Kəfwaʼ 10:22 - Kaa n Kəzə̀ n fəghə mə

²² Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 10:22 Mawu Ofanana

Matyo 1:19

Yosef, num wi â loʼ wù tsətsəghə, tə n ləghə way ni dədlə maʼa tow kə Maliya, sey tə n moʼlə tsu n fə̀ŋ ə wi nə̀ i tuu maʼa Maliya bam i bam.

Matyo 2:12

Ambə ghə dzəŋŋə ndownə, ghə n tsəghə ndòw jìi i nuu zə, n təŋkey, Zə̀ kə mâ tsə̀ ghə nə ujim nə̀, i kə̂ ghə nə̂ ndòw dzəŋŋənə n səə Helɔd.

Malakus 6:20

Helɔd â tsəŋənu Jɔn n təŋkey tə â khə nə̀ Jɔn loʼ wù tsətsəghə, loʼ soʼo wù zow wə. Sey Helɔd n baʼa mbaŋ n tow kə wi. Tə â ləghənu ni zəllə ghɔɔmə i Jɔn zə, a kee loʼ nə̀ tə â ləghə way ghəə ghey Jɔn â dzanə.

Malakus 8:38

Wù wey tə dədlənə n tow kə bòʼ mə, nsə ghəə ghən n diinə fa n mbi zən nya ghə nəb ityim nsə bəbə bəbə tə aghə̂ tə kəmənə tii, mə, Waa wù sɔŋtsuʼ, mə i dədlə soʼonu n tow kə n kow wi abə mə i dzəŋŋə bənə n ghaʼ i Bày zə nsə tsətəndəghə tə Kəzə̀ tə zow tə.”

Lukas 2:25

Wù loʼ â loʼ fu n Yerosalem ghə â tɔŋŋənə nə̀ a loʼ Shimiɔŋ. Mû i wi zə n loʼ tsətsəghə n sə̂ K-a-zə̀. Tə n naŋŋə laŋ u Kəzə̀. Zay kə Zow kə n loʼ ghi wi. Tə n ləmmə tənə tsuʼ fey Zə̀ kə î bəghəshiənə ghə̂ ghə Izree ghə tii.

Lukas 23:50

Wù loʼ â loʼnu ghə â tɔŋŋənə wi nə a loʼ Yosef, tə â shi n Alimatia n naʼ i Judeya. Tə â loʼ wù u dzuŋu wə, loʼ tsətsəghə n muu i wi, tə â loʼ soʼo n ndaw tsə a Təjuu

Lukas 9:26

Wù wey tə i dədlə n tow kə bòʼ mə nsə ghɔɔmə zuŋ zə, Waa wù sɔŋtsuʼ nə dədlə soʼo n tow kə tə wù tii abə tə nə bənə n kɔʼlə n wi mə, nsə kɔʼlə n Bày mə nsə tsətəndəghə tə Kəzə̀ tə zow tə.

Tùm i dzuŋu zə kuum Yeso Klisto tə Jɔn â tɔɔnə 13:20

N kùm dza bə tə̀ ghaa nə̀, wù wey tə bəghəm naŋanə wù wey n tûm bənə, tə sey ney naŋa soʼo mə, nsə nə̀, wù wey tə bəghəm naŋanə mə, tə sey bəghəm naŋa soʼo wù wey tə tûm bənə mə.”

Tùm i dzuŋu zə kuum Yeso Klisto tə Jɔn â tɔɔnə 17:20

Tə n dza kpiʼi tsu nə̀, “Bày, n gɔŋŋə kə way n tow u ghə̂ ghən, n gɔŋŋə soʼo n tow u ghə̂ ghey ghə nə bəghəm fuunə ghɔɔmə zuŋ zey ngəd tuŋ tə nə naʼlə ndownə tə̀ ghə.

