Biblia Todo Logo
Baibulo la pa intaneti

- Zotsatsa -




Kəfwaʼ 13:27 - Kaa n Kəzə̀ n fəghə mə

27 Ghə̂ ghən ghə â muunə n Yerosalem nsə ghə̂ ghey ghə laalənə ghə, ghə â ka koʼ keeli dzə nə̀ Yeso loʼ wù wən Zə̀ kə â dza naŋa nə̀ i tûm bənu, ghə n zowkeeli soʼo way ghɔɔmə i tûm tə Kəzə̀ tən ghə â mgbaŋa tɔŋɔ dza tsənə tə̀ ghə n tsuʼu mə inaʼ n dzəm. Ghə n fəd luulə ghəə ghən tûm tə Kəzə̀ tə â tɔ̀ɔ naŋanə nghee ghə â wey tsu Yeso.

Onani mutuwo Koperani




Kəfwaʼ 13:27
25 Mawu Ofanana  

Yeso n beeli ndòw ghə nə̀, “Ghaa n nyəŋ laʼ ni bəghəm nə̀ zhəm dzəŋŋə zə ivə i way n təŋkey, ghaa khə way ghəə zey ghɔɔmə i Kəzə̀ i diinə, ghaa khə soʼo way daʼa K-a-zə̀ kə.


Yeso n beeli ndow wi nə̀, “Pita, n dza n dza bə tə wɔ nə̀, mwaʼ kə î tɔ̀ŋ way na n tsuʼu tə nə̀ wə ka mə̀ tuu màʼa tənə̀ŋə̀ tə tə̀ghə̀.”


Ambə ghə bə dzəŋŋənə, Pilato n tɔŋɔ naŋa bə ghə fɔɔngili a nii ghə, ngəd tə inaʼ, nsə ghə̂ ghə adzəm.


Ghə fɔɔngili a nii ghə nsə ngəd tə inaʼ tə ghey tə n ney fu nuu ndòw wi nə ghə tsəʼlə saʼ ni wey wi. Ghə n baa tsu wi n zat kə fəkaʼ.


Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.


Ghə nə ghəə ghən ghəŋŋə n kow ghaa, n təŋkey, ghə khə way mə, khə soʼo way Bày wuŋ.


Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.


Sey, Yeso n dza ndòw tə̀ ghə nə̀, “Abə ghə î kɔʼlə naŋa kɔʼnə Waa wù sɔŋtsuʼ n zat kə fəkaʼ, ghaa i daŋŋə keeli tsu nə̀ n loʼ wù wey N loʼnə ghii wə. Ghaa i keeli tsu soʼo nə̀ n ghəŋŋə dzə̀ way ghə i loʼ zə n daʼa kuŋ, n kee ghɔɔmə kə ghəə zey Bày wuŋ dza bənə tə̀ mə nə̀ n dza.


Ghə naʼlə tsə laŋ Mushi wən nə tənaʼa num tənum, tɔŋɔ soʼo n ndaw tə udzəŋi tə ghə̂ a Təjuu tədzəm n tsuʼu mə inaʼ.”


Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.


Waazə ghə, n khənu nə ghaa nsə ghə̂ ghən ghə laalənə ghaa, ghaa â ghəŋə ghəə ghən n kow Yeso n təŋkey ghaa â khə way ghəə zey ghaa â ghəŋŋənə.


Waazə ghə, isəŋə i loʼ i loʼnu i nyi doʼonə, n ləghə nə̀ ghaa keeli tsu, zə i ghəŋŋənə ghaa, ghaa i kɔʼlə way wû zə nə̀ ghaa tɔbənu. I loʼ nə̀ ghə̂ ghə Izree ghə i taw doʼo tən dzə way n tow kə. Nəŋə i bəghənu, ghə̂ ghən adzəm Zə̀ kə sàynə nə̀ à way ghə̂ a Təjuu i bəghəmnə tə̀ Klisto, ghə̂ Təjuu ghə i təmdzəŋi bə soʼo ghə.


Wù umɔʼ way dzə n ghə̂ ghən ghə saʼanə mbi n num tən nya tə â zowkeelinə ghəə ghən, n təŋkey, abə ghə â zowkeelinə, tə̂ ghə â ka baa Mûkəbii wən ghə fuunə kɔʼləmə n dzəm n zat kə fəkaʼ.


Sey, fə̀ŋ tə ghə tə n taw doʼo i tsu. Ni bə kùm na, abə ghə zow tsu nghee ghə tɔŋŋənə kaa n wey mə, a n loʼ tə a loʼ ndzə̂ tey tə nam tsəd doʼo kə n tûm usə̂ u ghə, n təŋkey, à loʼ kə n bam i Klisto ghə loʼnə ni tsɔʼ nuu ndzə̂ tə tii tə.


Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.


Nghee mə â loʼ nə̀ n ka kam bəghəm tə Klisto, mə â ghɔɔmə bəəbə tsə bòʼ wi, tsayyə wi, chɔdlɔ tsə soʼo wi. Zə̀ kə n kee kwɔɔlə isî n kow mə boʼnə mə â ka kam keeli dzə bəghəm i fə̀ŋ zə, mə n khə soʼo way ghəə ghey mə â ghəŋŋənə.


Titsatireni:

Zotsatsa


Zotsatsa