Kəfwaʼ 11:20 - Kaa n Kəzə̀ n fəghə mə

²⁰ Dzûmə tə loʼ tən tə â shinə n Sayprus nsə Sirin, n ndow n Antyɔk, zey ndow ni naʼa tûm i dzuŋu zə bòʼ Mûkəbii Yeso tə ghə̂ ghən ghə way ghə̂ a Təjuu ghə.

Kəfwaʼ 11:20 Mawu Ofanana

Matyo 27:32

Nghee tə̀ ghə nuulə shiə ndòwnə n naʼ i Yerosalem, ghə n kpiilə bə ghi wù Sirin u loʼ wə zəd i wi zə â loʼnə nə̀ a loʼ Shimun. Sawgoʼ tey n kwu tsu wi nə kədaʼa nə̀ tə boʼo zat kə fəkaʼ kə Yeso.

Tùm i dzuŋu zə kuum Yeso Klisto tə Jɔn â tɔɔnə 7:35

Ngəd tə Təjuu tə n zey ndòw ni ghɔɔmə n wû i ghə nə̀, “Tə dza i boʼo ndòw ghee, saa î way ni kəŋ koʼ wi ə? Tə moʼlə ni ndow n naʼ i Grik, n luʼu key ghə̂ a saa a muu kaabənə tii ni dii ndòw ghə̂ a Grik ghə ə?

Kəfwaʼ 11:19

Dzûmə tə loʼ tən tə â saŋŋə doʼo kaabənə bòʼ chɔd mən ghə â keelinə nghee ghə â wey tsunə Sitifən, ghə n lɔʼlə bwey ndow shi nay ndow n naʼa tə Foenishia, Sayprus nsə n Antyɔk, naʼlə ndow tûm i dzuŋu zə tə ghə̂ a Təjuu ghə kələ.

Kəfwaʼ 11:22

Zɔŋ u tii wə n fuŋ ndow nyi ndow n wɔ dzûmə tə Klisto tey n Yerosalem. Dzûmə tə Klisto tən n Yerosalem n tûm ndow Banabas nə tə ndow n Antyɔk.

Kəfwaʼ 11:26

Ambə tə koʼ tsunə wi, tə n ney bə wi n Antyɔk. Sey, Banabas ghi Sɔl n doʼo kəŋə ndow kənum ghi dzûmə tə Klisto tey n Antyɔk. Ghə n dii kəŋə ndow ndəmə aghə̂ fu n dzəŋi kə dzûmə tə Klisto. Â loʼ soʼo fuu n Antyɔk ghə â ziʼi tɔŋɔ shi bənə ghə̂ ghən ghə bəghəmnə tə Zə̀ kə nə a loʼ dzûmə tə Klisto.

Kəfwaʼ 11:27

À wən loʼ nəŋə zən ghə̂ a tətûm a Kəzə̀ a loʼ ghə â zəghə tsunə Yerosalem ndow n Antyɔk.

Kəfwaʼ 13:1

N fəŋŋə kə dzûmə tə Klisto tey tə â loʼnə n Antyɔk, ghə̂ a tətûm a Kəzə̀ nsə ghə̂ a dii ghə n loʼ tii. Ghə â loʼ Banabas, Shimiɔŋ ghə a tɔŋŋə nə̀ a loʼ wù ləŋə, Lusiɔs wù Sirin, Manen tə â nyim shi kɔʼ bənə n wɔɔ kə Herɔd tə a loʼnə gɔvənɔ nsə Sɔl.

Kəfwaʼ 14:26

Ghə n nuu tsu fu nə Atalya kəfən, ndow dzəŋŋə n naʼ i Antyɔk. À loʼ n luʼu kən ghə â gɔŋŋənə tii nə̀ Zə̀ kə fuu ghə n ndzuŋ ni fwaʼ fwaʼ kən ghə kuʼlə mayyə kɔʼnə.

Kəfwaʼ 15:22

Ngəd tə Yeso, ngəd tə dzəŋi kə dzûmə tə Klisto nsə dzûmə tə Klisto tə loʼ tey tədzəm n dzəŋi kə dzûmə tə Klisto, n saalə kɔʼ nə̀ ghə sày kɔʼ ghə̂ a loʼ ghə n fəŋŋə kə ghə, ghə tûm ndow n Antyɔk ghi Pɔl nsə Banabas. Ghə n sày shi bə aghə̂ abəghə ghə â loʼ soʼo nə a loʼ ghə̂ ghey ghə laalənə ghə fu n dzəŋi kə dzûmə tə Klisto. Ghə̂ a tii ghə â loʼ Judas ghə â tɔŋɔ soʼo nə a loʼ Basabas nsə Silas.

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 15:30

Ghə̂ ghən ghə â sàynə n ney kɔʼ màʼlə kən, nuu tsu ndow n Antyɔk. Ambə ghə ndow nyi ndownə fu, ghə n zuŋŋə bə dzûmə tə Klisto tey, fuu ndow màʼlə key tə ghə.

