Tùm i dzuŋu zə kuum Yeso Klisto tə Jɔn â tɔɔnə 9:39 - Kaa n Kəzə̀ n fəghə mə

³⁹ Yeso n dza, “N bə fa n mbi ni bə saʼ aghə̂, sey nə̀, ghə̂ ghey ghə fəb doʼonə ghə i loʼ ni koʼ təluʼu, ghə̂ ghey ghə koʼonə luʼu tə ghə fəb doʼo bə.”

Tùm i dzuŋu zə kuum Yeso Klisto tə Jɔn â tɔɔnə 9:39 Mawu Ofanana

Matyo 11:5

Ghə̂ a fəbə a nya koʼo təluʼu, kə̀ŋŋə u nya bweynu, ghə̂ ghey ghə â dzaŋanə kə̀m wə n taw, kùʼ wə a zownə tuŋŋə wə, ghə̂ à kpuu ghə a zhəm dzəŋŋə bə nə ivə, ghə a naʼlə soʼonə tûm i dzuŋu zə tə ghə̂ a laa ghə.

Matyo 15:14

Kə̂ ghaa nə̂ fəmmənə wû i ghaa zə bòʼ ghə, ghə maŋ loʼ ghə̂ a fəbə ghə, ghə tali ndòwnə ghə̂ a fəbə ghə. Abə wù fəbə taali ndòwnə wù fəbə u loʼ wə, ghə i dzəŋi bwu nyi tsu nə kəbuʼ.

Matyo 6:23

Abə sə̂ ghə a way kədzuŋ, wû wə udzə̀m u sey loʼ nə kələm. Sey abə daa key kə loʼnə n kow wɔ lòʼ kələm, ləm kə tii kə i faalə.”

Lukas 1:79

Zə i ney bə luʼu tə zow tə tə̀ ghə̂ ghey ghə loʼnə nə kələm, nsə ghə̂ ghey ghə loʼnə tə̀ ghə nya sòʼo ivə. Zə i dii bə jii i dzuŋu zey i fuunə buulə zə tə saa.”

Lukas 13:30

Kuum kuum, ghə̂ ghey ghə̂ a koʼo kìi nə ghə nya, Zə̀ kə i ghəŋŋə ghə nə̀ ghə bə doʼo ghə̂ a səŋi ghə, ighələ tə ghə̂ ghey ghə̂ a koʼo nə̀ ghə loʼ ghə̂ a səŋi ghə nya, Zə̀ kə i ghəŋŋə soʼo nə ghə̂ ghə i bə koʼ kìi ghə.

Lukas 2:34

Sey Shimiɔŋ n buulə tsu ghə, dza ndòw tə̀ Maria nə̀, “waa wən, a tûm bə Kəzə̀. Bòʼ wi, ghə̂ a loʼ ghə î keeli tsɔɔmə i bəbə zə, a loʼ ghə i keeli ibəghəshi n naʼ zə Izree. Tə î loʼ tsəə ə Kəzə̀, seykə, ndəmə aghə̂ ghə i kɔɔbə wi,

Lukas 4:18

“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd,

Lukas 7:21

N nəŋə i tii zə kə, Yeso n baŋŋə tsu lii tə tədzaŋa n kow aghə̂, dzùm shiə zay u bwu wə n kow ghə̂ ghə, ndəmə ghə̂ a fəbə ghə n kaʼ ni koʼ.

Tùm i dzuŋu zə kuum Yeso Klisto tə Jɔn â tɔɔnə 12:31

Nəŋə zə n kpii tə̀ Zə̀ kə ni saʼ ghə̂ a mbi. À loʼ nya ghə i dzum maʼa shiənə Satan, tə loʼnə də̀ŋ kə mbi kə.

Tùm i dzuŋu zə kuum Yeso Klisto tə Jɔn â tɔɔnə 12:46

N bə fa n mbi tə̀ a loʼ kədaa, sey nə̀, wù wey tə bəghəm fuu dzə tə̀ mə, tə ka doʼo tən dzə nə kələm.

Tùm i dzuŋu zə kuum Yeso Klisto tə Jɔn â tɔɔnə 3:17

Zə̀ kə â ka tûm bə dzə Waa wi fa mbi nə̀ tə bə saʼ mbi, tə â fəd tûm bə wi nə̀ tə bə bəghəshi ghə̂ a mbi.

Tùm i dzuŋu zə kuum Yeso Klisto tə Jɔn â tɔɔnə 3:19

Tow kə ighəə key Zə̀ kə saʼa ghə̂ ghə a tii loʼ nə̀, daa kə bàŋ nyi bə n mbi, ghə̂ ghə u kee ləghənə ləm kə tsəghəshi kədaa, n təŋkey ghəə a ghə a ghəŋŋə a loʼ ghəə a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 8:12

Yeso n ghɔɔmə kpiʼi ndòw aghəə tə̀ nɔɔ kə aghə̂ key nə̀, “N loʼ kədaa tə̀ ghə̂ a mbi ghə adzəm. Wù wey tə dzûmənə mə, î bwey koʼ way nə kələm, tə i fədlə keeli daa key kə fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 8:15

Ghaa saʼa aghəə n jìi zey wù sɔŋtsuʼ saʼanə tii, abə mə, n saʼa dzə way wù.

Tùm i dzuŋu zə kuum Yeso Klisto tə Jɔn â tɔɔnə 9:25

Wù tii n beeli ndòw ghə nə̀, “N khə dzə way nə̀ wù tii loʼ wù bəbə mɔ wù dzuŋu. N khə kə ighəə imɔʼ. N khə nə̀ mə â fəb doʼonu, n nya koʼo təluʼu.”

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

2 Kɔrint 2:16

Ghey loʼ tə̀ a loʼ zuʼ key kə ghəŋŋənə nə̀ ghə̂ a kpuulə tə̀ ghə̂ ghey ghə laʼa nay ndownə. A kee bə tə̀ ghə̂ ghey ghə keelinə bəghəshi zə, ghey loʼ tə a loʼ zuʼ key kə fuunə muu zə. A loʼ ndee tə̀ kɔʼ kpiinə ni fwaʼ ndzoʼo fwaʼ kən ə?

Efesus 5:14

Kuum nə̀, a loʼ utsə u ghəŋŋənə nə̀ ghəə a doʼo bə n mgbaŋ. À wən loʼ ghə i tii zə ghə dzanə nə̀, “Nuu kɔʼ idəŋ, wɔ wən wə bweelinə, Zhəm nuu dzəŋŋə bə nə ivə. Tsə u Klisto wə i baŋa n kow wɔ.”

2 Tesalonika 2:10

Tə i ghəŋə ndəmə ghəə a bəbə ghə ni sii ndzəŋ ghə̂ ghən ghə loʼnə tə̀ a loʼ ghə̂ a kpu ghə tə̀ Zə̀ kə n təŋkey ghə ləghə way ni gaʼ fəŋ n ghəə i loʼ isəŋə sey nə̀ ghə keeli ibəghəshi.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

1 Jɔn 2:11

Wù wey tə kee bàanə waazə ə wi, loʼ nə kələm. Tə muu nə kələm, khə soʼo way luʼu key tə ndownə tii, n təŋkey, bəb zə n ghəŋə nə̀ tə fəb doʼo bə.