Kəfwaʼ 13:26 - Kaa n Kəzə̀ n fəghə mə

²⁶ Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

Kəfwaʼ 13:26 Mawu Ofanana

Matyo 10:6

Ghaa bɔɔmə khə ni nyi ndòw kə n luʼu tey ghə̂ ghə Izree ghən ghə loʼ tə̀ a loʼ njì zən i naynə.

Matyo 3:9

I kə̂ ghaa nə moʼlənə nə̀ ghaa loʼ ni zə̂ kətow nghee ghaa dzanə nə̀, ‘Ghey loʼ waa waa ghə Abraham’ n təŋkey, Zə̀ kə loʼ ni ney kɔʼ tay ghən, tə ghəŋə nə̀ a doʼo waa ghə Abraham.

Lukas 1:69

Tə n fu saa n bəghəshi u nii wə. Wù nə tə shi n salli ndaw i wù kəfwaʼ a wi tɔŋɔ Devid,

Lukas 1:77

Wə ghəŋə nə̀ ghə̂ a wi a keeli tsu nə̀ ghə î keeli ibəghəshi, abə Zə̀ kə neyzəənə ghəə a ghə a bəbə ghə.

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Tùm i dzuŋu zə kuum Yeso Klisto tə Jɔn â tɔɔnə 6:68

Shimun Pita n beeli wi nə̀, “Mûkəbii, ghey kəm loʼ ni ndòw n səə ndee? À loʼ wɔ, wə khənə ghɔɔmə zey i fuunə muu zə itsali zə.

Kəfwaʼ 10:2

Tə â ngii gaʼ fə̀ŋ n ghəə a Kəzə̀. Wi ghi ghə̂ a wi ghə n ndaw adzəm n ngɔɔmə tsə Kəzə̀. Tə n buu n wɔɔ kə ni gaamə ghə̂ a Təjuu a laa ghə, gɔŋŋə soʼo tə Zə̀ kə nəŋə tədzəm.

Kəfwaʼ 10:35

tə bəghəm naŋŋə aghə̂ adzəm, abə wù tii ngɔɔmə dzənə wi ghəŋŋə soʼo ghəə ghey a loʼnə tsətsəghə. Tə ney way n taŋ nə̀ wù tii shi n naʼ i ghaa zə.

Kəfwaʼ 13:43

Ambə ghə sali tsunə n ndaw kədzəŋi, ndəm ə ghə̂ a Təjuu nsə ghə̂ ghən ghə way ghə̂ a Təjuu ghə, ghə ngɔɔmənə Zə̀ kə Təjuu kə n dzûmə ndow Pɔl nsə Banabas. Pɔl nsə Banabas n kuu fə̀ŋ tə ghə nə ghə təmi taw tsu n ndzuŋ ə Kəzə̀ zən ghə keeli kɔʼnə.

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Kəfwaʼ 16:17

Waa u zən wən n dzûmə kaabə tsə ghey ghi Pɔl, bwey naʼlə bə n dzə̂ i taw zə nə̀, “Ghə̂ ghən loʼ ghə̂ a kəfwaʼ a Zə̀ kə idəŋ kə. Ghə naʼlə bə tə ghaa jìi zey ghaa i keelinə bəghəshi zə tii.”

Kəfwaʼ 22:5

Fɔɔngili u nii nii wə nsə ngəd tə ndaw tsə tə loʼnu ni tɔʼ tiilə dza ghəə ghən. À buʼ loʼ ghə, ghə â fuunə mə n màʼlə wə nə̀ n ndow fuu tə ngəd tə Təjuu tey n Damaskus. Sey, mə n ndow fu ni ndow kwu ghə̂ ghən, n ney dzəŋŋə bə ghə n ndaw tsaʼ n Yerosalem ni chɔd ghə.”

Kəfwaʼ 28:28

Ghaa khə ni keeli tsu nə̀ ghə n ney tûm Kəzə̀ zən i ghəŋŋə nə̀ ghə̂ a keeli ibəghəshi, tûm nuu ndow tə ghə̂ ghən ghə way ghə̂ a Təjuu ghə. Ghə i zownu.”

Kəfwaʼ 3:26

Ambə Zə̀ kə sày kɔʼnə wù kəfwaʼ a wi, tə n bùʼ tûm bə dzə wi n səə ghaa nə̀ tə bə buulə ghaa, tə ghəŋə nə̀ ghaa adzəm, ghaa kweyyə nuu bə n ghəə a ghaa a bəbə ghə.”

Kəfwaʼ 4:12

À loʼ kə n bam i Yeso wù keelinə bəghəshi zə, wù loʼ kəm way fa n mbi Zə̀ kə fuu naŋanə tə loʼ ni bəghəshi saa n ghəə a saa a bəbə ghə.”

Kəfwaʼ 5:20

“Ndow təmi tsu na n bii kə ndaw Kəzə̀, ghaa dza ndow tə ghə̂ a tii ghə, ghəə ghey adzəm a ghəŋŋənə nə̀ ghə keeli muu zə itsali.”

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Efesus 1:13

Ghaa â zow soʼonu isəŋə, tɔŋŋə tûm i dzuŋu zən i fuunə ghaa n bəghəshi zə. Ambə ghaa bəghəmnə tə̀ Klisto, Zə̀ kə n fuu ghaa n tsəə zey tə â təb naŋanə, tɔŋŋə Zay kə Zow kə, ni dii nə̀ ghaa loʼ ghə̂ a wi.

Kolose 1:5

Bəghəm i fə̀ŋ zən nsə ləghə zən ghaa khənə loʼ n təŋkey ghaa ləmmə tənə ni keeli naamə kən Zə̀ kə naŋanə tə ghaa n fɔ̀ɔ wə idəŋ wə. Ghaa â keeli ndzoʼo moʼlə zən n nəŋə zey ghaa â bəghəmnə tûm i dzuŋu zən kuum Yeso Klisto i loʼnə isəŋə.