Kəfwaʼ 1:16 - Kaa n Kəzə̀ n fəghə mə

¹⁶ Tə n dza tə ghə nə̀, “Waazə ghə, ghəə ghən a tɔ̀ɔ doʼonə n màʼlə K-a-zə̀ a khə ni teeli bə shi, tɔŋɔ ghəə ghən Zay kə Zow kə â ghəŋə nə̀ fɔ̀ɔ Devid dza zey kuum Judas wən tə â diinə jii nə ghə bə kwu Yeso.

Kəfwaʼ 1:16 Mawu Ofanana

Matyo 26:14

Wù umɔʼ n ngəd tə Yeso tey ighəm n ghii tə təbəghə, tə wey ghə â tɔŋŋənə nə̀ a loʼ Judas Iskaliɔt, n ndòw koʼ ndòw ghə fɔɔngili a nii ghə,

Matyo 26:47

Nghee tə̀ Yeso nam ghɔɔmənə, Judas, ngəd umɔʼ n ngəd tə wi tən ighəm n ghii tə təbəghə, n bɔɔmə bəghə. Nɔɔ kə aghə̂ kə nii kə n loʼ n baa wi. Ghə n khə təkɔb nsə mbaŋ tə n wɔ nə̀ a ghə tûm bə ghə fɔɔngili a nii ghə nsə ngəd tə inaʼ tə.

Matyo 26:54

A kee loʼ nə̀, abə n ghəŋə tsunə sey, ghə i way ni luulə ghəə ghey a tɔ̀ɔ doʼonə n màʼlə K-a-zə̀ nə̀ a khə ni teeli shi.”

Matyo 26:56

À kee loʼ nə̀, ghəə ghən a shi ni luulə ghəə ghey tûm tə Kəzə̀ tə â tɔ̀ɔ naŋanə n màʼlə K-a-zə̀.” Sey, ngəd tə wi tədzəm n tyi naŋa taʼa tsu wi.

Malakus 12:36

Lòʼ sey nə̀ Devid â dza n daʼa kə Zay kə Zow kə bòʼ Klisto nə̀, ‘Yawe â dza tə̀ Mûkəbii wuŋ nə̀ Doʼo tsu n kpii wuŋ u təmə wə Ni ndòw kuum n nəŋŋə zey mə i ney naŋŋə bənə ghə̂ a təngəmə ghə ghə̀ n tənə ifuu zə.’

Malakus 14:43

Ambə Yeso nam ghɔɔmənə, Judas tə â loʼnə ngənd ə wi imɔʼ n ngəd tə wi tey ighəm n ghii tə təbəghə, n ndòw bə ghi nɔɔ kə aghə̂ kə ghə fɔɔngili a nii ghə, ghə̂ a dii a kəlaŋ ghə, nsə ngəd tə inaʼ tə nə̀ ghə n dzəŋə fə u tsam wə.

Lukas 22:47

Nghee tə̀ Yeso nam ghɔɔmə nə̀, nɔ̂ɔ kə aghə̂ kə n fuŋ təmi bə, nə a ney bə Judas tə â loʼnə wù umɔʼ n dzûmə tə Klisto tey ighəm n ghii tə təbəghə. Tə səŋ təmi ndow n səə Yeso dza i maŋə keeli ndow wi.

Tùm i dzuŋu zə kuum Yeso Klisto tə Jɔn â tɔɔnə 10:35

Ghaa khənu nə̀ ghɔɔmə i Kəzə̀ i kwey way. Abə Zə̀ kə â loʼ ni tɔŋɔ ghə̂ ghey ghə â zəllənə ghɔɔmə i wi zə nə̀ ghə loʼ uzə̀,

Tùm i dzuŋu zə kuum Yeso Klisto tə Jɔn â tɔɔnə 13:18

Yeso n dza kpiʼi ndow tə̀ ngəd tə wi tə nə̀, “N ghəə ghən ghɔɔmə dzə way tə̀ ghaa adzəm, n təŋkey, n khənu ngəd tuŋ tey n sày shi bənə. À kee loʼ nə̀ ghɔɔmə i Kəzə̀ i khə ni bə shi isəŋə nə̀, ‘Wù wey tə zə̂ə dzəŋi ghi mə, à loʼ wi tə kəm fəd doʼo bənə wù təngəmə wuŋ.’

