Kəfwaʼ 10:45 - Kaa n Kəzə̀ n fəghə mə

⁴⁵ Dzuu zə n zum ghə̂ a Təjuu ghən ghə bəghəmnə tə Klisto, ghə â nuu dzəŋi bənə ghi Pita n naʼ i Jopa ni koʼ nə̀, Zə̀ kə n fuu soʼo Zay kə Zow kə tə ghə̂ ghən ghə way ghə̂ a Təjuu ghə.

Kəfwaʼ 10:45 Mawu Ofanana

Kəfwaʼ 10:23

Pita n ney nyi ndow ghə n ndaw, dza nə̀ ghə gaʼ bweeli tsu fu. Tsətsə wey, Pita nsə dzûmə tə Klisto tə loʼ tə n Jopa n nuu dzəŋi ndow ghi ghə.

Kəfwaʼ 11:2

Ambə Pita ndownə n Yerosalem, dzûmə tə Klisto tən tə â taʼanə n ghəə a səghə a kətyi ghə, n kee khə̂mə wi dza nə̀,

Kəfwaʼ 11:3

“Wə â ndow nyi n ndaw tə aghə̂ nə ghə ka kam səghə tyi u ghə wə, zə̂ dzəŋi soʼo ghi ghə.”

Kəfwaʼ 2:33

Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Roma 5:5

Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.

Galeshia 2:15

Mə n ndow n sə kə ni dza nə̀, ghə ji saa a loʼ ghə tə a loʼ ghə̂ a Təjuu, dii tsu nə saa khə way bəb i loʼ zə n kow saa, saa u ney naŋa tsu nə ghə̂ ghey ghə way ghə̂ a Təjuu ghə nə a loʼ ghə̂ a bəbə ghə.

Efesus 2:11

Kə ghaa nə neyzəənə nə̀ ghaa ghən ghaa way ghə̂ a Təjuu, ghaa â loʼ tsə ghə̂ a tətùm. Ghə̂ a Təjuu ghə â tɔŋŋə tsə ghaa nə̀ ghaa loʼ ghə̂ ghən ghə ka səghə tyi u ghə. Ghə̂ ghən ghə ghaŋŋənə wû zə nə̀ ghə loʼ ghə̂ a Kəzə̀ boʼnə ghə n səghə tyi u ghə wə, loʼ sey nə̀ à maŋ loʼ kə n gow uwû, a way n fə̀ŋ.