Kəfwaʼ 13:15 - Kaa n Kəzə̀ n fəghə mə

¹⁵ Nghee ghə n tɔŋɔ may kɔʼnə laŋ u Mushi wə nsə ghəə ghey ghə̂ a tûm tə Kəzə̀ tə â tɔ̀ɔ naŋanə, ghə̂ a nii ghey n ndaw kədzəŋi ə ghə̂ a Təjuu n tûm ndow wù nə̀ tə dza ndow tə ghə nə̀, “Waazə ghə, abə ghaa kpaʼi khənə ghɔɔmə zə ni təm tawwə bə aghə̂ tii, ghaa n ndow n sə kə.”

Kəfwaʼ 13:15 Mawu Ofanana

Malakus 5:22

Wù loʼ ghə â tɔŋŋənə nə̀ a loʼ Jairus, tə â loʼnə ngəd n ndaw kədzəŋi ə ghə̂ a Təjuu n ndòw bə. Nghee tə̀ tə koʼ tsunə Yeso, tə n bwù ndòw n fuu i wi.

Lukas 16:16

Laŋ u Mushi nsə tûm tə Kəzə̀ tə â gaamə tsə ghaa ni keeli ghəə a Kəzə̀ ni bə kùm tə̀ Jɔn wù fuu u mmuu Kəzə̀ mə â bə nə. Ni ney nuu bə n nəŋŋə i tii zə, n sa naʼlə kə tûm i dzuŋu zə bòʼ fɔɔ u Kəzə̀, ghə̂ ghə a fuʼunə ni nyi fu tii nə kədaʼa.

Kəfwaʼ 1:16

Tə n dza tə ghə nə̀, “Waazə ghə, ghəə ghən a tɔ̀ɔ doʼonə n màʼlə K-a-zə̀ a khə ni teeli bə shi, tɔŋɔ ghəə ghən Zay kə Zow kə â ghəŋə nə̀ fɔ̀ɔ Devid dza zey kuum Judas wən tə â diinə jii nə ghə bə kwu Yeso.

Kəfwaʼ 13:27

Ghə̂ ghən ghə â muunə n Yerosalem nsə ghə̂ ghey ghə laalənə ghə, ghə â ka koʼ keeli dzə nə̀ Yeso loʼ wù wən Zə̀ kə â dza naŋa nə̀ i tûm bənu, ghə n zowkeeli soʼo way ghɔɔmə i tûm tə Kəzə̀ tən ghə â mgbaŋa tɔŋɔ dza tsənə tə̀ ghə n tsuʼu mə inaʼ n dzəm. Ghə n fəd luulə ghəə ghən tûm tə Kəzə̀ tə â tɔ̀ɔ naŋanə nghee ghə â wey tsu Yeso.

Kəfwaʼ 15:21

Ghə naʼlə tsə laŋ Mushi wən nə tənaʼa num tənum, tɔŋɔ soʼo n ndaw tə udzəŋi tə ghə̂ a Təjuu tədzəm n tsuʼu mə inaʼ.”

Kəfwaʼ 15:7

Ambə ghə ngii fə tsu dzuu ghə n ghə i tii zə, Pita n nuu təmi kɔʼ, dza tə ghə nə̀, “Waazə ghə, ghaa khənu nə̀ Zə̀ kə mâ buʼ sày mə n fəŋŋə kə ghaa nə̀ n bə naʼa tûm i dzuŋu zə tə ghə̂ ghən ghə way ghə̂ a Təjuu ghə, sey nə̀ ghə loʼ ni mbɔŋ zow, ghə bəghəm soʼo tə Klisto.

Kəfwaʼ 18:17

Ghə adzəm n fəd nu kwu kɔʼ Sɔstenes, tə â loʼnə tow kə n ndaw kədzəŋi fu, bwɔd wi fu n sə kə tsə. Ghə i tii zə n ka tsəm mɔm Galio.

Kəfwaʼ 18:8

Krispus wən tə â loʼ tow kə n ndaw kədzəŋi ə ghə̂ a Təjuu, n bəghəm tə Mûkəbii ghi ghə̂ a ndaw a wi ghə adzəm. Ndəmə ghə̂ a Kɔrint ghey ghə â zow ghɔɔmə i Pɔl zə, ghə n bəghəm fu soʼo, ney kɔʼ mmuu n Kəzə̀.

Kəfwaʼ 2:29

“Waazə ghə, n ndzəmə dza bənu tə ghaa nə̀ bày bày saa, fɔ̀ɔ Devid mâ kpu, ghə n tsəllə tsu wi, say i wi i nam loʼ kənu fa ghi saa ni bə kuum bə na.

Kəfwaʼ 2:37

Ambə ghə zow tsunə ghəə ghən, ghəə a tii ghə n ngii mɔm ghə n fə̀ŋ, ghə n bəb tə Pita nsə ngəd tə loʼ tey nə̀, “Waazə ghə, ghey i nya jiə tsu ngee?”

Kəfwaʼ 2:4

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Kəfwaʼ 20:2

Pɔl n bwey tsəghə bə naʼa tey tədzəm n mboʼo tii, kuu fə̀ŋ tə dzûmə tə Klisto tey fu n ghɔɔmə i wi, ndow daŋŋə n Gris.

Kəfwaʼ 22:1

Pɔl n dza tə nɔɔ kə aghə̂ key nə̀, “Waazə ghuŋ ghə, ghə bày wuŋ ghə, ghaa zəllə n na tə n tiilə dza bə tə ghaa nə̀ n ka ghəŋə dzə ghə i bəbə i loʼ zə.”

Kəfwaʼ 4:36

Wù loʼ â loʼnu ghə â tɔŋŋənə wi nə a loʼ Yosef, tə â shi n bii kə Levi, nə ghə ji wi n naʼ i Sayprus. Ngəd tə Yeso tə â tsə zəd i wi nə a loʼ Banabas, dii tsu n ghɔɔmə i ghə nə̀, “Wù wey tə kuunə fə̀ŋ tə ghə̂ tə.”

Kəfwaʼ 7:2

Sətifən n beeli ndow ghə nə̀, “Waazə ghuŋ ghə, ghə bày wuŋ ghə, ghaa zow! Tə̀ bày bày saa Abraham ni ndow mû n naʼ i Haran, â loʼ nə Zə̀ kən kə khənə kɔʼlə mə n dii bə wû wə tə wi n naʼ i Mesopotemya.

Roma 12:8

Abə Zə̀ kə fuunə wɔ n naamə kə ni kuu fə̀ŋ tə ghə̂ tə, wə n ghəŋə ndow sey n fə̀ŋ zə idzəm. Nə Zə̀ kə fuu wɔ n naamə kə ni buu n wɔɔ kə, wə n fuu ndow n fə̀ŋ zə idzəm. Abə Zə̀ kə fuunə wɔ n daʼa kə ni kwu keeli aghə̂, wə n kwu keeli ghə n wɔɔ a dzuŋu ghə. Nə Zə̀ kə fuu wɔ n naamə kə ni ghəŋŋə ndzuŋ, wə n ghəŋŋə ndow sey nə̀ iduʼlə.

1 Kɔrint 14:3

Wù wey tə naʼlənə tûm Kəzə̀ kee ghɔɔmə tə̀ ghə̂ ghə, tə ghɔɔmə ni bəghə kɔʼ bə muu i Kəzə̀ i ghə, ni kuu fə̀ŋ tə ghə nsə ni tsəmmə fə̀ŋ tə ghə.

2 Kɔrint 3:14

Sey, fə̀ŋ tə ghə tə n taw doʼo i tsu. Ni bə kùm na, abə ghə zow tsu nghee ghə tɔŋŋənə kaa n wey mə, a n loʼ tə a loʼ ndzə̂ tey tə nam tsəd doʼo kə n tûm usə̂ u ghə, n təŋkey, à loʼ kə n bam i Klisto ghə loʼnə ni tsɔʼ nuu ndzə̂ tə tii tə.

1 Tesalonika 2:3

Ghey â ka nyəŋ laʼ dzə n ghəə ghey, ghey â dza bənə tə̀ ghaa, â way soʼo n moʼlə tə bəbə tə n kow ghaa, nkee ni tsìi ghaa.

Hibru 13:22

Waazə ghuŋ ghə, n buʼu bə kəwɔɔ tə̀ ghaa nə̀ ghaa kow tsu fə̀ŋ ni zəllə tûm zən n tɔ̀ɔ bənə ni kuu bə fə̀ŋ tə ghaa. A wey loʼ ghə i tii zə n tɔ̀ɔ bənə sə fə aghəə fən tə̀ ghaa.