Kəfwaʼ 10:3 - Kaa n Kəzə̀ n fəghə mə

³ N tsuʼ fə loʼ fə, nə a kɔʼɔ ndow tənəŋə tətəghə n tsə tə, jim wə n bə wi nə tə mə koʼ ndow tsəndəghə ə Kəzə̀ i nyi bənə, dza tə wi nə̀, “Kɔnilus!”

Kəfwaʼ 10:3 Mawu Ofanana

Matyo 27:46

Ambə nə tənəŋə tətəghə, Yeso n dey shi bə n dzə̀ i taw zə dza nə̀, “Eli, Eli, lama sabadani?” I dii tsunə nə̀, “Zə̀ kuŋ, Zə̀ kuŋ, a loʼ kee wə̀ tûmmə naŋanə mə ə?”

Lukas 1:11

Sey, tsəndəghə ə Kəzə̀ n təmi bə n səə tsə zey ghə fəələnə maʼlə wə tii n bad kə kpii u wi u təmə wə.

Lukas 2:13

Nɔɔ kə tsətəndəghə tə Kəzə̀ kə n tsu bə idəŋ daŋŋə bə təmdzəŋi bə tsəndəghə ə Kəzə̀ zey, ghə n zey ndòw ni fu nkɔʼlə tə Zə̀ kə dza,

Kəfwaʼ 10:17

Nghee tow kə nam kpuunə Pita, tə n məʼlə kii ghəə zey jim wən diinə. N nəŋə i tii zə, ghə̂ ghey Kɔnilus mə tûm bənə, n kəŋ koʼ tsu ndaw Shimun, ghə n tey fu n fuʼ u mbàa.

Kəfwaʼ 10:19

Nghee Pita nam kəŋə tow kə ni zowkeeli ghəə zey jim wey diinə, Zay kə Zow kə n dza ndow tə wi nə̀, “Ghə̂ a tey bii atəghə, ghə kəŋŋə bənə wɔ.

Kəfwaʼ 10:30

Kɔnilus n beeli ndow wi nə̀, “A feeli u loʼ wey, n nəŋə izən soʼo n tsə tə, nə tənəŋə tətəghə, nə n gɔŋŋə n ndaw zuŋ, wù loʼ n gbələ bən shi kɔʼ n sə̂ kuŋ nə̀ tə dzəŋə keeli ndzə̂ tə nyiələ tə nə uwû.

Kəfwaʼ 10:9

Ambə tsətsə wey tə a loʼ n fə̀ŋ ə tsə tə, nə ghə̂ ghey Kɔnilus mə tûmnə sə kuʼlə ndow n Jopa, Pita n nuu kɔʼ ndow n gɔŋ kə ndaw ni ndow gɔŋŋə.

Kəfwaʼ 11:13

Tə n dza bə tə ghey nghee tə â koʼnə tsəndəghə Kəzə̀ i teynə n ndaw wi. Tsəndəghə zey n dza tə wi nə̀, ‘Tûm ndow wù loʼ n naʼ i Jopa, tə ndow tɔŋɔ bə Shimun wən ghə tɔŋŋə nə̀ a loʼ Pita.

Kəfwaʼ 27:23

Tsəndəghə ə Zə̀ key kə khənə mə, Zə̀ key n ngɔɔmənə, mə bə n səə mə na n tsuʼu tə,

Kəfwaʼ 3:1

N tsuʼ fə loʼ fə, Pita nsə Jɔn n ndow n ndaw Kəzə̀ i nii zə nə tənəŋə tətəghə n tsə tə n nəŋə zey ghə gɔŋŋə tsənə tii.

Kəfwaʼ 5:19

A n kee bə n tsuʼu tə, tsəndəghə ə Mûkəbii n bə chi tsu fuʼu ndaw u ndaw tsaʼ, ney nuu shi bə ghə, dza tsu tə ghə nə̀,

Kəfwaʼ 9:10

Dzûmə ə Klisto u loʼ wə n loʼ n Damaskus ghə tɔŋŋənə wi nə̀ à loʼ Ananyas. Mûkəbii n tɔŋɔ tsu wi nə ujim dza tə wi nə̀, “Ananyas!” Tə n bəghəm i kɔʼ dza nə̀, “Mûkəbii, mə wən ə.”

Kəfwaʼ 9:4

Tə n bwu shi tsu bə n khinyam key aghəd, zow tsu dzə i loʼ zə i ghɔɔmənə tə wi nə̀, “Sɔl, Sɔl, à loʼ kee wə chɔdlɔnə mə ə?”

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

Hibru 1:4

À loʼ ghəə zən Klisto â ghəŋənə, i dii bənə nə̀ tə tsəghəshi tsətəndəghə tə Kəzə̀ tədzəm, ighələ tə̀ zəd zən Zə̀ kə fuunə tə̀ wi, i tsəghəshinə zəd i tsətəndəghə tə Kəzə̀ tə tədzəm.