Kəfwaʼ 10:30 - Kaa n Kəzə̀ n fəghə mə

³⁰ Kɔnilus n beeli ndow wi nə̀, “A feeli u loʼ wey, n nəŋə izən soʼo n tsə tə, nə tənəŋə tətəghə, nə n gɔŋŋə n ndaw zuŋ, wù loʼ n gbələ bən shi kɔʼ n sə̂ kuŋ nə̀ tə dzəŋə keeli ndzə̂ tə nyiələ tə nə uwû.

Kəfwaʼ 10:30 Mawu Ofanana

Matyo 28:3

Koʼ i wi zə n nyiələ tə̀ ghow i nə mwàalənə. Ndzə tə wi tə n fəmə fuŋ, fəm tsəghəshi tsu fə u fəmə wə udzəm.

Malakus 16:6

Tə n dza ndòw tə̀ ghə nə̀, “Kə̂ ghaa nə tsəŋənə, ghaa kəŋə Yeso wù Nazaled wən ghə â baanə wi n zat kə fəkaʼ ə? Tə mâ zhəm nə ivə, tə kəm way dzə fa. Koʼo na luʼu wey ghə â nyəŋi naŋanə wi tii.

Lukas 24:4

Nghee tə̀ ghə teynə fu, məʼlə ghə zey i shinə, aghə̂ abəghə ghə n maŋ bən shi kɔʼ n səə ghə n ndzə tə fəmə nyiələ tə.

Kəfwaʼ 1:10

Nghee ghə tey fu, sɔʼɔ laalə nyiə kɔʼɔ ndow nghee tə saŋa ndow idəŋ, ghə n taa fəmi kɔʼ ghə̂ a loʼ ghə a bəghə ghə teynə n sə kə ghə nə ghə n dzəŋə keeli ndzə tə fəmə tə.

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 10:29

À wey loʼ zuŋ key nghee wə tûm tɔŋɔ bənə mə, mə n bənə nə̀ n ka səm dzə. N loʼ ni kpaʼi keeli ghəə zey wə tɔŋɔnə mə fa tii ə?”

Kəfwaʼ 10:3

N tsuʼ fə loʼ fə, nə a kɔʼɔ ndow tənəŋə tətəghə n tsə tə, jim wə n bə wi nə tə mə koʼ ndow tsəndəghə ə Kəzə̀ i nyi bənə, dza tə wi nə̀, “Kɔnilus!”

Kəfwaʼ 10:31

Wù wey n dza tə mə nə̀, ‘Kɔnilus, Zə̀ kə n zow gɔŋŋə zə zə̀, tə u koʼ soʼo jìi zey wɔɔ kə kə̀ buunə tii ni fuu gaamə zə tə ghə̂ a laa ghə.

Kəfwaʼ 3:1

N tsuʼ fə loʼ fə, Pita nsə Jɔn n ndow n ndaw Kəzə̀ i nii zə nə tənəŋə tətəghə n tsə tə n nəŋə zey ghə gɔŋŋə tsənə tii.