Tùm i dzuŋu zə kuum Yeso Klisto tə Jɔn â tɔɔnə 17:12

Nəŋə zey mə â loʼ ghi ghə, mə â tsəd naŋa ghə n daʼa key kə loʼnə n zəd zey wə â fuu tə̀ mə. Mə n keyyə ghə, wù ghə umɔʼ ka nay shi tii a may kə wù wey tə â khə ni teeli nay, ni luulə ghɔɔmə zey i tɔ̀ɔ doʼo n màʼlə K-a-zə̀.”

Tùm i dzuŋu zə kuum Yeso Klisto tə Jɔn â tɔɔnə 19:36

Ghəə ghən â shi sey ni luulə ghɔɔmə i Kəzə̀ zey tûm tə Kəzə̀ tə â tɔ̀ɔ naŋa nə̀, “Ghə nə khəm way ghəb kə kəmɔʼ n kow wi.”

Kəfwaʼ 1:20

Pita n ndow n sə kə dza nə̀, “I tɔ̀ɔ doʼo n màʼlə kə təndzaŋa nə̀, ‘Tə muu kə wi kə mə doʼo tən kə kə zum kə. Kə wù loʼ nə tsəmə muulənə n ndaw wi.’ I tɔ̀ɔ doʼo soʼo nə̀, ‘Tə wù nuu mə ney bùʼ kə wi.’

Kəfwaʼ 13:15

Nghee ghə n tɔŋɔ may kɔʼnə laŋ u Mushi wə nsə ghəə ghey ghə̂ a tûm tə Kəzə̀ tə â tɔ̀ɔ naŋanə, ghə̂ a nii ghey n ndaw kədzəŋi ə ghə̂ a Təjuu n tûm ndow wù nə̀ tə dza ndow tə ghə nə̀, “Waazə ghə, abə ghaa kpaʼi khənə ghɔɔmə zə ni təm tawwə bə aghə̂ tii, ghaa n ndow n sə kə.”

Kəfwaʼ 13:38

Waazə ghuŋ ghə, n ləghə nə̀ ghaa keeli tsu nə̀, tûm zey ghey naʼlə bənə tə ghaa loʼ nə̀ aloʼ n bam i Yeso Zə̀ kə neyzəənə bəb zey ghaa ghəŋŋənə.

Kəfwaʼ 15:13

Ambə ghə ghɔɔmə may tsunə, Jems n nuu təmi kɔʼ dza nə̀, “Waazə ghə, ghaa zow!

Kəfwaʼ 15:7

Ambə ghə ngii fə tsu dzuu ghə n ghə i tii zə, Pita n nuu təmi kɔʼ, dza tə ghə nə̀, “Waazə ghə, ghaa khənu nə̀ Zə̀ kə mâ buʼ sày mə n fəŋŋə kə ghaa nə̀ n bə naʼa tûm i dzuŋu zə tə ghə̂ ghən ghə way ghə̂ a Təjuu ghə, sey nə̀ ghə loʼ ni mbɔŋ zow, ghə bəghəm soʼo tə Klisto.

Kəfwaʼ 2:23

Zə̀ kə mâ khə bayyə naŋa zey nə̀ ghə i fuu tsəʼlə bə Yeso n wɔ ghaa, zə n bɔɔmə bə shi kɔʼ sey. Ghaa n ney kɔʼ wi, fuu ndow tə ghə̂ a bəbə ghə nə ghə wey wi nə ghə baa n zat kə fəkaʼ.

Kəfwaʼ 2:37

Ambə ghə zow tsunə ghəə ghən, ghəə a tii ghə n ngii mɔm ghə n fə̀ŋ, ghə n bəb tə Pita nsə ngəd tə loʼ tey nə̀, “Waazə ghə, ghey i nya jiə tsu ngee?”

Kəfwaʼ 22:1

Pɔl n dza tə nɔɔ kə aghə̂ key nə̀, “Waazə ghuŋ ghə, ghə bày wuŋ ghə, ghaa zəllə n na tə n tiilə dza bə tə ghaa nə̀ n ka ghəŋə dzə ghə i bəbə i loʼ zə.”

Kəfwaʼ 23:1

Pɔl n sɔʼ laalə ndow ghə̂ a ndaw tsə sa, dza tə ghə nə̀, “Waazə ghə, fə̀ŋ zuŋ ngii zownu n jìi zey n muu kɔʼ bə tii n sə̂ K-a-zə̀ ni bə shi na.”

Kəfwaʼ 23:6

Nghee Pɔl koʼ tɔb kɔʼ nə̀ dəŋə kə loʼ kə mə loʼ ghə̂ a Sadusi, kə loʼ kə n loʼ ghə̂ a tə Falasi, tə n buʼ shi kɔʼ kəbɔŋ n ndaw tsə nə̀, “Waazə ghə, n loʼ wù Falasi, ghə bày bày ghuŋ a loʼ ghə̂ a tə Falasi. Ghə mə fa saʼa nghee n bəghəmnə nə̀ Zə̀ kə i ghəŋŋənu nə̀ ghə̂ a kpuu a zhəm dzəŋŋə bə nə ivə.”

Kəfwaʼ 28:17

Ambə tsuʼu n tsəghə tsu ntəghə, Pɔl n tɔŋɔ naŋa bə ngəd tə Təjuu tey tə â loʼnə fu. Ambə ghə təmdzəŋi bənə, tə n dza tə ghə nə̀, “Waazə ghə, â loʼ n Yerosalem ghə â ney fuu nyi tsu mə n wɔɔ kə ghə̂ a Rom tə̀ a loʼ wù ndaw tsaʼ. Mə â kaʼ ghəŋə bəəbə dzə ghə i loʼ zə tə ghə̂ ghə inaʼ a saa ghə, nkee tə laŋ kə ghə bày a saa kə diinə.

Kəfwaʼ 28:25

Ghə n nuu dzawwə doʼo tsu n wû i ghə, zey nə u nuulə wə nghee ghə zow Pɔl dza tsunə nə̀, “Zay kə Zow kə â ka nɔʼ dzə ni dza tə ghə bày bày a ghaa ghə n bam i wù tûm Kəzə̀ Ayzaya nə̀,

Kəfwaʼ 7:2

Sətifən n beeli ndow ghə nə̀, “Waazə ghuŋ ghə, ghə bày wuŋ ghə, ghaa zow! Tə̀ bày bày saa Abraham ni ndow mû n naʼ i Haran, â loʼ nə Zə̀ kən kə khənə kɔʼlə mə n dii bə wû wə tə wi n naʼ i Mesopotemya.

1 Pita 1:11

Ghə n dəm tsu ni kəŋ keeli shi kɔʼ nəŋə i tii zə nsə jìi zey ghəə a tii ghə i neynə bənə kə. Â wən loʼ nəŋə zey Zay kə Klisto key kə loʼnə n kow ghə â dii naŋa ndownə ghə nghee wù wən Zə̀ kə â dza naŋa nə̀ i tûm bənu, i bə fəʼlənə tii nsə kɔʼlə mey tə i bə keelinə.

2 Pita 1:21

N dza sey n təŋkey, wù sɔŋtsuʼ u loʼ u way dzə tə â tsə̀m koʼ kɔʼnə n nəŋə wi ni dza ghəə ghey a nuu bənə n wɔ Zə̀ kə. Â fəd loʼ Zay kə Zow kə, kə â ghəŋənə nə̀ ghə i dza bə ghəə ghey a nuu bənə n wɔ Zə̀ kə.

2 Pita 2:21

I mə loʼ ni nyaŋ dzɔb tə ghə abə ghə mə doʼlə tənə kə nə̀ ghə khə way muu zey i ghəŋŋənə nə̀ wù doʼo tsətsəghə, tsəghəshi tə̀ ghə ni keeli tsu, ghə kəm tuu maʼa ni zow ghəə ghey Zə̀ kə dzanə nə̀ ghə̂ ghə i ghəŋŋə tə̀ ghə a diinə tə̀ ghə.