Kəfwaʼ 1:2 - Kaa n Kəzə̀ n fəghə mə

² ndow kuum ndow n tsuʼ fey Zə̀ kə â ney kɔʼnə wi tii idəŋ. Tə̀ Zə̀ kə ni ney kɔʼ wi idəŋ, à n loʼ nə tə n tsəghə n kow Zay kə Zow kə ni fuu naŋa ulaŋ tə̀ ngəd tə wi tən tə â sày naŋanə.

Kəfwaʼ 1:2 Mawu Ofanana

Matyo 12:28

Abə n dzùm shiənə zay u bwu wə n daʼa kə zày K-a-zə̀, i sey dii nə̀ fɔɔ u Kəzə̀ wə n bə tə̀ ghaa.

Matyo 3:16

Nghee tə Yeso ney kɔʼnə mmuu n Kəzə̀ mə, shiə kɔʼɔ bə n dzuu, bikighow kə n nuu chi i tsu, tə n kòʼ Zay K-a-zə̀ kə tsuu bənə n wû u kəfə̀, tsu mwaa tsu n kow wi.

Malakus 6:30

Ngəd tə Yeso tə n dzəŋŋə bə, bə dza bə tə̀ Yeso ghəə ghey ghə fwaʼnə nsə ghəə ghey ghə mə diinə adzəm.

Lukas 24:51

Nghee tə̀ tə buulənə ghə, tə n zəghə tsu ghə, Zə̀ kə n ney nuu kɔʼ ndòw wi idəŋ.

Lukas 9:51

Ambə nəŋə i kpii bənə tə̀ Yeso ni kɔʼ idəŋ, moʼlə i wi zə n loʼ tən kə ni ndòw n Yerosalem.

Tùm i dzuŋu zə kuum Yeso Klisto tə Jɔn â tɔɔnə 1:16

Saa n keeli ndzuŋ kəm keeli kuulə bòʼ ləghə i wi zən tə khənə n kow saa naʼ idzəm.

Tùm i dzuŋu zə kuum Yeso Klisto tə Jɔn â tɔɔnə 13:1

N tsuʼ fey Zə̂ kə taa zaʼa kə bwu bweelinə tii, Yeso n khə zey nə̀ nəŋə zə n kpii tə̀ wi ni zəghə maʼa mbi zən, tə ndow dzəŋŋə n səə Bày. Yeso â ngii ləghə ghə̂ ghən tə â loʼnə ghi ghə fa n mbi, tə n dii may tsu ləghə i wi tə̀ ghə ni ndow kùm n tsuʼ fey tə khə ni zəghə ghə.

Tùm i dzuŋu zə kuum Yeso Klisto tə Jɔn â tɔɔnə 13:18

Yeso n dza kpiʼi ndow tə̀ ngəd tə wi tə nə̀, “N ghəə ghən ghɔɔmə dzə way tə̀ ghaa adzəm, n təŋkey, n khənu ngəd tuŋ tey n sày shi bənə. À kee loʼ nə̀ ghɔɔmə i Kəzə̀ i khə ni bə shi isəŋə nə̀, ‘Wù wey tə zə̂ə dzəŋi ghi mə, à loʼ wi tə kəm fəd doʼo bənə wù təngəmə wuŋ.’

Tùm i dzuŋu zə kuum Yeso Klisto tə Jɔn â tɔɔnə 13:3

Yeso â khənu nə̀ Bày n fuu naŋa ghəə ghə adzəm n wɔɔ a wi. Tə n khə soʼo nə̀ tə â nuu bə n səə Zə̀ kə, tə ndow dzəŋŋə n səə Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 16:28

Mə â nuu bə n səə Bày, bə fa n mbi. N nya khə ni kəm zəghə tsu mbi n ndow dzəŋŋə n səə Bày.”

Tùm i dzuŋu zə kuum Yeso Klisto tə Jɔn â tɔɔnə 17:13

Yeso n ndow kə n gɔŋŋə zə, dza nə̀, “Bày, n nya tey n ji n bəghənə n səə wɔ. N ghəə ghən kee ghɔɔmə nə̀ n nam loʼ fa n mbi, sey nə̀, ngəd tuŋ tə loʼ ni keeli soʼo ndzoʼo duʼlə zən n khənə n fə̀ŋ tə ghə.

