Kəfwaʼ 1:11 - Kaa n Kəzə̀ n fəghə mə

¹¹ Ghə̂ a tii ghə n bəb ndow tə tsətəndəghə tey nə̀, “Ghə̂ a Galili ghə, a loʼ kee ghaa tey sɔʼɔ laalə kɔʼɔ ndow bikighow? Yeso wən Zə̀ kə ney nuu kɔʼ ndow idəŋ n wɔ ghaa, a loʼ soʼo ighələ tə i bəghə dzəŋŋənə tə̀ ghaa â koʼ ndownə nghee tə nuulə ndownə tii.”

Kəfwaʼ 1:11 Mawu Ofanana

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 16:28

N dza bə isəŋə tə̀ ghaa nə̀, ghə̂ a loʼ a loʼ fa ghə i koʼ way və zə nə̀ ghə ka koʼ Waa Weynum tə bəghənə n wû u Kədə̀ŋ.”

Matyo 24:30

N nəŋə i tii zə, tsəə ni dii tsu nə̀ Waa Weynum nya bəghənu i dii bə n bəkighow, ghə̂ a naʼa tə mbi tən tədzəm ghə i dey abə ghə koʼnə Waa Weynum tə shiə tsu bənə nə təmbaʼ n daʼa kə nsə ghaʼ i wi i nii zə.

Matyo 25:31

Yeso n dza tə ghə nə̀, “Abə waa weynum î bənə n wû u kədə̀ŋ ghi tsətəndəghə tə Kəzə̀ tə tədzəm ghi wi, tə i bə doʼo tsu n kuu kə ufɔɔ kə wi.

Malakus 13:26

Ghə̂ ghə i daŋŋə koʼ Waa Wù sɔŋtsuʼ tə bəghənə nə təmbaʼ n daʼa kə nsə ghaʼ zə.

Malakus 14:70

Pita n tuu kpiʼi tsu. Ghab kə n ka shi ghə̂ ghey ghə â teynə fu n dza tə̀ Pita nə̀, “Wə teeli loʼ wù ghə umɔʼ boʼnə wə loʼ wù Galili.”

Malakus 16:19

Ambə Mûkəbii Yeso ghɔɔmə may tsunə ghəə ghən tə̀ ghə, Zə̀ kə n ney nuu kɔʼ ndòw wi idəŋ, tə n ndòw doʼo tsu n kpii u Kəzə̀ u təmə kə.

Lukas 21:27

Sey ghə nə daŋŋə kòʼ Waa wù sɔŋtsuʼ tə bəghənə nə təmbaʼ ghi daʼa kə səŋŋi kə nsə kɔʼlə mə.

Lukas 24:5

Ghə n taa tsəŋ, kùm naŋa tsu tow u ghə aghəd. Ghə̂ a tii ghə n bəb tə̀ ghə nə̀, “A loʼ kee ghaa kəŋə bənə wù nə tə loʼ utaw n fəŋŋə kə ghə̂ a kpuu ghə ə?

Tùm i dzuŋu zə kuum Yeso Klisto tə Jɔn â tɔɔnə 14:3

Abə n ndòw faalə naŋa tsunə luʼu tə tə̀ ghaa, mə i kəm bə dzəŋŋə, n bə ney ghaa tə̀ saa i loʼ adzəm, sey nə̀, luʼu key n loʼnə tii, ghaa i loʼ soʼo fu ghi mə.

Kəfwaʼ 1:2

ndow kuum ndow n tsuʼ fey Zə̀ kə â ney kɔʼnə wi tii idəŋ. Tə̀ Zə̀ kə ni ney kɔʼ wi idəŋ, à n loʼ nə tə n tsəghə n kow Zay kə Zow kə ni fuu naŋa ulaŋ tə̀ ngəd tə wi tən tə â sày naŋanə.

Kəfwaʼ 1:22

À khə ni loʼ wù tə â loʼ dzəŋi ghi saa ni ney nuu tsu n nəŋə zey Jɔn â fuunə mmuu n Kəzə̀ mə ndow kuum ndow n nəŋə zey Zə̀ kə â ney kɔʼ ndownə Yeso tii idəŋ. À khə ni loʼ wù tə i təmi tiilə soʼonə ghi saa nghee Yeso â zhəm dzəŋŋənə tii nə ivə.”

Kəfwaʼ 1:9

Ambə tə ghɔɔmə may tsunə ghəə ghən, Zə̀ kə n ney nuu kɔʼ ndow wi idəŋ, ghə n tey fu laalə nghee tə kɔʼɔ ndownə tii. Tə n kɔʼ kə sa, saŋ nuu nyi ndow nə təmbaʼ.

Kəfwaʼ 13:31

Ambə Zə̀ kə ghəŋŋə nə̀ tə zhəm dzəŋŋə bə nə ivə, tə n ghəŋə nə̀ ghə̂ ghey ghə â bwey dzəŋinə ghi wi nghee tə a nuu tsunə n Galili ni ndow n Yerosalem nə ghə koʼ wi n ndəmə tənəŋə. À nya loʼ ghə, ghə təmi tiilənə bòʼ wi tə ghə̂ ghə Izree ghə.

Kəfwaʼ 2:7

Ghəə zən n tsəghəshi ghə, ghə kəŋə kii kətow tii, zey ndow ni bəb n wû i ghə nə̀, “N dza ghə̂ ghən mgbaŋ loʼ ghə̂ a Galili ə?

Kəfwaʼ 3:12

Ambə Pita koʼ tsunə sey, tə n dza ndow tə ghə̂ ghey nə̀, “Ghə̂ a Izree ghə, à lo kee dzuu i zumnə ghaa n ghəə zən ə? A loʼ kee ghaa laalənə ghey n ndzoʼo jii zən ə? À loʼ kee ghaa laalənə ghey tə a i dzanə à loʼ n daʼa kə ghey, ghey ghəŋənə nə̀ wù wən bwey nkee ghaa moʼlə nə̀ ghey loʼ ghə̂ a dzuŋu ghə n sə K-a-zə̀ ni ghəŋə nə̀ wù wən bwey ə?

Kəfwaʼ 3:21

Yeso khə ni doʼo kə idəŋ ni ndow kuum n nəŋə zey i kpiinə tə Zə̀ kə ni bayyə naŋa dzəŋŋə aghəə adzəm. Zə̀ kə mâ khə təb naŋa ghəə ghən tə saa n bam i tûm tə wi tə zow tə.

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

1 Tesalonika 4:16

I loʼ sey n təŋkey, nəŋə zey Mûkəbii n wû u wi wə î tsu bə idəŋ, tə î naʼa tsu kəbɔŋ kə taw kə, tsəndəghə ə Kəzə̀ u nii wə i naʼa tsu soʼo kəbɔŋ, sɔŋ i Kəzə̀ zə i fuŋ tsu, sey dzûmə tə Klisto tən tə â kpu dzənə i zhəm dzəŋŋə bə isə̂ nə̀ ivə.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

Chi dii 1:7

Koʼo na! Tə wey tə bəghənə nə təmbaʼ! Ghə̂ adzəm i koʼo wi, ghə̂ ghey ghə â tsuʼnə wi, i koʼ daŋŋə soʼo wi. Ghə̂ adzəm fa n mbi ghə i deyyə bòʼ wi. Zə i bɔɔmə doʼo kə sey! I doʼo sey.