee bə mɔm tsu kə wi n tuʼ i mɔm zə, tə i taw kɔʼ.”

Kəfwaʼ 10:33

Mə n daŋŋə tûm tɔŋɔ bənə wɔ. Wə ghəŋŋə dzɔbnu ni bə. Nya ghey n təmdzəŋi bə n sə̂ K-a-zə̀ ni zəllə ghəə ghey Mûkəbii tûm nə wɔ nə̀ wə bə naʼa tə ghey.”

Kəfwaʼ 13:14

Ghə n kee zəghə tsu Pega, nyi ndow n naʼ i Antyɔk, zə a loʼnə n mboʼo Pisidya. Ambə n tsuʼ inaʼ, ghə n nyi ndow doʼo tsu n ndaw kədzəŋi ə ghə̂ Təjuu.

Kəfwaʼ 28:28

Ghaa khə ni keeli tsu nə̀ ghə n ney tûm Kəzə̀ zən i ghəŋŋə nə̀ ghə̂ a keeli ibəghəshi, tûm nuu ndow tə ghə̂ ghən ghə way ghə̂ a Təjuu ghə. Ghə i zownu.”