Tùm i dzuŋu zə kuum Yeso Klisto tə Jɔn â tɔɔnə 20:17

Yeso n dza tə̀ wi nə̀, “Ka mə mɔm, n təŋkey, n ka kam kɔʼ taa dzə n səə Bày. Kee ndow n səə waazə ghuŋ ghə, wə dza tə̀ ghə nə̀ n nya ndow n səə Bày wuŋ, tə wey tə â loʼ soʼonə Bày ghə, tɔŋŋə Zə̀ kuŋ kən kə loʼ soʼonə Zə̀ kə ghə kə.”

Tùm i dzuŋu zə kuum Yeso Klisto tə Jɔn â tɔɔnə 20:21

Yeso n dza kpiʼi ndow tə̀ ghə nə̀, “Buulə zə i loʼ ghi ghaa. Nghee Bày â tûm bənə mə, à loʼ soʼo ighələ n tûm shiənə ndow ghaa.”

Tùm i dzuŋu zə kuum Yeso Klisto tə Jɔn â tɔɔnə 3:34

Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm.

Tùm i dzuŋu zə kuum Yeso Klisto tə Jɔn â tɔɔnə 6:62

Abə à mə̀ baa loʼ nə̀ ghaa koʼ ndòw Waa wù sɔŋtsuʼ tə kɔʼɔ dzəŋŋə ndòwnə n luʼu key tə nuu bənə tii, tə ghaa mə ji ngee?

Tùm i dzuŋu zə kuum Yeso Klisto tə Jɔn â tɔɔnə 6:70

Yeso n beeli ndow ghə nə̀, “À loʼ mə, mə â sày kɔʼnə tow ghaa wə ighəm n ghii wə ubəghə, a kee loʼ nə̀ wù umɔʼ loʼ n fəŋŋə kə ghaa nə̀ a loʼ avəətsəə.”

Kəfwaʼ 1:11

Ghə̂ a tii ghə n bəb ndow tə tsətəndəghə tey nə̀, “Ghə̂ a Galili ghə, a loʼ kee ghaa tey sɔʼɔ laalə kɔʼɔ ndow bikighow? Yeso wən Zə̀ kə ney nuu kɔʼ ndow idəŋ n wɔ ghaa, a loʼ soʼo ighələ tə i bəghə dzəŋŋənə tə̀ ghaa â koʼ ndownə nghee tə nuulə ndownə tii.”

Kəfwaʼ 1:13

Ambə ghə bə nyi bənə n Yerosalem, ghə n kɔʼ daŋŋə ndow n dzuu i ndaw zey ghə â muunə tii, i doʼo kuulə kɔʼ idəŋ. Ghə̂ ghey ghə â loʼnə fu â loʼ Pita, Jɔn, Jems, Andria, Filip, Tɔmas, Batolomio, Matyo, Jems waa Afus, Shimun, wù wey tə â ngii ləghənə naʼ i wi zə, nsə Judas waa Jems.

Kəfwaʼ 1:22

À khə ni loʼ wù tə â loʼ dzəŋi ghi saa ni ney nuu tsu n nəŋə zey Jɔn â fuunə mmuu n Kəzə̀ mə ndow kuum ndow n nəŋə zey Zə̀ kə â ney kɔʼ ndownə Yeso tii idəŋ. À khə ni loʼ wù tə i təmi tiilə soʼonə ghi saa nghee Yeso â zhəm dzəŋŋənə tii nə ivə.”

Kəfwaʼ 1:9

Ambə tə ghɔɔmə may tsunə ghəə ghən, Zə̀ kə n ney nuu kɔʼ ndow wi idəŋ, ghə n tey fu laalə nghee tə kɔʼɔ ndownə tii. Tə n kɔʼ kə sa, saŋ nuu nyi ndow nə təmbaʼ.

