Kəfwaʼ 11:18 - Kaa n Kəzə̀ n fəghə mə

¹⁸ Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 11:18 Mawu Ofanana

Matyo 9:8

Ambə nɔɔ kə aghə̂ key kòʼnə ghəə ghən, fə̀ŋ tə n shi ghə, ghə n kàʼ ndòw ni fuu nkɔʼlə tə Zə̀ kə nghee tə fuunə ndzòʼò daʼa kən tə̀ ghə̂ ghə.

Kəfwaʼ 11:1

Ngəd tə Yeso, nsə dzûmə tə Klisto tə loʼ tən tə a loʼ kaabənə n Judeya, n zow tsu nə̀ ghə̂ ghən ghə way ghə̂ a Təjuu ghə n bəghəm soʼo ghɔɔmə i Kəzə̀ zə.

Kəfwaʼ 14:27

Ambə ghə dzəŋŋə bənə n naʼ i Antyɔk, ghə n zuŋŋə naŋa bə dzûmə tə Klisto tədzəm, tiilə dza ndow jìi zey Zə̀ kə fwaʼnə tii ghi ghə, nsə nghee tə chinə jii nə ghə̂ ghey ghə way ghə̂ a Təjuu ghə̀ bəghəm soʼo tə̀ Yeso.

Kəfwaʼ 15:3

Ghə̂ ghən dzəŋi kə dzûmə tə Klisto â tûmnə, n tsəghə ndow jii n mboʼo Fonishia nsə Samaria. Ghə n bəŋ koʼ daŋŋə tsə dzûmə tey fu n naʼa tə tii tə, tiilə dza ndow tə ghə nghee tə ghə̂ ghən ghə way ghə̂ a Təjuu a bəghəmnə tûm i dzuŋu zə a tii. Dzûmə tə Klisto tey fu tədzəm n ngii duʼlə nghee ghə zow tsunə ghəə ghən.

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 21:20

Nghee ghə zow tsu ghəə a tii ghə, ghə n fuu ukali tə Zə̀ kə. Ghə n daŋŋə dza tə Pɔl nə̀, “N waazə, wə loʼ ni koʼ nghee ndəmə kam tə ghə̂ tə Təjuu tə doʼo bənə dzûmə tə Klisto tə, nsə nghee ghə nyûmə wû zə ni naŋŋə laŋ kə Mushi kə.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Kəfwaʼ 3:26

Ambə Zə̀ kə sày kɔʼnə wù kəfwaʼ a wi, tə n bùʼ tûm bə dzə wi n səə ghaa nə̀ tə bə buulə ghaa, tə ghəŋə nə̀ ghaa adzəm, ghaa kweyyə nuu bə n ghəə a ghaa a bəbə ghə.”

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

Roma 9:30

Saa loʼ ni dza tsu nə̀ ngee nya a? Ghə̂ ghən ghə way ghə̂ a Təjuu ghən ghə â dəmə way ni doʼo tsətsəghə n sə K-a-zə̀, ghə nya way tsətsəghə n sə K-a-zə̀ n bam i bəghəm i fə̀ŋ ə?

2 Kɔrint 3:18

Saa ghən adzəm saa loʼnə nya n tûm n təsə mə təghə, saa n koʼ nghee Mûkəbii nyiəllənə tii. Nghee tə̀ saa koʼonə sey, Zay kə Zow kə nya kweyyə nuulə bə saa nyaŋi fənyaŋi nə̀ saa doʼo bə tə̀ a loʼ Mûkəbii sey nə̀, ghə̂ a loʼ ni tɔʼ koʼ nghee tə nyiəllə tii.

2 Kɔrint 7:10

Mow zey i kpiinə n sə̂ K-a-zə̀ ghəŋŋə wù nə̀ tə kweyyə fə̀ŋ ə wi, tə̀ ghə loʼ ni keeli ibəghəshi. Mow i tii i ghəŋŋə way nə̀ wù sɔm. À fəd loʼ mow n ghə̂ a mbi i ney bənə və zə.

Galeshia 1:24

Sey ghə n fuu nkɔʼlə tə Zə̀ kə bòʼ mə.