Tùm i dzuŋu zə kuum Yeso Klisto tə Jɔn â tɔɔnə 9:22 - Kaa n Kəzə̀ n fəghə mə

²² Ghə bày a wi ghə â dza sey, n təŋkey, ghə â tsəŋə ngəd tə Təjuu tey, kuum nə̀, ngəd tey mâ bəghəm naŋa nə̀ abə wù loʼ dza tsunə nə̀ Yeso loʼ wù wey Zə̀ kə â dza naŋa nə̀ i tûm bənu, ghə i dzum nuu shi wi n Ndaw kədzəŋi ə ghə.

Tùm i dzuŋu zə kuum Yeso Klisto tə Jɔn â tɔɔnə 9:22 Mawu Ofanana

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Tùm i dzuŋu zə kuum Yeso Klisto tə Jɔn â tɔɔnə 1:19

Ngəd tə ghə̂ a Təjuu a loʼ ghə n Yerosalem n tûm tsu ghə Fɔɔngili a loʼ ghə nsə ghə̂ ghey ghə fwaʼanə n ndaw Kəzə̀ i nii zə Yerosalem tə̀ Jɔn, nə̀ ghə ndòw bəb tə̀ wi nə̀, “Wə loʼ ndee?”

Tùm i dzuŋu zə kuum Yeso Klisto tə Jɔn â tɔɔnə 16:2

Ghə nə dzum nuu shiə bə ghaa n ndaw tə udzəŋi tə ghə̂ a Təjuu. N ndzəmə dza bə tə̀ ghaa nə̀, nəŋə i bəghənu, nə̀ a wey kə ndee ghaa, wù tii n moʼlə kə nə̀ i sey fwaʼa fwaʼ key Zə̀ kə ləghə nə̀ tə fwaʼ.

Tùm i dzuŋu zə kuum Yeso Klisto tə Jɔn â tɔɔnə 19:38

Ambə ghəə ghən tsəghə tsunə, Yosef wù Alimatia â loʼ soʼo dzûmə ə Yeso, à kee loʼ nə̀, tə â dii shiə bə dzə way wû u wi wə, n təŋkey, tə â tsəŋə ngəd tə Təjuu. Tə n ndow nɔɔ ndow tə Pilato nə̀ tə fuu wi n daʼa kə tə̀ tə ndow boʼo nuu vən i Yeso. Pilato n bəghəm nə̀ tə ndow boʼo nuu. Tə n daŋŋə bə boʼo nuu ndow vən i tii zə.

Tùm i dzuŋu zə kuum Yeso Klisto tə Jɔn â tɔɔnə 20:19

N nəŋə i fənə zə n tsuʼ inaʼ wə nkala u mɔʼɔ wey, ngəd tə Yeso tə n dzəŋi loʼ n ndaw nə̀ ghə n fii naŋa baʼ wə, n təŋkey ghə â tsəŋə ngəd tə Təjuu. Nghee ghə loʼnə fu, ghə n maŋ fwey Yeso tə teynə n sə kə ghə. Tə n dza tə̀ ghə nə̀, “Buulə zə loʼ ghi ghaa.”

Tùm i dzuŋu zə kuum Yeso Klisto tə Jɔn â tɔɔnə 7:13

Ghə n ghɔɔmə sey, kee ghɔɔmə shiə kɔʼɔ way n mgbaŋ, n təŋkey, ghə â tsəŋə ngəd tə Təjuu.

Tùm i dzuŋu zə kuum Yeso Klisto tə Jɔn â tɔɔnə 9:18

Ghə̂ a Təjuu ghey n nam ləghə way ni bəghəm nə̀ wù wey â loʼ tsə wù fəbə wə, tə nya koʼo təluʼu. Ghə n baa tûm tɔŋɔ bə ghə bày a wi.

Tùm i dzuŋu zə kuum Yeso Klisto tə Jɔn â tɔɔnə 9:21

Ghey kee khə dzə way nghee tə kaʼnə tii ni koʼo luʼu tə nya, ghey khə soʼo way wù wey tə ghəŋənə nə̀ tə i koʼo luʼu tə. Bəb ndòw na tə̀ wi, tə n nyim, tə loʼnu ni ghɔɔmə n nəŋə wi.”

Tùm i dzuŋu zə kuum Yeso Klisto tə Jɔn â tɔɔnə 9:34

Ghə n dza, “Ghə â ji wɔ n ghəə a bəbə ghə, wə u nyim shi kɔʼ bənə n ghəə a bəbə ghə, wə moʼlənə nə̀ wə loʼ ni dii ghey n ghəə ghə?” Sey, ghə n dzum nuu shi wi n Ndaw kədzəŋi ə ghə.

Tùm i dzuŋu zə kuum Yeso Klisto tə Jɔn â tɔɔnə 9:35

Yeso n zow tsu nə̀ ghə n dzum shi wù wey n Ndaw kədzəŋi. Ambə Yeso ndòw koʼ tsunə wi, tə n bəb ndòw tə̀ wi nə̀, “Wə̀ bəghəm fuunu tə̀ Waa wù sɔŋtsuʼ ə?”

Kəfwaʼ 4:18

Ghə sey daŋŋə tɔŋɔ nyi dzəŋŋə bənu Pita ghi Jɔn, tsəʼlə tsu kəlaŋ tə ghə nə̀ kə ghə nə kəm ghɔɔmə ghəə zə nkee ni dii aghə̂ n zəd i Yeso.

Kəfwaʼ 5:13

Wù umɔʼ n fəŋŋə kə ghə̂ ghey ghə â way dzəŋi ghi dzûmə tə Klisto tə n khə way fə̀ŋ ni təmdzəŋi ghə, loʼ sey nə̀ ghə̂ ghə â mgbaŋ khə ghə nə a loʼ ghə̂ a səŋi ghə.

Kəfwaʼ 5:40

Ghɔɔmə i wi zə n mɔm ghə n fə̀ŋ. Sey, ghə n daŋŋə tɔŋɔ nyi bə ngəd tey, vəələ dzɔb tsu ghə nə təkwɔ̀ɔ, kii naŋa ndow ghə nə̀ kə̂ ghə nə̂ kəm ghɔɔmə kpiʼinə ghəə zə n zəd i Yeso, daŋŋə zəghə tsu ghə nə̀ ghə nuu.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”