Tùm i dzuŋu zə kuum Yeso Klisto tə Jɔn â tɔɔnə 9:29 - Kaa n Kəzə̀ n fəghə mə

²⁹ Ghey khə nə̀ Zə̀ kə â ghɔɔmə tə̀ Mushi, abə wù wən, ghey buʼ khə way luʼu key tə nuu bənə tii.”

Tùm i dzuŋu zə kuum Yeso Klisto tə Jɔn â tɔɔnə 9:29 Mawu Ofanana

Matyo 12:24

Nghee tə ghə̂ a tə Falasi a kee zow tsunə sey, ghə n dza, “À teeli loʼ Belzebul, tɔŋŋə də̀ŋ kə zay u bwu wə, kə fuunə ghə̂ fən n daʼa kə nə̀ tə i dzum shiə zay u bəbə wə tii.”

Matyo 26:61

dza nə̀, “Wù wən â dza nə̀, ‘N loʼnu ni saʼ maʼa tsu Ndaw Kəzə̀ i nii zən n Yerosalem, n kəm bəghə dzəŋŋə kɔʼ nə ntsuʼu ntəghə.’”

Lukas 23:2

Ghə n kaʼ ni bàŋ dzuu i wi dza, “A kwu wù wən tə tsə̀ə bəəbənə ghə̂ a naʼ i Təjuu ghə nə kə ghə nə̀ tsownə màʼlə kə tə̀ Kaysa, tə tɔŋŋə soʼo wû u wi nə̀ i loʼ wù wən Zə̀ kə â dza naŋa nə̀ i tûm bənu, dii tsu nə tə loʼ Kədə̀ŋ.”

Tùm i dzuŋu zə kuum Yeso Klisto tə Jɔn â tɔɔnə 1:17

Zə̀ kə â fu bə kəlaŋ fa n mbi nə̀ kə tsəghə n kow Mushi, Zə̀ kə n kee fu bə ndzuŋ nsə isəŋə nə̀ kə tsəghə n kow Yeso Klisto.

Tùm i dzuŋu zə kuum Yeso Klisto tə Jɔn â tɔɔnə 7:27

Wù wən way dzə wù wey Zə̀ kə â dza naŋa nə̀ i tûm bənu, n təŋkey, saa khənu luʼu key tə shinə tii. Abə wù wey Zə̀ kə â dza naŋa nə̀ i tûm bənu i bə nə̀, wù loʼ i keeli dzə way luʼu key tə shinə tii.”

Tùm i dzuŋu zə kuum Yeso Klisto tə Jɔn â tɔɔnə 7:28

Nghee tə̀ Yeso diinə ghəə ghə n Ndaw Kəzə̀ i nii zə, tə n naʼa shi kɔʼ n dzə̂ i taw zə nə̀, “Ghaa khənu mə, ghaa u khə soʼonə luʼu key n shinə tii, a kee loʼ nə̀ n ka bə dzə n daʼa kuŋ. Wù wey tə tûm bənə mə loʼ wù wey tə ghɔɔmənə isəŋə, ghaa kee khə way wi

Tùm i dzuŋu zə kuum Yeso Klisto tə Jɔn â tɔɔnə 8:14

Yeso n beeli ndòw ghə nə̀, “Abə n tsəmə tiilə dza kə wû wuŋ wə n nəŋə mə, ghəə ghey n dzanə loʼ isəŋə, n təŋkey, n khənu luʼu key n nuu bənə tii nsə luʼu key n ndòwnə tii. Abə ghaa, ghaa kee khə dzə way luʼu key n nuu bənə tii nkee luʼu key n ndòwnə tii.

Tùm i dzuŋu zə kuum Yeso Klisto tə Jɔn â tɔɔnə 9:16

Ghə̂ a tə Falasi a loʼ ghə n dza nə̀, “Wù wən tə ghəŋənə ghəə ghən way dzə wù Kəzə̀, n təŋkey, tə naŋŋə way tsuʼ inaʼ wə.” À loʼ ghə n kee dza nə̀, “Abə a loʼ nə̀ wù tii loʼ wù bəbə, tə kaʼ ngee ni ghəŋə ndzoʼo faalə mən ə?” Sey, ghə n dzawwə doʼo tsu n moʼlə tə ghə.

Tùm i dzuŋu zə kuum Yeso Klisto tə Jɔn â tɔɔnə 9:24

Ghə n kəm tɔŋɔ kpiʼi tsu wù wey ghə â jinə wi nə̀ tə fəb doʼonu, dza tə̀ wi nə̀, “Dza bə isəŋə zə, n zəd i Kəzə̀, ghey khə nə̀ wù wən tə ghəŋənə nə̀ wə i koʼo luʼu tə, loʼ wù bəbə wə.”

Tùm i dzuŋu zə kuum Yeso Klisto tə Jɔn â tɔɔnə 9:30

Wù wey n dza tə̀ ghə nə̀, “À wən ndzəm loʼ tsəghəshi kə ighəə! Ghaa dza nə̀ ghaa khə way luʼu key tə nuu bənə tii, tə u kee chinə sə̂ ghuŋ ghə nə̀ mə i koʼo luʼu tə.

Kəfwaʼ 22:22

Ghə̂ a tii ghə n ndzɔʼ zəllə kə ghɔɔmə i Pɔl sa, kɔʼ kuum tsu n luʼu kən tə bə dza tsunə nə̀ Mûkəbii tûm wi nə̀ tə ndow naʼa tûm tə ghə̂ ghey ghə way ghə̂ a Təjuu ghə. Ghə n nuu taw shi kɔʼ fu n dzə tə nə̀, “Ney nuu nyam fəkaʼ wən! Wey maʼa n na wi n ghəlitsə kən! Ndzoʼo wù wən khə way ni loʼ utaw!”

Kəfwaʼ 26:22

Ni bə kùm na, n muu nə a loʼ Kəzə̀ kə gaamənə mə. Mə n loʼ ni təmi na fa tiilə dza bə aghəə tə ghə̂ ghə adzəm, tiilə dza kə ghə i mɔʼɔ zə tə ghə̂ ghən ghə loʼ ghə̂ a səŋi ghə nsə tə ghə̂ ghən ghə way ghə̂ a səŋi ghə. Ghəə ghey n dza nə̀ ghə i bə ney kəbənə bɔɔmə loʼ ghəə ghey tûm tə Kəzə̀ ghi Mushi â nə dza naŋanə nə̀ a nə bə ney kəbənə.

Kəfwaʼ 7:35

À loʼ Mushi wən ghə â tuu maʼanə wi, bəb tə wi nə̀, ‘À wɔ naŋa ndee nə̀ kətow nə̀ wə i saʼa ghey ə?’ À loʼ Mushi u mɔʼɔ wən Zə̀ kə â tûm bənə nə̀ tə bə doʼo tow kə ghə nsə bəghəshi ə ghə n bam i tsəndəghə Kəzə̀ zən zə â dii bənə wû wə tə̀ wi n mbvən ə ntsaŋ.

Hibru 1:1

Sə̂ isə, Zə̀ kə â ghɔɔmə tə̀ ghə bày bày a saa ghə n ndəmə tə tənəŋə nsə n ndəmə tə təjìi n bam i tûm tə Kəzə̀.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.