Kəfwaʼ 11:30 - Kaa n Kəzə̀ n fəghə mə

³⁰ Ghə n ghəŋŋə tsu sey, kuu tsu khəə u tii wə n wɔɔ kə Banabas nsə Sɔl, tûm ndow tə ngəd tə dzûmə tə Klisto tey n Yerosalem.

Kəfwaʼ 11:30 Mawu Ofanana

Kəfwaʼ 12:1

Herɔd wən tə â loʼnə də̀ŋ kə n zey ndow ni chɔd ghə̂ a dzəŋi kə dzûmə tə Klisto a loʼ ghə n tsuʼu mey Banabas ghi Sɔl â diinə ghə̂ ghə n Antyɔk.

Kəfwaʼ 12:25

Ambə Banabas nsə Sɔl mayyə kɔʼ fwaʼ kə ghə kə n Yerosalem, ghə n ney kɔʼ Jɔn wən ghə a tɔŋŋə nə̀ a loʼ Mak, nuu ndow ghi wi.

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

Kəfwaʼ 15:2

Ghəə zən n ghəŋŋə nə̀ Pɔl nsə Banabas keeli izuu ghi ghə. Sey, dzûmə tə Klisto tey fu n baa say kɔʼ Pɔl, Banabas nsə dzûmə tə loʼ tə nə̀ ghə ndow bəb zow bə ghə i tii zə tə ngəd tə Yeso nsə ghə̂ a nii ghə n dzəŋi kə dzûmə tə Klisto key n Yerosalem.

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 15:4

Ambə ghə bə nyi bənə n Yerosalem, ghə̂ a dzəŋi kə dzûmə tə Klisto nsə ngəd tə Yeso tey fu n kpii ney ghə. Sey, ghə n tiilə dza ndow tə ghəə ghey adzəm Zə̀ kə gaamənə ghə ni fwaʼ.

Kəfwaʼ 15:6

Sey, ngəd tə Yeso nsə ghə̂ a nii ghey n dzəŋi kə dzûmə tə Klisto n kwu tsu kədzəŋi ni laalə nyi tsu ghɔɔmə i tii zə.

Kəfwaʼ 16:4

Nghee ghə bwey ndownə naʼa tə naʼa, ghə n fuu ndow laŋ wey ngəd tə Yeso nsə ghə̂ a nii ghey n Yerosalem saalənə tə ghə̂ ghey ghə bəghəm nə tə Yeso. Dza ndow soʼo tə ghə nə ghə i naŋŋə laŋ u tii wə.

Kəfwaʼ 20:17

Ambə Pɔl loʼnə n Miletus, tə n tûm tɔŋɔ tsu ngəd tə dzûmə tə Klisto tey n Efesus nə ghə bə koʼ wi.

Kəfwaʼ 21:18

Tsətsə wey, ghey n dzəŋi ndow ghi Pɔl ni ndow koʼ Jems. Ngəd tə dzûmə tə Klisto tey fu tədzəm n loʼ soʼo fu.

Kəfwaʼ 4:36

Wù loʼ â loʼnu ghə â tɔŋŋənə wi nə a loʼ Yosef, tə â shi n bii kə Levi, nə ghə ji wi n naʼ i Sayprus. Ngəd tə Yeso tə â tsə zəd i wi nə a loʼ Banabas, dii tsu n ghɔɔmə i ghə nə̀, “Wù wey tə kuunə fə̀ŋ tə ghə̂ tə.”

1 Timoti 4:14

I kə wə koʼo kìinə daʼa key Zay kə Zow kə â fuunə tə wɔ n nəŋə zey tûm tə Kəzə̀ nsə ngəd tə dzûmə tə Klisto tə â gɔŋŋənə, gaʼ bə wɔɔ a ghə n tow kə.

1 Timoti 5:17

Dzûmə tə Klisto tə khə ni laalə tə ngəd tə dzəŋi kə dzûmə tə Klisto tə, tsəə dzɔbə soʼo ghə, a ka ndɔm taŋ a ghən ghə naʼlənə ghəə a Kəzə̀ ghə, dii soʼo aghə̂.

1 Timoti 5:19

Kə wə nə bəghəm nə̀ ghə kwu ngəd ə dzûmə tə Klisto u loʼ wə nə ighəə, a may kə nə̀ aghə̂ abəghə nkee atəghə a bə təmi tiilənu nə̀ tə n ghəŋə bəəbə ghə zə.

Taytus 1:5

Zuŋ key mə â naŋa taʼa tsunə wɔ n Krit â loʼ nə̀ wə bayyə naŋa may kaabə bə ghəə ghey ghə â doʼo səənə, nsə nə̀ wə sày naŋa kɔʼ təngəd n dzəŋi u dzûmə tə Klisto n naʼa mey ndzəm n dəŋə kə tii kə. Bɔɔmə ghəŋə ndow tə̀ mə â dzanə tə̀ wɔ.

Jems 5:14

Nə̀ wù loʼ, loʼ n fəŋŋə kə ghaa tə dzaŋanə, ghaa n tûm tɔŋɔ bə ngəd tə dzûmə tə Klisto, ghə n bə gɔŋŋə tsu n tow kə wi, tsoʼlə tsu wi nə mmbvə n zəd i Mûkəbii.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

2 Jɔn 1:1

À màʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə weyzən wən Zə̀ kə sày naŋa kɔʼnə nsə waa a wi ghə. N tɔ̀ɔ bə boʼnə n ngii ləghə wi. A way kə mə n ləghənə wi, ghə̂ ghey adzəm ghə khənə isəŋə, ləghə soʼonu wi.

3 Jɔn 1:1

À maʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə wù fə wuŋ u dzuŋu wən, tɔŋŋə Gayɔs, n ndzəmə ləghənə wi.