Kəfwaʼ 12:7 - Kaa n Kəzə̀ n fəghə mə

⁷ Tsəndəghə ə Mûkəbii n gbələ bən shi kɔʼ n sə kə Pita, tsə i loʼ zə n bàŋ tsəghə bə fu tii n ndaw tsaʼ. Tsəndəghə zey n noʼlə tsu Pita n mboʼ, zhəm nuu kɔʼ wi, dza tə wi nə̀, “Zaŋŋə nuu kɔʼ!” Sey, tsaʼ tey n daŋŋə tsɔʼi nuu shi tsu n wɔɔ a wi.

Kəfwaʼ 12:7 Mawu Ofanana

Matyo 2:13

Ambə ghə̂ a tɔbə ghey nuu tsunə, tsəndəghə ə Kəzə̀ n ndòw bə n səə Yosef nə ujim, dza tə̀ wi nə̀, “Nuu kɔʼ, wə̀ ney kɔʼ waa wən ghî zə̂, ghaa tyi tsu ndòw n naʼ zə Ijip, ghaa doʼo kə fu ni ndow kuum n nəŋə zey mə i teeli bə dza bə tə̀ ghaa nə̀ ghaa loʼ ni dzəŋŋə nya, n təŋkey, Helɔd kəŋə kaabə waa wən ni wey wi.”

Lukas 2:9

Tsəndəghə ə Kəzə̀ n təmi dii bə uwû tə ghə, sey tsə̂ u Kəzə̀ wə n taw dzəŋ naŋa kɔʼ ghə. Ghə n kaʼ ni tsəŋ.

Lukas 24:4

Nghee tə̀ ghə teynə fu, məʼlə ghə zey i shinə, aghə̂ abəghə ghə n maŋ bən shi kɔʼ n səə ghə n ndzə tə fəmə nyiələ tə.

Kəfwaʼ 10:30

Kɔnilus n beeli ndow wi nə̀, “A feeli u loʼ wey, n nəŋə izən soʼo n tsə tə, nə tənəŋə tətəghə, nə n gɔŋŋə n ndaw zuŋ, wù loʼ n gbələ bən shi kɔʼ n sə̂ kuŋ nə̀ tə dzəŋə keeli ndzə̂ tə nyiələ tə nə uwû.

Kəfwaʼ 12:23

N nəŋŋə i tii zə kə, tsəndəghə ə Mûkəbii n təm Herɔd n dzaŋ zə, n təŋkey, tə â ka fuu kɔʼlə n tii mə tə Zə̀ kə. Ghaŋighaŋi wə n fə kə wi sa, tə n bə kpu i tsu.

Kəfwaʼ 12:6

Ambə n tsuʼu tey Herɔd â khə ni bəd saʼ Pita tii, Pita n nyə̀ŋ n fəŋŋə kə təsawgoʼ təbəghə, nə̀ ghə n wi kùm naŋa nə tətsaʼ təbəghə. Sawgoʼ tə loʼ tə n tey n fuʼ u ndaw tsaʼ tə keyyənə.

Kəfwaʼ 12:8

Tsəndəghə zey n dza tə Pita nə̀, “Dzəŋə kɔʼ ndzə tə tə̀, wə dzəŋə kɔʼ gow tə.” Tə n ghəŋŋə soʼo sey. Tsəndəghə zey n nam dza kpiʼi ndow tə wi nə̀, “Wab kɔʼ saŋ zə, wə dzûmə bə mə.”

Kəfwaʼ 16:26

Sey, ghəlitsə kə vuŋŋə kaʼ ni ngii noʼlə. Tsə kə ndaw kə ndaw tsaʼ kə tii kə kədzəm kə n noʼlə tsəghə ndow. Fuʼu n təndaw ndzəm mə n chi kɔʼ, tsaʼ tey ghə â kùm naŋanə ghə̂ a ndaw tsaʼ ghə tii n tiilə tsu tədzəm.

Kəfwaʼ 2:24

Zə̀ kə n kee zhəm dzəŋŋə bə wi nə ivə, bəghəshi bə wi n wɔɔ kə ivə, n təŋkey, və zə â ndɔm way ni kwu naŋa wi.

Kəfwaʼ 5:19

A n kee bə n tsuʼu tə, tsəndəghə ə Mûkəbii n bə chi tsu fuʼu ndaw u ndaw tsaʼ, ney nuu shi bə ghə, dza tsu tə ghə nə̀,

Kəfwaʼ 9:3

Ambə Sɔl kuʼlə ndownə n Damaskus, tsə i loʼ zə n gbələ mwàa shi tsu bə n bikighow, baŋ tsəghə ndow n luʼu key tə â loʼnə tii.

Efesus 5:14

Kuum nə̀, a loʼ utsə u ghəŋŋənə nə̀ ghəə a doʼo bə n mgbaŋ. À wən loʼ ghə i tii zə ghə dzanə nə̀, “Nuu kɔʼ idəŋ, wɔ wən wə bweelinə, Zhəm nuu dzəŋŋə bə nə ivə. Tsə u Klisto wə i baŋa n kow wɔ.”

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

Chi dii 18:1

Ambə ghəə ghən tsəghə tsunə, mə n koʼ ndow tsəndəghə Kəzə̀ u loʼ tə shiə tsu bənə idəŋ. Tə n khə daʼa kə nii kə, nyiələ zey tə â nyiəllənə n ghəŋə soʼo nə̀ luʼu tə zow kaabə ndow tədzəm a ghəlitsə.