Kəfwaʼ 13:3 - Kaa n Kəzə̀ n fəghə mə

³ Ambə ghə bam may tsunə dzuu zə, gɔŋŋə may tsu soʼo, ghə n gaʼ ndow awɔɔ n tow u ghə, tûm nuu shi ndow ghə.

Kəfwaʼ 13:3 Mawu Ofanana

Lukas 2:37

sey tə n loʼ wey kpusə. Tə â nya loʼ ghəm n tənûm ifam n nûmtə təkaykə. Tə n muu tsə kə n Ndaw Kəzə̀ i nii zə n Yerosalem, gɔŋŋə zeeli tsuʼ ndzəm; n tsə nsə n tsuʼu tə, bam idzuu, ngɔɔmə Kə̀zə̀ nəŋə tədzəm.

Kəfwaʼ 1:24

Ambə ghə sày kɔʼnə ghə̂ ghən, ghə n gɔŋŋə tsu nə̀, “Mûkəbii, wə khənu fə̀ŋ tə ghə̂ tə tədzəm, dii bə wu wən wə sày nə n ghə̂ ghən abəghə,

Kəfwaʼ 13:2

Nghee ghə ngɔɔmənə Mûkəbii, bam idzuu, Zay kə Zow kə n dza tə ghə nə̀, “Sày naŋa kɔʼ n na Banabas nsə Sɔl tə mə, nə̀ ghə i fwaʼa fwaʼ kən n tɔŋɔnə ghə tii nə ghə bə fwa.”

Kəfwaʼ 13:4

Zay kə Zow kə n tûm tsu ndow Banabas ghi Sɔl n Selushya. Ghə n nyi kɔʼ nə kəfən fu n nguŋ ə nali kə dzùu kə Selushya, nuu ndow n naʼ zey dzuu dzəŋŋə naŋa kɔʼnə n fə̀ŋ, ghə tɔŋŋə nə̀ a loʼ Sayprus.

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

Kəfwaʼ 14:26

Ghə n nuu tsu fu nə Atalya kəfən, ndow dzəŋŋə n naʼ i Antyɔk. À loʼ n luʼu kən ghə â gɔŋŋənə tii nə̀ Zə̀ kə fuu ghə n ndzuŋ ni fwaʼ fwaʼ kən ghə kuʼlə mayyə kɔʼnə.

Kəfwaʼ 15:40

Pɔl n kee sày kɔʼ Silas. Dzûmə tə Klisto tə loʼ tən n buulə tsu ghə, dza nə̀ ndzuŋ ə Mûkəbii i loʼ ghi ghə nghee ghə ndownə.

Kəfwaʼ 6:6

Ghə n ney teyyə naŋa shi bə ghə̂ ghən asəghəmbəghə n sə kə ngəd tə Yeso tey, ghə n gɔŋŋə tə ghə, gaʼ ndow awɔɔ n tow u ghə.

Kəfwaʼ 9:17

Sey, Ananyas n nuu ndow, nyi ndow n ndaw zey Sɔl loʼnə tii, gaʼ ndow awɔɔ n kow wi dza nə̀, “Sɔl, n waazə, Mûkəbii tɔŋŋə Yeso wən tə â dii wû wə tə wɔ n jii nə wə bəghə fa, tə tûm bə mə n səə wɔ nə wə loʼ ni kəm koʼ təluʼu, Zay kə Zow kə i loʼ soʼo n kow wɔ naʼ idzəm.”

Roma 10:15

Wù loʼ soʼo ngee ni ndow naʼa tûm i dzuŋu zə nə̀ Zə̀ kə ka wi tûm ə? I bɔɔmə loʼ tə̀ i tɔ̀ɔ doʼonə n màʼlə K-a-zə̀ nə̀, “À ngii loʼ ghə i dzuŋu zə ni koʼ nə̀ tûm tə Kəzə̀ tə nya bəghənu ni bə naʼa tûm i dzuŋu zə!”

1 Timoti 4:14

I kə wə koʼo kìinə daʼa key Zay kə Zow kə â fuunə tə wɔ n nəŋə zey tûm tə Kəzə̀ nsə ngəd tə dzûmə tə Klisto tə â gɔŋŋənə, gaʼ bə wɔɔ a ghə n tow kə.

1 Timoti 5:22

I kə wə nə tsəŋŋənə n wû wə ni tsuʼ naŋa kɔʼ wù nə̀ tə i fwaʼa fwaʼ kə Mûkəbii kə. Ka i nyiəllə soʼo wɔɔ kə n ghəə a bəbə ghey ghə̂ a loʼ a ghəŋŋə kaabənə. Dəmə tsu kə nə̀ wə i zow n ghəə ghə a ghəŋŋə ghə.

2 Timoti 1:6

À wən loʼ zuŋ key n zəŋŋə bənə wɔ nə̀ wə i nûmə zeeli naamə key Zə̀ kə â fuunə tə wɔ n nəŋə zey mə a gaʼnə wɔɔ ghuŋ ghə n kow wɔ, gɔŋŋə tsu n tow kə.

2 Timoti 2:2

Ney kɔʼ ghəə ghən wə â zownə mə n diinə n sə kə ndəmə aghə̂, wə fuu naŋa tsu ghəə a tii ghə n wɔ ghə̂ ghən ghə loʼ nə wə loʼ ni gaʼ fə̀ŋ zə n kow ghə, sey nə̀, ghə i loʼ ni dii nduŋŋə ndow tə ghə̂ ghə.

3 Jɔn 1:6

Ghə n tiilə dza fa n dzəŋi kə dzûmə tə Klisto kuum ləghə zey wə diinə tə̀ ghə. N buʼu bə kəwɔɔ nə wə ndow kə n sə kə ni fuu ndow ghə n gaamə zə n bwey i ghə, tə̀ zə i fuu ngɔɔmə zə tə Zə̀ kə.

3 Jɔn 1:8

Saa ghən saa bəghəmnə tə Klisto, khə ni gaamə ndzoʼo ghə̂ ghən tə saa doʼo ghi ghə nə kəfə kəmɔʼ nə isəŋə zən ghə diinə.