Kəfwaʼ 1:13 - Kaa n Kəzə̀ n fəghə mə

¹³ Ambə ghə bə nyi bənə n Yerosalem, ghə n kɔʼ daŋŋə ndow n dzuu i ndaw zey ghə â muunə tii, i doʼo kuulə kɔʼ idəŋ. Ghə̂ ghey ghə â loʼnə fu â loʼ Pita, Jɔn, Jems, Andria, Filip, Tɔmas, Batolomio, Matyo, Jems waa Afus, Shimun, wù wey tə â ngii ləghənə naʼ i wi zə, nsə Judas waa Jems.

Kəfwaʼ 1:13 Mawu Ofanana

Matyo 9:9

Yeso n zəghə tsu luʼu key, nghee tə̀ tə ndownə, tə n kòʼ ndow wù kwɔɔ u kəmàʼlə ù loʼ wə ghə â tɔŋŋə nə̀ à loʼ Matyo, nə̀ tə loʼ n luʼu key ghə kwɔɔnə maʼlə kə tsow kə tii. Tə n dza tə̀ wi nə̀, “Dzûmə bə mə.” Matyo n nuu kɔʼ, nuu ndòw n bàa wi.

Malakus 14:15

Abə ghaa i bəb tsu sey, tə i dii bə dzuu i ndaw i nii zə idəŋ nə̀ ghə n faalə naŋa. Bayyə naŋa tsu na fəzəə wə fu tə̀ sa.”

Malakus 14:33

Tə n ndòw ghi Pita, Jems, ghi Jɔn. Tə n zey ndòw ni mow, khə ifəmmə n fə̀ŋ.

Malakus 2:14

Nghee tə̀ tə bwey ndownə, tə n koʼ ndòw Levi waa Afus tə doʼnə n luʼu k-a-fwaʼ kə wi kə kwɔɔ kə màʼlə kə tsow kə. Tə n dza ndòw tə̀ wi nə̀, “Dzûmə bə mə.” Levi n bɔɔmə nuu kɔʼ dzûmə ndòw wi.

Malakus 5:37

Yeso n ka bəghəm nə̀ wù loʼ kəm dzûmə wi, bəghəm kɔʼ kə Pita, Jems ghi waazə wi Jɔn.

Malakus 9:2

Ambə tsuʼu n tsəghə tsunə ntuubə, Yeso n ney kɔʼ Pita, Jems nsə Jɔn, nuu kɔʼ ndòw ghi ghə nə̀ ukaʼ. Ghə n loʼ fu n nəŋə ghə. Nghee ghə loʼnə fu, Yeso n kweyyə kɔʼ n sə kə ghə,

Lukas 22:12

Tə i dii ndòw ghaa n dzuu i ndaw i nii i loʼ zə n ndaw zey i doʼo kuulə kɔʼ ndow n tow kə ndaw nə̀ ghə n tɔ̀ʼ faalə̀, ghaa i bayyə naŋa tsu ndaw i tii zə.”

Tùm i dzuŋu zə kuum Yeso Klisto tə Jɔn â tɔɔnə 11:16

Tɔmɔs, ghə â tɔŋŋə nə̀ à loʼ Ngɔŋmbaa n dza tə̀ ngəd tə loʼ tey nə̀, “Bə̀ na a ndòw ghi wù dìi, nə̀ a loʼ kə ivə, saa i dzəŋŋə kpu ndòw ghi wi.”

Tùm i dzuŋu zə kuum Yeso Klisto tə Jɔn â tɔɔnə 14:22

Judas (à way dzə tə wey ghə â tɔŋŋə nə̀ a loʼ Judas Iskaliɔt.) Tə n bəb ndow tə Yeso nə̀, “Mûkəbii, a loʼ kee wə ləghənə ni dii bə ndzoʼo wù wey wə loʼnə ghii wə tə̀ ghey ngəd tə, kee ləghə way ni dii tə̀ ghə̂ a mbi ghə ə?”

Tùm i dzuŋu zə kuum Yeso Klisto tə Jɔn â tɔɔnə 18:17

Zən fə kəfwaʼ fey n fuʼ u mbàa n bəb tə̀ Pita nə̀, “N dza wə mgbaŋ loʼ soʼo ngəd ə wù wən ə?” Pita n tuu nə̀, “Hayi, n way dzə ngəd ə wi!”

