Kəfwaʼ 11:13 - Kaa n Kəzə̀ n fəghə mə

¹³ Tə n dza bə tə ghey nghee tə â koʼnə tsəndəghə Kəzə̀ i teynə n ndaw wi. Tsəndəghə zey n dza tə wi nə̀, ‘Tûm ndow wù loʼ n naʼ i Jopa, tə ndow tɔŋɔ bə Shimun wən ghə tɔŋŋə nə̀ a loʼ Pita.

Kəfwaʼ 11:13 Mawu Ofanana

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 11:12

Zay kə Zow kə n dza bə tə mə nə̀ kə n nə səmənə ni ndow ghi ghə. Waazə a saa ghən a tuubə n bə dzəŋi ghi mə, ghey n ndow nyi ndow n ndaw wù tii.

Kəfwaʼ 11:14

Tə i fuu bə wɔ n ghɔɔmə zey zə i bəghəshiənə wɔ nsə tyim a ndaw ghə ghə̀ adzəm.’

Kəfwaʼ 12:11

Tɔb u Pita wə n daŋŋə fən nyi dzəŋŋə bə, tə n dza nə̀, “Mə n ndzəm keeli nya nə a loʼ isəŋə nə̀ Mûkəbii â tûm bə tsəndəghə ə wi nə̀ tə bə bəghəshi mə n wɔɔ kə Herɔd, tə bəghəshi soʼo mə n wɔ ghəə ghən adzəm ghə̂ Təjuu ghə â bayyə naŋa ni ghəŋə n kow mə.”

Kəfwaʼ 9:36

Dzûmə ə Yeso u loʼ wə n naʼ i Jopa ghə â tɔŋŋə nə̀ a loʼ Tabita, n ghɔɔmə i Grik nə a loʼ Dɔkas, dii tsu nə a loʼ ngaw. Weyzən wən n ghəŋŋə tsə ghəə a dzuŋu ghə tə ghə̂ ghə nəŋə tədzəm, fuu soʼo igaamə tə ghə̂ a laa ghə.

Kəfwaʼ 9:38

Nghee tə naʼ i Jopa zə â kuʼlə loʼnə n səə naʼ i Lida, dzûmə tə Klisto tey n naʼ i Jopa n zow tsu nə Pita loʼ n naʼ i Lida, ghə n dzə̀ kɔʼ aghə̂ abəghə tûm ndow tə wi. Buʼ ndow wi n wɔɔ kə nə̀, “Kələ wɔ, nyəŋ bə nya sa, kə ghab kə nə shiənə!”

Kəfwaʼ 9:42

Zɔŋ u tii wə n fuŋ tsəghə ndow n naʼ i Jopa idzəm, ndəm aghə̂ n bəghəm tə Mûkəbii.

Kəfwaʼ 9:43

Pita n doʼo kəŋə ndow ndəmə ntsuʼu n Jopa ghi Shimun wən tə a fwaʼa fə wə n gow tə tənyam.

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.