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 18:22

Ambə tə bə nyi bənə n naʼ i Kayserya, tə n kɔʼ ndow n Yerosalem, tɔŋɔ zow ndow dzûmə tə Klisto tey fu, tsəghə tsu daŋŋə ndow n Antyɔk.

Kəfwaʼ 2:10

Ghə̂ a loʼ ghə a nuu bə n naʼ i Frigya, a loʼ ghə n Pamfilya, a loʼ ghə nə Ijip nsə n bad u Libya u loʼnə n səə Sirin. Saa a loʼ ghə u nuu bənə n naʼ i Roma.

Kəfwaʼ 4:36

Wù loʼ â loʼnu ghə â tɔŋŋənə wi nə a loʼ Yosef, tə â shi n bii kə Levi, nə ghə ji wi n naʼ i Sayprus. Ngəd tə Yeso tə â tsə zəd i wi nə a loʼ Banabas, dii tsu n ghɔɔmə i ghə nə̀, “Wù wey tə kuunə fə̀ŋ tə ghə̂ tə.”

Kəfwaʼ 5:42

Ghə n ka buu doʼo koʼ ni dii aghəə nsə ni naʼlə tûm i dzuŋu zə nə̀ Yeso loʼ wù wey Zə̀ kə â dza naŋa nə̀ i tûm bənu. Ghə n dii ghəə ghən tsuʼu ndzəm n bii kə dzəŋi kə ndaw Kəzə̀ n Yerosalem nsə ndaw tə ndaw.

Kəfwaʼ 6:1

Nghee tə taŋ ə dzûmə tə Klisto tə nyîmmə kɔʼɔ ndownə tə tsuʼu n tsəghənə, ghə̂ a Təjuu ghən ghə a ghɔɔmənə ghɔɔmə i Grik zə, ghə n tam ndow Juu tən tə â ghɔɔmənə ghɔɔmə i Hibru zə dza nə̀ ghə badla ukpey abə ghə dzawnə fəzəə wey ghey a kpusə a khə ni ney.

Kəfwaʼ 6:5

Ghə̂ adzəm n ngii ləghə saalə kən ngəd tə Yeso tə fuu bənə. Sey, ghə n sày kɔʼ Sitifən, tə a ngii khə bəghəm i fə̀ŋ zə, Zay kə Zow kə n loʼ soʼo n kow wi. Ghə sày kɔʼ soʼo, Filip, Prokorus, Nikanɔ, Timɔn, Paminas, nsə Nikɔlɔs tə â nuu bənə n Antyɔk tə â bəghəm tsəghə dzənə tə ghəə a Kəzə̀ a ghə̂ Təjuu ghə.

Kəfwaʼ 6:9

Ghə̂ a Təjuu ghən ghə a nuu bə n naʼ i Sirin, Alekzandra nsə n mboʼo tə Silishya nsə Eshya, ghə â loʼnə n zəghə wən ghə tɔŋŋə nə̀ a loʼ, “Ghə̂ a ngəŋ”, n kaʼ ni baŋŋə təfəghəm ghi Sitifən.

Kəfwaʼ 8:35

Filip n kaʼ tsu ghɔɔmə i wi n luʼu key tə mə tɔŋɔnə n màʼlə K-a-zə̀ kə tii, naʼa ndow tûm i dzuŋu zə bòʼ Yeso tə wi.

Kəfwaʼ 8:5

Filip n nuu tsu ndow n naʼ i loʼ zə n mboʼo Samaria, naʼlə ndow tûm i dzuŋu zə bòʼ wù wən Zə̀ kə â dza naŋa nə̀ i tûm bənu.

Kəfwaʼ 9:20

Tə n daŋŋə zey ndow ni naʼa tûm nə Yeso loʼ waa Kəzə̀ n ndaw tə udzəŋi tə ghə̂ a Təjuu.

Kəfwaʼ 9:29

Ghɔɔmə i wi zə n bəghəm dzəŋi way ghi ghə̂ a Təjuu ghey ghə a ghɔɔmənə ghɔɔmə i Grik zə. Sey, ghə n kee kəŋə jii ni wey wi.

1 Kɔrint 2:2

Nghee tə̀ mə â loʼnə ghi ghaa, n mâ naŋa n fə̀ŋ zuŋ nə̀ mə i neyzəənu ghəə ghə adzəm, mə i kee neyzəə way ghə i loʼ zə bòʼ Yeso Klisto, a ka tsəm dza kpu zən tə â kpunə n zat kə fəkaʼ.

Galeshia 2:11

Ambə Pita bənə n naʼ i Antyɔk mə n tuu maʼa tən ndow tə wi n mgbaŋ nə̀ ghəə ghey tə ghəŋŋə nə̀, a kpiilə way.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.