Tùm i dzuŋu zə kuum Yeso Klisto tə Jɔn â tɔɔnə 17:8

Mə n naʼa tûm zə zey wə â tûm nə̀ n naʼa tə̀ ghə, ghə n zow, bəghəm fu soʼo. Ghə a ndzəm khə soʼo nə̀ n kùm nuu bə n səə wɔ, ghə u bəghəmnə nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Tùm i dzuŋu zə kuum Yeso Klisto tə Jɔn â tɔɔnə 6:63

À loʼ Zay K-a-zə̀ kə fuunə muu zə, daʼa kə wù sɔŋtsuʼ kə maŋ loʼ kənunu. Ghɔɔmə zən n ghɔɔmə bənə tə̀ ghaa, nuu bə n wɔ Zay K-a-zə̀, kə fuunə muu zə.

Tùm i dzuŋu zə kuum Yeso Klisto tə Jɔn â tɔɔnə 6:68

Shimun Pita n beeli wi nə̀, “Mûkəbii, ghey kəm loʼ ni ndòw n səə ndee? À loʼ wɔ, wə khənə ghɔɔmə zey i fuunə muu zə itsali zə.

Kəfwaʼ 10:2

Tə â ngii gaʼ fə̀ŋ n ghəə a Kəzə̀. Wi ghi ghə̂ a wi ghə n ndaw adzəm n ngɔɔmə tsə Kəzə̀. Tə n buu n wɔɔ kə ni gaamə ghə̂ a Təjuu a laa ghə, gɔŋŋə soʼo tə Zə̀ kə nəŋə tədzəm.

Kəfwaʼ 10:21

Sey, Pita n nuu tsu ndow itən, dza ndow tə ghə̂ a tii ghə nə̀, “N loʼ wù wey ghaa kəŋənə, ghaa fa bə kee?”

Kəfwaʼ 10:30

Kɔnilus n beeli ndow wi nə̀, “A feeli u loʼ wey, n nəŋə izən soʼo n tsə tə, nə tənəŋə tətəghə, nə n gɔŋŋə n ndaw zuŋ, wù loʼ n gbələ bən shi kɔʼ n sə̂ kuŋ nə̀ tə dzəŋə keeli ndzə̂ tə nyiələ tə nə uwû.

Kəfwaʼ 10:33

Mə n daŋŋə tûm tɔŋɔ bənə wɔ. Wə ghəŋŋə dzɔbnu ni bə. Nya ghey n təmdzəŋi bə n sə̂ K-a-zə̀ ni zəllə ghəə ghey Mûkəbii tûm nə wɔ nə̀ wə bə naʼa tə ghey.”

Kəfwaʼ 10:6

Tə nyi n ndaw Shimun wən tə fwaʼanə n gow tə tənyam. Ndaw wi loʼ n nguŋ ə dzuu i nii zə.”

Kəfwaʼ 11:14

Tə i fuu bə wɔ n ghɔɔmə zey zə i bəghəshiənə wɔ nsə tyim a ndaw ghə ghə̀ adzəm.’

Kəfwaʼ 22:12

Wù loʼ n loʼ fu n Damaskus ghə â tɔŋŋə nə̀ loʼ Ananyas. Tə n ndzəmə fuu nkɔʼlə tə Zə̀ kə, naŋŋə dzɔbə laŋ kə Mushi. Ghə̂ a Təjuu ghey fu adzəm n ngii fuu wi n ngɔɔmə zə.

Kəfwaʼ 24:15

N ləmmə tənə tə Zə̀ kə ighələ tə ghə ləmmə tənə soʼonə nə̀ ghə̂ ghən ghə loʼnə tsətsəghə nsə ghə̂ ghən ghə way tsətsəghə, i zhəm dzəŋŋə bənu nə ivə.

Kəfwaʼ 6:3

Waazə ghə, say kɔʼ n na ghə̂ ghə asəghəmbəghə n fəŋŋə kə ghaa, ghə̂ ghən ghaa khənə nə̀ Zay kə Zow kə loʼ n kow ghə, ghə u khə soʼonə tɔb wə, ghaa fuu ndow fwaʼ kən tə ghə nə ghə i fwaʼa.

