Kəfwaʼ 10:2 - Kaa n Kəzə̀ n fəghə mə

² Tə â ngii gaʼ fə̀ŋ n ghəə a Kəzə̀. Wi ghi ghə̂ a wi ghə n ndaw adzəm n ngɔɔmə tsə Kəzə̀. Tə n buu n wɔɔ kə ni gaamə ghə̂ a Təjuu a laa ghə, gɔŋŋə soʼo tə Zə̀ kə nəŋə tədzəm.

Kəfwaʼ 10:2 Mawu Ofanana

Matyo 25:17

Tə wey tə a khənə mbəghə wə ubəghə n ghəŋə ndòw soʼo ghə i mɔʼɔ zə, keeli kpiʼi kɔʼ mbəghə wə ukhəə ubəghə.

Lukas 18:1

Ambə n tsu fə loʼ fə, Yeso n dza tsu zəzəə fə fənkəfən fən tə dzûmə tə wi tə ni dii tə ghə nə ghə khə ni gɔŋŋə nəŋə tədzəm, buu doʼlə way.

Lukas 2:25

Wù loʼ â loʼ fu n Yerosalem ghə â tɔŋŋənə nə̀ a loʼ Shimiɔŋ. Mû i wi zə n loʼ tsətsəghə n sə̂ K-a-zə̀. Tə n naŋŋə laŋ u Kəzə̀. Zay kə Zow kə n loʼ ghi wi. Tə n ləmmə tənə tsuʼ fey Zə̀ kə î bəghəshiənə ghə̂ ghə Izree ghə tii.

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 10:31

Wù wey n dza tə mə nə̀, ‘Kɔnilus, Zə̀ kə n zow gɔŋŋə zə zə̀, tə u koʼ soʼo jìi zey wɔɔ kə kə̀ buunə tii ni fuu gaamə zə tə ghə̂ a laa ghə.

Kəfwaʼ 10:35

tə bəghəm naŋŋə aghə̂ adzəm, abə wù tii ngɔɔmə dzənə wi ghəŋŋə soʼo ghəə ghey a loʼnə tsətsəghə. Tə ney way n taŋ nə̀ wù tii shi n naʼ i ghaa zə.

Kəfwaʼ 10:4

Tə n sɔʼ laalə ndow tsəndəghə ə Kəzə̀ zey nə itsəŋ, bəb ndow tə wi nə̀, “À loʼ kee a mûkəbii?” Tsəndəghə zey n beeli ndow wi nə̀, “Gɔŋŋə zə nsə fə wən wə fuunə tə ghə̂ a laa ghə, Zə̀ kə n ney ləghə, tə nya tey ni beeli bə wɔ.

Kəfwaʼ 10:7

Tə tsəndəghə ə Kəzə̀ zey nuulə ndownə sa, Kɔnilus n daŋŋə tɔŋɔ tsu ghə̂ a kəfwaʼ a wi abəghə nsə sawgoʼ u loʼ wə tə â ngii gaʼnə fə̀ŋ n ghəə Kəzə̀, loʼ wù umɔʼ n sawgoʼ tey tə keyyənə wi.

Kəfwaʼ 11:14

Tə i fuu bə wɔ n ghɔɔmə zey zə i bəghəshiənə wɔ nsə tyim a ndaw ghə ghə̀ adzəm.’

Kəfwaʼ 13:16

Pɔl n nuu təmi kɔʼ, foʼ tsu kəwɔɔ nə̀ ghə doʼo tsu mɔŋ. Tə n ghɔɔmə ndow tə ghə nə̀, “Ghə̂ ghə Izree ghə nsə ghaa ghə̂ tətùm ghən ghaa ngɔɔmənə Zə̀ kə, ghaa zow!

Kəfwaʼ 13:26

Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

Kəfwaʼ 13:50

Ngəd tə Təjuu tə n fədlə kuu tənyɔʼ n kow gheyzən a səŋi ghə nsə gheynum a nii ghey ghə ngɔɔmənə Zə̀ kə fu inaʼ nə ghə nuu təmi kɔʼ n tow kə Pɔl nsə Banabas. Ghə n zey ndow ni chɔd Pɔl nsə Banabas, dzum shi daŋŋə ndow ghə fu n mboʼo tii.

