Kəfwaʼ 1:3 - Kaa n Kəzə̀ n fəghə mə

³ Ambə chɔd u wi u may tsunə, tə n dii ndow wû u wi tə ngəd tə wi tey n ndəmə tətsəə nə̀ ghə keeli tsu nə̀ tə nam loʼ utaw. Tə n dii ndow uwû, ghɔɔmə dzəŋi ndow ghi ghə bòʼ ghə i fɔɔ u Kəzə̀ ni kuum kɔʼ ndow ntsuʼu nghəm nkaykə.

Kəfwaʼ 1:3 Mawu Ofanana

Matyo 21:43

Sey, n dza bə tə̀ ghaa nə̀, “Ghə î ney nuulənu fɔɔ u Kəzə̀ wə n wɔɔ kə ghaa, ghə fuu ndòw tə̀ naʼa tey tə î ghəŋŋənə ghəə zey Zə̀ kə ləghənə.”

Matyo 28:9

Nghee tə̀ ghə ndownə, ghə n taa fəmi kɔʼ Yeso, tə n dza tə̀ ghə nə̀, “Buulə zə i loʼ ghi ghaa.” Ghə n bə bwu kwu bə fuu i wi, ngɔɔmə ndow wi.

Matyo 3:2

Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 4:2

Tə̂ n loʼ fu, bam idzuu n tsə̀ tə nsə n tsuʼu tə, zə̂ə way fə kə loʼ kə nə ntsuʼu nghəm nkaykə. Ambə tə mayyə tsunə, dzəŋ n kaʼ wi nə̀ u zabə wə.

Malakus 16:19

Ambə Mûkəbii Yeso ghɔɔmə may tsunə ghəə ghən tə̀ ghə, Zə̀ kə n ney nuu kɔʼ ndòw wi idəŋ, tə n ndòw doʼo tsu n kpii u Kəzə̀ u təmə kə.

Tùm i dzuŋu zə kuum Yeso Klisto tə Jɔn â tɔɔnə 20:26

Ambə tsuʼu n tsəghə tsu ifam, ngəd tə Yeso tə n loʼ kpiʼi n ndaw, Tɔmɔs n loʼ ghi ghə. À n loʼ nə̀ baʼ u fii doʼonu, ghə n taa fəmi kɔʼ Yeso nə̀ tə tey n səə ghə, tə n dza tə̀ ghə nə̀, “Buulə zə i loʼ ghi ghaa.”

Tùm i dzuŋu zə kuum Yeso Klisto tə Jɔn â tɔɔnə 21:1

Ghab kə n ka shi nghee tə̀ Yeso dii ndow wû u wi wə tə̀ ngəd tə wi tə, tə n dìi kpiʼi bə wû u wi tə ghə n Nyi i Tiberia. À wən loʼ nghee zə â shinə tii,

Tùm i dzuŋu zə kuum Yeso Klisto tə Jɔn â tɔɔnə 21:14

I zən nya â ghəŋə ndow tənəŋə tətəghə nghee Yeso bə dii kə wû wə tə̀ ngəd tə wi tə nghee tə̀ Zə̀ kə â zhəm dzəŋŋə bənə wi nə ivə.

Kəfwaʼ 13:31

Ambə Zə̀ kə ghəŋŋə nə̀ tə zhəm dzəŋŋə bə nə ivə, tə n ghəŋə nə̀ ghə̂ ghey ghə â bwey dzəŋinə ghi wi nghee tə a nuu tsunə n Galili ni ndow n Yerosalem nə ghə koʼ wi n ndəmə tənəŋə. À nya loʼ ghə, ghə təmi tiilənə bòʼ wi tə ghə̂ ghə Izree ghə.

Kəfwaʼ 19:8

Pɔl n ney kəŋə ndow təndzɔŋɔ tətəghə nə tə ndow ghɔɔmə kə aghəə ghi ghə̂ ghey n ndaw kədzəŋi ghə̂ Təjuu nə tə tsəŋə way. Tə n ghɔɔmə ballə ghi ghə ni kɔŋŋə nuu bə ghə bòʼ ghəə a fɔɔ u Kəzə̀.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 28:31

Tə n naʼlə tûm i dzuŋu zə bòʼ fɔɔ u Kəzə̀, dii ndow soʼo aghə̂ kuum Mûkəbii Yeso Klisto n mgbaŋ, nə tə tsəŋə way, wù loʼ n ka tsəm təʼlə soʼo wi.

Kəfwaʼ 8:12

Ambə ghə̂ a kee bəghəm kɔʼnə tûm zən Filip a naʼlənə kuum fɔɔ u Kəzə̀ nsə bòʼ Yeso Klisto, agheyzən nsə gheynum ghə n ney mmuu n Kəzə̀.

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

Kolose 1:13

Tə u bəghəshinə saa n daʼa k-a-ləm, ney nyi bə saa n fɔɔ u Waa wi wən tə ngii ləghənə.

1 Tesalonika 2:12

Ghey n kuu fə̀ŋ tə ghaa tə, tsəmmə ghaa, buʼu ghaa n wɔɔ kə nəŋə tədzəm nə̀ ghaa i muu muu zey i kpiilənə tə̀ Zə̀ kə, n təŋkey a loʼ wi tə tɔŋɔ naŋa bənə ghaa nə̀ ghaa zə̂ fɔɔ u wi nsə n ghaʼ i wi.

1 Jɔn 1:1

Ghey ghəə ghən tɔ̀ɔ bə tə ghaa kuum ghɔɔmə zən i ghəŋŋənə nə̀ ghə̂ a keeli imuu. Ghɔɔmə i tii i mâ khə doʼo zey tə̀ Zə̀ kə ni bɔm mbi. Ghey mâ zow, ghey n koʼ ndow soʼo n sə̂ a ghey. Isəŋə loʼ nə̀ ghey mâ koʼ wi, mɔm tsu soʼo wi n wɔɔ a ghey ghə.