Roma 1:17

N dza sey n təŋkey à loʼ tûm i dzuŋu zə i dii bənə jii zey i ghəŋŋənə nə̀ wù doʼo tsətsəghə n sə K-a-zə̀. À may tsu kə n bam i bəghəm i fə̀ŋ saa doʼlənə tsətsəghə n sə K-a-zə̀, ji i nuu i kəm way dzə. À wey loʼ ghə i tii zə i tɔ̀ɔ doʼonə n màʼlə K-a-zə̀ nə̀, “Wù wey tə khənə bəghəm i fə̀ŋ zə n kow Zə̀ kə, Zə̀ kə koʼo wi nə̀ tə loʼ tsətsəghə, à loʼ wù tii, tə i keelinə muu zə itsali zə.”

2 Kɔrint 5:18

Ghəə ghən adzəm, à ghəŋŋə Kəzə̀, tə təmdzəŋi bə ghey ghi wi n bam i Klisto. À fuu wi fwaʼ kən tə̀ ghey nə̀ ghey i təmə dzəŋi bə ghə̂ ghə ghi wi.

1 Timoti 3:7

Tə khə ni teeli loʼ wù wən tə khənə ngɔɔmə zə n fəŋŋə kə ghə̂ ghən ghə ka bəghəm Zə̀ kə. Sey ghə i way ni ghɔɔmə bəəbə bòʼ wi, vəətsəə ghə i way soʼo ni bìi kwu wi.

Hibru 10:38

Ghə̂ ghuŋ ghən ghə loʼnə tsətsəghə i muulənu nghee ghə gaʼnə fə̀ŋ tə ghə tə n kow mə, Abə wù ghə kee bwu khə̂mmə tsunə n bəghəm i fə̀ŋ i wi Mə i duʼlə way ghi wi.”

Hibru 11:2

A loʼ bòʼ bəghəm i fə̀ŋ zən ghə̂ a num tə ibam tə â khə tsənə, zə â ghəŋənə nə̀ Zə̀ kə ney ghə nə̀ à loʼ ghə̂ a dzuŋu ghə.

Hibru 12:23

Ghaa n bə n dzəŋi kə ghə̂ ghey ghə loʼ tə a loʼ waa a Kəzə̀ a sə isə ghən zəd a ghə a tɔ̀ɔ doʼonə idəŋ. Ghaa n bə n səə Zə̀ key kə saʼanə ghə̂ ghə adzəm. Ghaa n bə n luʼu key zay u ghə̂ a Kəzə̀ ghən muu i ghə zə â loʼnə tsətsəghə, Zə̀ kə n ghəŋə nə̀ ghə kpii tsu ghə̂ ghey tə ləghənə nə̀ ghə i loʼ ghii kə.

2 Pita 3:2

N ləghə nə̀ ghaa i moʼlə tsu ghɔɔmə zey tûm tə Kəzə̀ tə zow tə â dza naŋanə tə̀ ghaa n num tə ibam tə, ghaa i moʼlə tsu soʼo laŋ wey ngəd tə Yeso tə â fuunə tə̀ ghaa nə̀ u nuu bə n wɔ Mûkəbii saa nsə bəghəshi ə saa.

3 Jɔn 1:12

Ghə̂ adzəm, ghə ghɔɔmə ghəə a dzuŋu ghə bòʼ Demitrus, zə a ndzəm loʼ isəŋə nə tə loʼ wù dzuŋu. Ghey dza soʼo sey, ghaa khə soʼonu nə̀ abə ghey dzanə ghəə zə, a sey loʼ isəŋə.

Chi dii 14:10

ghə i məə soʼonu lə n Kəzə̀ mən n loʼnə nəghə u fəə wə, tə feeli tsunə udzəm nə̀ ghə ka nyɔɔmə n wɔɔ nəghə u Kəzə̀ u fəə wə. Ghə i chɔdlɔ ghə n faalə kə uvələ kən sɔlfɔ ghəŋə nə̀ wə i ndəŋə bəʼlə n sə kə tsətəndəghə tə Kəzə̀ tə zow tə nsə n sə kə Waa Nji zey.