Kəfwaʼ 18:8

Krispus wən tə â loʼ tow kə n ndaw kədzəŋi ə ghə̂ a Təjuu, n bəghəm tə Mûkəbii ghi ghə̂ a ndaw a wi ghə adzəm. Ndəmə ghə̂ a Kɔrint ghey ghə â zow ghɔɔmə i Pɔl zə, ghə n bəghəm fu soʼo, ney kɔʼ mmuu n Kəzə̀.

Kəfwaʼ 2:5

Ghəə ghən â shi nə̀ ghə̂ a Təjuu ghən ghə ngɔɔmənə Zə̀ kə n fə̀ŋ ə ghə idzəm loʼ n Yerosalem. Ghə â nuu bə n naʼa tə mbi tədzəm.

Kəfwaʼ 22:12

Wù loʼ n loʼ fu n Damaskus ghə â tɔŋŋə nə̀ loʼ Ananyas. Tə n ndzəmə fuu nkɔʼlə tə Zə̀ kə, naŋŋə dzɔbə laŋ kə Mushi. Ghə̂ a Təjuu ghey fu adzəm n ngii fuu wi n ngɔɔmə zə.

Kəfwaʼ 8:2

Ghə̂ a loʼ ghə, ghə â ngii bəghəmnə tə Zə̀ kə, n ngii dey nghee ghə wey tsunə Sitifən. Ghə n boʼo vən i wi ndow tsələ ndow.

Kəfwaʼ 9:11

Mûkəbii n dza tə wi nə̀, “Bayyə kɔʼ wû wə, wə ndow n ndaw Judas tə muunə n bad kə inaʼ kən ghə tɔŋŋə nə̀ a loʼ Jìi Tsətsəghə, wə bəb tsu wù loʼ tə nuu bə n Tasus ghə tɔŋŋə nə̀ a loʼ Sɔl, tə gɔŋŋənu nyisa.

Kəfwaʼ 9:31

À wən loʼ nəŋə zən kɔŋŋə kə â nyi bənə tii n kow ghə̂ ghə n dzəŋi u dzûmə tə Klisto wən n Judeya, Galili nsə n Samaria. Zay kə Zow kə n kuu fə̀ŋ tə ghə nə̀ ghə i muu n jìi zey Mûkəbii ləghənə. Taŋ a ghə n nyîmmə kɔʼɔ ndow naʼ idzəm.

Kəfwaʼ 9:36

Dzûmə ə Yeso u loʼ wə n naʼ i Jopa ghə â tɔŋŋə nə̀ a loʼ Tabita, n ghɔɔmə i Grik nə a loʼ Dɔkas, dii tsu nə a loʼ ngaw. Weyzən wən n ghəŋŋə tsə ghəə a dzuŋu ghə tə ghə̂ ghə nəŋə tədzəm, fuu soʼo igaamə tə ghə̂ a laa ghə.

Kolose 4:2

Kə ghaa nə buu doʼlə ni gɔŋŋə nəŋə tədzəm. Ghaa i ney ghə̂mə zə abə ghaa gɔŋŋənə, fuu ndow soʼo kəzɔŋŋə tə Zə̀ kə.

1 Tesalonika 5:17

Ghaa i gɔŋŋə nəŋə tədzəm.

Jems 1:5

Abə wù ghaa u loʼ u khə way tɔb wə n ghəə zey Zə̀ kə ləghənə nə̀ tə ghəŋə, tə khə ni nɔɔ ndow tə Zə̀ kə, tə i fuu wi n fə key tə bəbənə, n təŋkey, Zə̀ kə buu n wɔɔ kə, tə fuu tə̀ ghə̂ ghə adzəm nə̀ tə kpaa way wù.

Chi dii 15:4

A loʼ ndee tə i tsəŋə way wɔ a Mûkəbii? À loʼ ndee tə i tuunə ni ney bə nkɔʼlə n zəd zə ə? À may kə wɔ wə zownə Naʼa tədzəm i bəghənu Ghə fuu wɔ n kɔʼlə mə, N təŋkey aghə̂ adzəm n koʼ nə̀ wə ghəŋŋə ghəə a loʼnə tsətsəghə.”