Tùm i dzuŋu zə kuum Yeso Klisto tə Jɔn â tɔɔnə 21:2

ngəd tə Yeso tə loʼ tə â dzəŋi loʼnu, tɔŋŋə Shimun Pita, Tɔmɔs tɔŋŋə Ngɔŋmbaa, Natanyə tɔŋŋə wû Kana n Galili, waa a Zebedi a num ghə nsə ngəd tə Yeso tə loʼ tə təbəghə.

Kəfwaʼ 12:17

Tə n foʼlə tsu nə awɔɔ nə ghə doʼo tsu mɔŋ. Sey, tə n tiilə dza ndow tə ghə nghee Mûkəbii ney nuu shi bənə wi tii n ndaw tsaʼ. Tə n dza tə ghə nə̀, “Dza nduŋŋə ndow na ghəə ghən tə Jems nsə dzûmə tə Klisto tə loʼ tey tədzəm.” Nghee tə dza tsunə sey tə n daŋŋə nuu ndow soʼo n luʼu kə nuu kə.

Kəfwaʼ 15:13

Ambə ghə ghɔɔmə may tsunə, Jems n nuu təmi kɔʼ dza nə̀, “Waazə ghə, ghaa zow!

Kəfwaʼ 2:14

Sey Pita n nuu təmi kɔʼ idəŋ ghi tsətəndəghə tə loʼ tey ighəm nsə ghii zə imɔʼ, dza shi kɔʼ n dzə i taw zə tə nɔɔ kə aghə̂ key nə̀, “Waazə ghuŋ ghə, ghə̂ Təjuu ghə nsə ghaa ghən adzəm ghaa muunə n Yerosalem, tɔʼɔ chi kɔʼ na tuŋŋə u ghaa wə ghaa zəllə ghɔɔmə zuŋ.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 20:8

Daa wə n baŋŋə kaabə tsə fu n dzuu i ndaw zey idəŋ ghey â dzəŋi doʼnə tii.

Kəfwaʼ 4:13

Nghee ghə koʼnə jìi zey Pita ghi Jɔn ghɔɔmənə tii nə ghə tsəŋə way, koʼ tɔb kɔʼ soʼo nə a maŋ loʼ laŋa tə aghə̂ nə ghə ka basə nyi dzə n ndaw kəmàʼlə, dzuu zə n ngii zum ghə. Ghə sey daŋŋə koʼ keeli ndownu nə̀ ghə â loʼ dzəŋi tsə ghi Yeso.

Kəfwaʼ 4:19

Pita ghi Jɔn, n fəd beeli ndow ghə nə̀, “Wû i ghaa, moʼlə tsu na nə̀ a kpii ghə i ghaa zə tə Zə̀ kə ə? Ni zow tə ghaa mɔ, ni zow tə Zə̀ kə ə?

1 Kɔrint 15:7

Tə n dii bə uwû tə̀ Jems, dii ndow soʼo uwû tə̀ ngəd tə wi tə tədzəm.

Galeshia 1:19

Mə â ka koʼ dzə ngəd tə Yeso tə loʼ tey tsəghəshiə way waazə Mûkəbii tɔŋŋə Jems.

Galeshia 2:9

Ambə Jems, Pita nsə Jɔn, ghə â loʼnə tsən tə fu, koʼ keeli tsunə nə̀ Zə̀ kə n fuu mə n ndzuŋ, ghə n tɔʼ tɔŋɔ zow bə mə ghi Banabas ni dii tsu nə ghey fwaʼa fwaʼ kə mɔʼɔ kə ghi ghə. Ghə n bəghəm dzəŋi kɔʼ nə̀, Banabas ghi mə fwaʼa ghi ghə̂ ghən ghə way ghə̂ a Təjuu ghə, ghə u kee fwaʼa nə ghi ghə̂ a Təjuu ghə.

Jems 1:1

A màʼlə kən tɔ̀ɔ bə mə Jems. N loʼ wù kəfwaʼ tə Zə̀ kə, loʼ soʼo wù kəfwaʼ tə Mûkəbii Yeso Klisto. N tɔ̀ɔ bə tə̀ ghə̂ a Təjuu ghən ghə saali doʼo kaabənə n badla tə mbi tədzəm. N tɔŋɔ zow bə ghaa.

2 Jɔn 1:1

À màʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə weyzən wən Zə̀ kə sày naŋa kɔʼnə nsə waa a wi ghə. N tɔ̀ɔ bə boʼnə n ngii ləghə wi. A way kə mə n ləghənə wi, ghə̂ ghey adzəm ghə khənə isəŋə, ləghə soʼonu wi.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.