Tùm i dzuŋu zə kuum Yeso Klisto tə Jɔn â tɔɔnə 9:24 - Kaa n Kəzə̀ n fəghə mə

²⁴ Ghə n kəm tɔŋɔ kpiʼi tsu wù wey ghə â jinə wi nə̀ tə fəb doʼonu, dza tə̀ wi nə̀, “Dza bə isəŋə zə, n zəd i Kəzə̀, ghey khə nə̀ wù wən tə ghəŋənə nə̀ wə i koʼo luʼu tə, loʼ wù bəbə wə.”

Tùm i dzuŋu zə kuum Yeso Klisto tə Jɔn â tɔɔnə 9:24 Mawu Ofanana

Malakus 15:27

Ghə n baa naŋa kɔʼ soʼo ghə̂ a tsɔŋɔ ghə abəghə n zat kə fəkaʼ ghi wi, umɔʼ n kpii u wi u təmə wə, u loʼ wey n kpii u wi u kwɔɔ wə.

Lukas 15:2

sey ghə̂ a tə Falasi nsə ghə̂ ghə ulaŋ ghə n nyuŋŋə ghɔɔmə n wû i ghə dza, “Wù wən təmə dzəŋi ghi ghə̂ a bəbə ghə, zəə dzəŋi soʼo ghi ghə.”

Lukas 19:7

Nghee tə ghə̂ a koʼ tsu nə sey, ghə n kaʼ ni nyuŋŋə ghɔɔmə dza nə̀, “Yeso bweyyə ndow n ndaw ndzoʼo wù wey nə̀ tə loʼ wù bəbə.”

Lukas 7:39

Ambə wù Falasi wey tə mə naʼanə Yeso koʼ tsunə sey, tə n moʼlə n fə̀ŋ ə wi nə̀, “Abə wù wən mə ndzəm lòʼnə wù tûm Kəzə̀, tə̂ tə mə khə wù wey tə mɔmmə nə wi, ndzoʼo weyzən wən tə lòʼ ghii wi, nə a loʼ weyzən u bəbə wə.”

Tùm i dzuŋu zə kuum Yeso Klisto tə Jɔn â tɔɔnə 14:30

N kəm khə way ndəmə aghəə ni dza tə̀ ghaa, boʼ nə̀ də̀ŋ kə mbi kən nya bəghənu. Tə khə way daʼa kə loʼ kə n kow mə.

Tùm i dzuŋu zə kuum Yeso Klisto tə Jɔn â tɔɔnə 16:2

Ghə nə dzum nuu shiə bə ghaa n ndaw tə udzəŋi tə ghə̂ a Təjuu. N ndzəmə dza bə tə̀ ghaa nə̀, nəŋə i bəghənu, nə̀ a wey kə ndee ghaa, wù tii n moʼlə kə nə̀ i sey fwaʼa fwaʼ key Zə̀ kə ləghə nə̀ tə fwaʼ.

Tùm i dzuŋu zə kuum Yeso Klisto tə Jɔn â tɔɔnə 18:30

Ghə n beeli ndow wi nə̀, “Abə wù wən mə ka ghəŋə bəəbə, tə ghey mə ka ney bə dzə wi fa n səə wɔ.”

Tùm i dzuŋu zə kuum Yeso Klisto tə Jɔn â tɔɔnə 19:6

Ambə ghə fɔɔngili a nii ghey nsə bwoli tə ndaw Kəzə̀ tey n Yerosalem koʼ ndow Yeso, ghə n fəd keeli shi kɔʼ n dzə̂ tə taw tə nə̀, “Baa na wi n zat kə fəkaʼ! Baa na wi n zat kə fəkaʼ!” Pilato n dza tə̀ ghə nə̀, “Ney na wi ghaa ndow baa n zat kə fəkaʼ n nəŋə ghaa, n təŋkey, n ka koʼ dzə ghə i bəbə zey tə ghəŋənə.”

Tùm i dzuŋu zə kuum Yeso Klisto tə Jɔn â tɔɔnə 5:23

Tə ghəŋə sey nə̀ ghə̂ adzəm ghə i ngɔɔmə Waa, ighələ tə̀ ghə ngɔɔmənə Bày. Wù wey tə ngɔɔmə way Waa sey ngɔɔmə soʼo way Bày wey tə tûmnə wi.

Tùm i dzuŋu zə kuum Yeso Klisto tə Jɔn â tɔɔnə 8:46

À loʼ ndee n fəŋŋə kə ghaa tə loʼnə ni dza bə ghəə zey n ghəŋə bəəbənə. Abə i loʼ nə̀ n ghɔɔmə isəŋə, a kee loʼ kee, ghaa ləghə way ni bəghəm tə̀ mə ə?

Tùm i dzuŋu zə kuum Yeso Klisto tə Jɔn â tɔɔnə 8:49

Yeso n beeli ndòw ghə nə̀, “Zay kə bəbə kə way dzə n kow mə. N fuu nkɔʼlə tə̀ Bày wuŋ, ghaa u kee ngɔɔmə way mə.

Tùm i dzuŋu zə kuum Yeso Klisto tə Jɔn â tɔɔnə 9:16

Ghə̂ a tə Falasi a loʼ ghə n dza nə̀, “Wù wən tə ghəŋənə ghəə ghən way dzə wù Kəzə̀, n təŋkey, tə naŋŋə way tsuʼ inaʼ wə.” À loʼ ghə n kee dza nə̀, “Abə a loʼ nə̀ wù tii loʼ wù bəbə, tə kaʼ ngee ni ghəŋə ndzoʼo faalə mən ə?” Sey, ghə n dzawwə doʼo tsu n moʼlə tə ghə.

Tùm i dzuŋu zə kuum Yeso Klisto tə Jɔn â tɔɔnə 9:25

Wù tii n beeli ndòw ghə nə̀, “N khə dzə way nə̀ wù tii loʼ wù bəbə mɔ wù dzuŋu. N khə kə ighəə imɔʼ. N khə nə̀ mə â fəb doʼonu, n nya koʼo təluʼu.”

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Chi dii 11:13

N nəŋə i tii zə kə, ghəlikətsə kə daŋŋə noʼlə tsu nə kədaʼa. Bat kəmɔʼ nə tədzawwə ighəm tə loʼnə ighələ n naʼ i tii zə məllə nyi tsu ndow, ghə̂ ghə n kpu soʼo tii təkam təsəghəmbəghə. Tsəŋ zə i faalə zə n kwu ghə̂ a loʼ ghey ghə â ka kpu, ghə n ngii fuu nkɔʼlə tə Zə̀ kə idəŋ kə.