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Efesus 2:20

Ghaa loʼ soʼo dzəŋi kə dzûmə tə Klisto kə səd doʼonə n tsə̂ kə ngəd tə Yeso nsə tûm tə Kəzə̀ tə. Yeso Klisto n wû u wi wə, loʼ tə a loʼ tay i bow i ndaw n ndaw tii.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Hibru 9:24

I loʼ sey n təŋkey, Klisto â ka nyi dzə n luʼu kə zow kə nə̀ à faalə wù sɔŋtsuʼ, kə maŋa fiilənə luʼu kə zow key kə loʼnə idəŋ. Tə â ndzəm nyi ndow n dzəŋi kə dzûmə tə Klisto key kə loʼnə n bikighow. Tə nya loʼ n sə K-a-zə̀ ni buʼu wɔɔ kə tə wi n tow u saa.

1 Pita 3:22

Klisto n kɔʼ idəŋ, tə u doʼnə n kpi u Kəzə̀ u təmə wə, saʼa tsətəndəghə tə Kəzə̀ nsə daʼa wey udzəm u loʼnə idəŋ.

2 Pita 3:2

N ləghə nə̀ ghaa i moʼlə tsu ghɔɔmə zey tûm tə Kəzə̀ tə zow tə â dza naŋanə tə̀ ghaa n num tə ibam tə, ghaa i moʼlə tsu soʼo laŋ wey ngəd tə Yeso tə â fuunə tə̀ ghaa nə̀ u nuu bə n wɔ Mûkəbii saa nsə bəghəshi ə saa.

Chi dii 1:1

À wən loʼ màʼlə kə ghəə ghən Yeso Klisto a chi diinə tə̀ Jɔn. Zə̀ kə â fuu ghəə a tii ghə tə wi, nə̀ tə dii nduŋə ndow tə ghə̂ a kəfwaʼ wi ghə. Ghəə a tii a loʼ ghəə ghey ghə i kuʼlə neynə bənə kə. Ni ghəŋə nə̀ ghə keeli ghəə ghən, Klisto n tûm bə tsəndəghə wi tə wù kəfwaʼ wi tɔŋŋə Jɔn.

Chi dii 2:11

Wù wən tə khənə tuŋŋə wə, tə zow ghəə zey Zay kə Zow kə dzanə tə̀ dzəŋi u dzûmə tə Klisto tə. Wù wən tə təm zənə bəb zə, tə i kəm bə kpu way n bùʼ kə uvələ.”

Chi dii 2:17

Wù wey tə khənə tuŋŋə wə, tə zow ghəə ghən Zay kə Zow kə dzanə tə dzəŋi u dzûmə tə Klisto wə. Wù wən tə i taw tsəghənə ghəə a bəbə ghə, mə i fuu ghə n fəzəə u loʼ wə ghə â nyi naŋanə, ghə tɔŋŋənə nə̀ a loʼ mana. Mə i fuu soʼo ghə n tay i fəmə zən ghə tɔ̀ɔ naŋanə zəd i fəghə zə tii, nə̀ wù loʼ khə way, nə̀ a khə kə wù wey tə i neynə tay i tii zə.”

Chi dii 2:29

Wù wey tə khənə tuŋŋə wə, tə zow ghəə zey Zay K-a-zə̀ kə dza tə dzəŋi u dzûmə tə Klisto wə.”

Chi dii 2:7

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wən. Mə i fuu tsu kədaʼa tə̀ ghə̂ ghey ghə i taw tsəghəshiənə ghəə a bəbə ghə, ghə i kɔy nəghə tam wə n kaʼ fey fə fuunə muu zə, fə loʼnə n sum u Kəzə̀ idəŋ.”

Chi dii 21:14

Ghə â bɔm mbàa naʼ i tii zə n tay a tsə kə ndaw ighəm n ghii tə təbəghə. Ghə tɔ̀ɔ naŋa tsəghə ndow zəd a ngəd tə Waa Nji tey ighəm n ghii tə təbəghə n tay a tii ghə.

Chi dii 3:13

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wə.”

Chi dii 3:16

Nghee tə wə zuulə numnə, dii tsu nə̀ wə kay way, num soʼo way, mə i tsəə maʼa wɔ n dzuu zuŋ.

Chi dii 3:22

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wə.”