Tùm i dzuŋu zə kuum Yeso Klisto tə Jɔn â tɔɔnə 8:6 - Kaa n Kəzə̀ n fəghə mə

⁶ Ghə â sey dza ni mɔm koʼ Yeso, tə ghə i loʼ ni kuu saʼ n tow kə wi n ghɔɔmə i wi. Yeso n fəd gham tsu, kaʼ ndòw ni tɔ̀ɔ aghəə aghəd n waa kəwɔɔ.

Tùm i dzuŋu zə kuum Yeso Klisto tə Jɔn â tɔɔnə 8:6 Mawu Ofanana

Matyo 10:16

Ni ndow isə Yeso n dza tə̀ ngəd tə wi tey nə̀, “Koʼo! N ghaa fa tûm shiə ndòw tə̀ a loʼ tənjì n fəŋŋə kə ubəghə. I sey dii nə̀ ghaa khə ni ghə̂mə n ghow kə ibwey kə ghaa tə̀ a loʼ təzuu, ghaa i buulə tə̀ a loʼ ufə̀.

Matyo 15:23

Yeso n ka beeli dzə wi. Ngəd tə wi tə n bə dza tə̀ wi nə̀, “Dzùm nuu nyiə wən, tə dey buʼlə bə nbɔŋ n baa saa.”

Matyo 16:1

Ghə̂ a tə Falasi nsə ghə̂ a tə Sadusi a loʼ ghə n ndòw bə n səə Yeso ni bə mɔm koʼ wi. Ghə n dza tə̀ Yeso nə̀ tə ghəŋə tsu ghə i faalə i loʼ zə ni dii tsu nə̀ daʼa key tə khənə, à fuu bə Zə̀ kə idəŋ kə.

Matyo 19:3

Ghə̂ a tə Falasi a loʼ ghə n ndòw bə n səə Yeso ni bə mɔm koʼ wi, dza tə̀ wi nə̀, “Laŋ kə saa kə bəghəmnu nə̀ wù tuu maʼa wey wi abə ghə i loʼ i shi kɔʼnə, nkee abə tə ləghə tsunə ni ghəŋə sey ə?”

Matyo 22:18

Yeso n khə moʼlə tə ghə, sey, tə n dza tə̀ ghə nə̀, “Ghə nəb ityim ghən, a loʼ kee ghaa bii kaabənə mə ə?

Matyo 22:35

wù ghə umɔʼ, tə â loʼnə wù dii kəlaŋ n bəb ndow Yeso n ghəə zə ni mɔm koʼ wi nə̀,

Matyo 26:63

Yeso n zow kə mɔŋ. Fɔɔngili u nii nii wə n dza kpiʼi tsu tə̀ wi nə̀, “N bəbə bə tə wɔ n zəd i Zə̀ kən kə loʼnə utaw nə̀ wə̀ dza bə tə̀ ghey nə̀, wə̀ loʼ Klisto Waa Kəzə̀ ə?”

Malakus 10:2

Ghə̂ a tə Falasi a loʼ ghə n ndòw bə ni bə mɔm koʼ wi, ghə n bəb ndòw tə̀ wi nə̀, “Laŋ kə saa kə diinu nə̀ wù loʼ ni dzawwə uwû ghi wey wi ə?”

Malakus 12:15

Yeso n kee khə moʼlə tə bəbə tey ghə khənə n fə̀ŋ tə ghə, sey tə n bəb ndòw tə̀ ghə nə̀, “A loʼ kee ghaa bii kaabənə mə ə? Tə n dza tə̀ ghə nə̀, fuu bə na mə n khəə wə itsaa wə fa tə n koʼ.”

Malakus 3:2

Ghə̂ a loʼ ghə n loʼ fu ghə kəŋənə jìi ni kwu Yeso abə tə ghəŋə bəəbə tsunə ghə i loʼ zə. Ghə n tɔʼɔ laalə wi ni koʼ nə̀ tə i baŋŋənu wù n tsuʼ inaʼ ə?

Malakus 8:11

Ghə̂ a tə Falasi a loʼ ghə n bə ni bə mɔm koʼ Yeso. Ghə n dza nə̀ tə dii bə tsəə ni dii tsu nə̀ daʼa kə wi kə nuu bə idəŋ.

Lukas 10:25

N tsuʼ fə loʼ fə, wù dii u kəlaŋ u loʼ wə n bə ni bə mɔɔmə koʼ Yeso, tə n bəb ndòw tə̀ wi nə̀, “A wù dii wə, n khə ni ji ngee tə̀ mə ni keeli muu zə itsali?”

Lukas 11:16

À loʼ ghə n mɔɔmə koʼo wi, dza tə̀ wi nə̀ tə ghəŋə tsu tsəə i loʼ zə ni dii tsu nə̀ ghəə a tii a loʼ ghəə a bikighow.

Tùm i dzuŋu zə kuum Yeso Klisto tə Jɔn â tɔɔnə 8:2

Tsətsə wey n zòw kə utsuʼ, Yeso n nuu tsu dzəŋŋə ndòw n Ndaw Kəzə̀ i nii zə n Yerosalem. Ghə̂ adzəm n zuŋŋə bə n səə wi, tə n doