Kəfwaʼ 1:15 - Kaa n Kəzə̀ n fəghə mə

¹⁵ N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 1:15 Mawu Ofanana

Matyo 13:31

Yeso n kəm ghɔɔmə kpiʼi ndow tə̀ ghə n ghɔɔmə i fənkəfən nə̀, “Fɔɔ wə idəŋ u loʼ tə a loʼ sam i Mɔstad wù loʼ â ney zəghə tsu n sum u wi.

Lukas 22:32

“À kee lòʼnə mə̀ n gɔŋŋə tə wɔ a Shimun, nə khə bəghəm i fə̀ŋ zə i nə buu doʼonə, abə wə̀ i təmi dzəŋŋə bənə, wə̀ i gàamə̀ soʼo waazə ghə.”

Tùm i dzuŋu zə kuum Yeso Klisto tə Jɔn â tɔɔnə 14:12

N dza bə isəŋə tə̀ ghaa nə̀, wù wey tə bəghəm fuunə tə̀ mə, tə i fwaʼa soʼonu ndzoʼo fwaʼ key n fwaʼanə ghii kə, tə i buʼ fwaʼ tsəghəshi tə mə â fwaʼnə, n təŋkey, n nya sa ndow n səə Bày.

Tùm i dzuŋu zə kuum Yeso Klisto tə Jɔn â tɔɔnə 21:23

Zɔŋ wə n fuŋ nay ndow n fəŋŋə kə ghə̂ ghey ghə â bəghəmnə tə̀ Yeso nə̀, ngəd zən i kpu way, loʼ sey nə̀ Yeso â ka dza dzə tə Pita nə̀ ngəd ə tii nə kpu way. Tə â fəd dza nə̀, “Abə n ləghə nə̀ tə muu ni ndow kuum n nəŋə zey mə i dzəŋŋə bənə tii, a wɔ tii fəmmə kee?”

Kəfwaʼ 10:23

Pita n ney nyi ndow ghə n ndaw, dza nə̀ ghə gaʼ bweeli tsu fu. Tsətsə wey, Pita nsə dzûmə tə Klisto tə loʼ tə n Jopa n nuu dzəŋi ndow ghi ghə.

Kəfwaʼ 11:1

Ngəd tə Yeso, nsə dzûmə tə Klisto tə loʼ tən tə a loʼ kaabənə n Judeya, n zow tsu nə̀ ghə̂ ghən ghə way ghə̂ a Təjuu ghə n bəghəm soʼo ghɔɔmə i Kəzə̀ zə.

Kəfwaʼ 11:12

Zay kə Zow kə n dza bə tə mə nə̀ kə n nə səmənə ni ndow ghi ghə. Waazə a saa ghən a tuubə n bə dzəŋi ghi mə, ghey n ndow nyi ndow n ndaw wù tii.

Kəfwaʼ 11:26

Ambə tə koʼ tsunə wi, tə n ney bə wi n Antyɔk. Sey, Banabas ghi Sɔl n doʼo kəŋə ndow kənum ghi dzûmə tə Klisto tey n Antyɔk. Ghə n dii kəŋə ndow ndəmə aghə̂ fu n dzəŋi kə dzûmə tə Klisto. Â loʼ soʼo fuu n Antyɔk ghə â ziʼi tɔŋɔ shi bənə ghə̂ ghən ghə bəghəmnə tə Zə̀ kə nə a loʼ dzûmə tə Klisto.

Kəfwaʼ 11:29

Sey, dzûmə tey n saalə tsu ni fuu igaamə tə wɔɔ a ghə ghə â kɔʼ kuumnə tə dzûmə tey tə loʼ nə n Judeya.

Kəfwaʼ 12:17

Tə n foʼlə tsu nə awɔɔ nə ghə doʼo tsu mɔŋ. Sey, tə n tiilə dza ndow tə ghə nghee Mûkəbii ney nuu shi bənə wi tii n ndaw tsaʼ. Tə n dza tə ghə nə̀, “Dza nduŋŋə ndow na ghəə ghən tə Jems nsə dzûmə tə Klisto tə loʼ tey tədzəm.” Nghee tə dza tsunə sey tə n daŋŋə nuu ndow soʼo n luʼu kə nuu kə.

Kəfwaʼ 14:2

Ghə̂ a Təjuu ghən ghə â khə way bəghəm i fə̀ŋ zə n fədlə kuu tənyɔʼ, bəəbə maʼa kɔʼ fə̀ŋ tə ghə̂ ghey ghə way ghə̂ a Təjuu ghə kuum Pɔl ghi Banabas nsə dzûmə tə Klisto tə loʼ tey.

Kəfwaʼ 15:1

Ghə̂ a loʼ ghə n nuu bə n mboʼo Judeya ndow bə n naʼ i Antyɔk, zey ndow ni dii aghəə tə dzûmə tə Klisto tə, dza tə ghə nə̀, “Abə ghə ka səghə tyi u ghaa tə laŋ kə Mushi kə diinə, ghaa i keeli way bəghəshi zə.”

Kəfwaʼ 15:3

Ghə̂ ghən dzəŋi kə dzûmə tə Klisto â tûmnə, n tsəghə ndow jii n mboʼo Fonishia nsə Samaria. Ghə n bəŋ koʼ daŋŋə tsə dzûmə tey fu n naʼa tə tii tə, tiilə dza ndow tə ghə nghee tə ghə̂ ghən ghə way ghə̂ a Təjuu a bəghəmnə tûm i dzuŋu zə a tii. Dzûmə tə Klisto tey fu tədzəm n ngii duʼlə nghee ghə zow tsunə ghəə ghən.

Kəfwaʼ 16:2

Dzûmə tə Klisto tey n Listra nsə n Ikonum â ngii kali Timoti bòʼ mwam u wi.

Kəfwaʼ 16:40

Ambə Pɔl ghi Silas nuu shi tsunə n ndaw tsaʼ, ghə n ndow n ndaw Lidia. Ghə n ndow koʼ ndow dzûmə tə Klisto fu, kuu fə̀ŋ tə ghə, daŋŋə zəghə tsu naʼ i tii zə.

Kəfwaʼ 17:10

Nghee tsuʼ u daŋŋə dzə̂ bənə, dzûmə tə Klisto tey tûm nuu ndow Pɔl nsə Silas n naʼ i Beria. Ambə ghə kûm tsu fu, ghə n ndow n ndaw kədzəŋi ghə̂ a Təjuu.

Kəfwaʼ 17:14

Sey, dzûmə tə Klisto tey n daŋŋə ney tûm nuu ndow Pɔl n nguŋ ə dzùu, Silas ghi Timoti n kee doʼo səə i tsu n naʼ i Beria.

Kəfwaʼ 17:6

Ambə ghə kəŋ kìi tsunə ghə, ghə kwu sìi shi bə Jason ghi dzûmə tə Klisto tə loʼ tey, ney ndow ghə n səə ghə̂ ghey ghə saʼanə naʼ zə, buʼlə shiə kɔʼɔ nbɔŋ dza nə̀, “À wən loʼ ghə̂ ghən ghə ghəŋŋənə nə̀ luʼu tədzəm tə i teynə ifuu. Ghə n bə soʼo fa.

Kəfwaʼ 18:18

Nghee ghəə ghən tsəghə tsunə, Pɔl n dzə doʼo kəŋə ndow tsuʼu n loʼ mə fu. Tə n zəghə tsu dzûmə tə Klisto tey fu, ney kɔʼ Prisila nsə Akwila, nyi kɔʼ nə kəfən, nuu daŋ ndow n mboʼo Sirya. Tə̀ wi ni ndow n Sirya, à n loʼ nə tə n kɔm tow kə n Senkria ni diitsu nə̀ tə n naŋa ghəə zey tə â kâa naŋanə tə̀ Zə̀ kə.

Kəfwaʼ 18:27

Ambə Apolos ləghənə ni daŋ nə Akaya, dzûmə tə Klisto tey n Efesus n kuu fə̀ŋ ə wi nə tə ndow. Ghə n tɔ̀ɔ ndow kəmàʼlə tə dzûmə tə Klisto tey fu, nə̀ ghə ney naŋa wi. Ambə tə nyi ndownə fu, tə n ngii gaamə ghə̂ ghey ghə â bəghəmnə tə Klisto boʼ ndzuŋ ə Kəzə̀.

Kəfwaʼ 21:17

Ambə ghey nyi ndownə n Yerosalem, dzûmə tə Klisto tey fu n kpii ney kɔʼ ghey nə iduʼlə.

Kəfwaʼ 21:20

Nghee ghə zow tsu ghəə a tii ghə, ghə n fuu ukali tə Zə̀ kə. Ghə n daŋŋə dza tə Pɔl nə̀, “N waazə, wə loʼ ni koʼ nghee ndəmə kam tə ghə̂ tə Təjuu tə doʼo bənə dzûmə tə Klisto tə, nsə nghee ghə nyûmə wû zə ni naŋŋə laŋ kə Mushi kə.

Kəfwaʼ 21:7

Ambə ghey zəghə tsunə Tayra, ghey n kɔʼ bəŋ tsu n Tolemes, tɔŋɔ zow tsu dzûmə tə Klisto tey fu, gaʼ bweeli tsu ghi ghə fətsuʼ fəmɔʼ.

Kəfwaʼ 22:5

Fɔɔngili u nii nii wə nsə ngəd tə ndaw tsə tə loʼnu ni tɔʼ tiilə dza ghəə ghən. À buʼ loʼ ghə, ghə â fuunə mə n màʼlə wə nə̀ n ndow fuu tə ngəd tə Təjuu tey n Damaskus. Sey, mə n ndow fu ni ndow kwu ghə̂ ghən, n ney dzəŋŋə bə ghə n ndaw tsaʼ n Yerosalem ni chɔd ghə.”

Kəfwaʼ 28:14

Ghey n bə koʼ bə dzûmə tə Klisto tə loʼ tə fu, ghə n dza nə̀ ghey muu doʼo tsu iwən ghi ghə. À wən loʼ nghee ghey â bweynə tii ni bə nyi n naʼ i Rom.

1 Kɔrint 15:6

Ambə tsuʼu n loʼ n tsəghə tsunə, tə n kəm dii soʼo wû u wi tə̀ dzûmə tə wi tə nə̀ ghə dzəŋi doʼonu nə̀ ghə n tsəghəshi bɔm mə ntaa. Ndəmə dzûmə tə Klisto tən tə â diinə wû wə tə̀ ghə nam loʼnu utaw nya, a loʼ ghə a loʼ nə̀ ghə n kpu.

Chi dii 11:13

N nəŋə i tii zə kə, ghəlikətsə kə daŋŋə noʼlə tsu nə kədaʼa. Bat kəmɔʼ nə tədzawwə ighəm tə loʼnə ighələ n naʼ i tii zə məllə nyi tsu ndow, ghə̂ ghə n kpu soʼo tii təkam təsəghəmbəghə. Tsəŋ zə i faalə zə n kwu ghə̂ a loʼ ghey ghə â ka kpu, ghə n ngii fuu nkɔʼlə tə Zə̀ kə idəŋ kə.

Chi dii 3:4

Wə nam khənu sə̂ fə aghə̂ fə loʼ fə n Sadis, ghə loʼ nə̀ ghə ka kam dzəələ ndzə̂ tə ghə tə. Ghə i bwey dzəŋi ghi mə nə̀ ghə n dzəŋə keeli ndzə tə fəmə tə n təŋkey, ghə n kɔʼ kpi ni bwey ghi mə.