Kəfwaʼ 13:16 - Kaa n Kəzə̀ n fəghə mə

¹⁶ Pɔl n nuu təmi kɔʼ, foʼ tsu kəwɔɔ nə̀ ghə doʼo tsu mɔŋ. Tə n ghɔɔmə ndow tə ghə nə̀, “Ghə̂ ghə Izree ghə nsə ghaa ghə̂ tətùm ghən ghaa ngɔɔmənə Zə̀ kə, ghaa zow!

Kəfwaʼ 13:16 Mawu Ofanana

Matyo 11:15

Wù wey tə khənə tuŋŋə wə, tə zow!”

Lukas 1:22

Ambə tə shi bə nə̀, tə n kəm way ni ghɔɔmə̀. Ghə n daŋŋə keelinə tə n koʼ faalə kə ighəə kə loʼ kə n fəŋ ə Ndaw Kəzə̀ i nii zə n Yerosalem. Sey, tə n ghɔɔmə tə̀ ghə nə tə foʼlə ndòw aghəə n wɔ.

Lukas 1:50

Sii i kwɔɔlə i wi zə î loʼ kow ghə̂ ghey ghə ngɔɔmənə wi nûm tə nûm.

Lukas 23:40

Wù loʼ wey n kpaa ndòw wi dza, “Wə̀ tsəŋə way Zə̀ kə, n dza saa fa dzəŋi fəʼlənu n saʼ zey ghə â tsəʼlənə n kow saa a?

Kəfwaʼ 10:2

Tə â ngii gaʼ fə̀ŋ n ghəə a Kəzə̀. Wi ghi ghə̂ a wi ghə n ndaw adzəm n ngɔɔmə tsə Kəzə̀. Tə n buu n wɔɔ kə ni gaamə ghə̂ a Təjuu a laa ghə, gɔŋŋə soʼo tə Zə̀ kə nəŋə tədzəm.

Kəfwaʼ 10:35

tə bəghəm naŋŋə aghə̂ adzəm, abə wù tii ngɔɔmə dzənə wi ghəŋŋə soʼo ghəə ghey a loʼnə tsətsəghə. Tə ney way n taŋ nə̀ wù tii shi n naʼ i ghaa zə.

Kəfwaʼ 12:17

Tə n foʼlə tsu nə awɔɔ nə ghə doʼo tsu mɔŋ. Sey, tə n tiilə dza ndow tə ghə nghee Mûkəbii ney nuu shi bənə wi tii n ndaw tsaʼ. Tə n dza tə ghə nə̀, “Dza nduŋŋə ndow na ghəə ghən tə Jems nsə dzûmə tə Klisto tə loʼ tey tədzəm.” Nghee tə dza tsunə sey tə n daŋŋə nuu ndow soʼo n luʼu kə nuu kə.

Kəfwaʼ 13:26

Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Kəfwaʼ 19:33

Ghə̂ a Təjuu a loʼ ghə n tənnə Alekzanda nə tə shi ghɔɔmə bə aghəə, n təŋkey ghə â koʼ wi nə tə khənu ghə i dza zə. Alekzanda n fòʼlə ndow awɔɔ nə ghə doʼo tsu mɔŋ, tə i tiilə ghəə zey i tsəghənə tə ghə.

Kəfwaʼ 2:14

Sey Pita n nuu təmi kɔʼ idəŋ ghi tsətəndəghə tə loʼ tey ighəm nsə ghii zə imɔʼ, dza shi kɔʼ n dzə i taw zə tə nɔɔ kə aghə̂ key nə̀, “Waazə ghuŋ ghə, ghə̂ Təjuu ghə nsə ghaa ghən adzəm ghaa muunə n Yerosalem, tɔʼɔ chi kɔʼ na tuŋŋə u ghaa wə ghaa zəllə ghɔɔmə zuŋ.

Kəfwaʼ 2:22

Pita n daŋŋə dza tə ghə nə “Ghə̂ ghə Izree ghə, ghaa zow! Yeso wù Nazaled wən Zə̀ kə â sàynə, tə n dii bə wi tə ghaa n faalə mən tə â ghəŋənə, tsəə tən tə â diinə nsə ghəə a səŋi ghən tə â ghəŋənə n fəŋŋə kə ghaa. Wû i ghaa, ghaa mgbaŋ khənu ghəə a tii ghə.

Kəfwaʼ 21:40

Wù nii wey fu tsu wi n bùʼ kə, sey Pɔl n təmi kɔʼ nə kəghub, foʼlə ndow ghə n wɔɔ kə nə ghə doʼo tsu mɔŋ. Ambə ghə ndzɔʼ dəm soʼo, ghə n nuu zow doʼo tsu mɔŋ. Pɔl n kaʼ ndow ni ghɔɔmə tə ghə n ghɔɔmə i Hibru.

Kəfwaʼ 22:22

Ghə̂ a tii ghə n ndzɔʼ zəllə kə ghɔɔmə i Pɔl sa, kɔʼ kuum tsu n luʼu kən tə bə dza tsunə nə̀ Mûkəbii tûm wi nə̀ tə ndow naʼa tûm tə ghə̂ ghey ghə way ghə̂ a Təjuu ghə. Ghə n nuu taw shi kɔʼ fu n dzə tə nə̀, “Ney nuu nyam fəkaʼ wən! Wey maʼa n na wi n ghəlitsə kən! Ndzoʼo wù wən khə way ni loʼ utaw!”

Kəfwaʼ 3:12

Ambə Pita koʼ tsunə sey, tə n dza ndow tə ghə̂ ghey nə̀, “Ghə̂ a Izree ghə, à lo kee dzuu i zumnə ghaa n ghəə zən ə? A loʼ kee ghaa laalənə ghey n ndzoʼo jii zən ə? À loʼ kee ghaa laalənə ghey tə a i dzanə à loʼ n daʼa kə ghey, ghey ghəŋənə nə̀ wù wən bwey nkee ghaa moʼlə nə̀ ghey loʼ ghə̂ a dzuŋu ghə n sə K-a-zə̀ ni ghəŋə nə̀ wù wən bwey ə?

Chi dii 2:11

Wù wən tə khənə tuŋŋə wə, tə zow ghəə zey Zay kə Zow kə dzanə tə̀ dzəŋi u dzûmə tə Klisto tə. Wù wən tə təm zənə bəb zə, tə i kəm bə kpu way n bùʼ kə uvələ.”

Chi dii 2:17

Wù wey tə khənə tuŋŋə wə, tə zow ghəə ghən Zay kə Zow kə dzanə tə dzəŋi u dzûmə tə Klisto wə. Wù wən tə i taw tsəghənə ghəə a bəbə ghə, mə i fuu ghə n fəzəə u loʼ wə ghə â nyi naŋanə, ghə tɔŋŋənə nə̀ a loʼ mana. Mə i fuu soʼo ghə n tay i fəmə zən ghə tɔ̀ɔ naŋanə zəd i fəghə zə tii, nə̀ wù loʼ khə way, nə̀ a khə kə wù wey tə i neynə tay i tii zə.”

Chi dii 2:29

Wù wey tə khənə tuŋŋə wə, tə zow ghəə zey Zay K-a-zə̀ kə dza tə dzəŋi u dzûmə tə Klisto wə.”

Chi dii 2:7

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wən. Mə i fuu tsu kədaʼa tə̀ ghə̂ ghey ghə i taw tsəghəshiənə ghəə a bəbə ghə, ghə i kɔy nəghə tam wə n kaʼ fey fə fuunə muu zə, fə loʼnə n sum u Kəzə̀ idəŋ.”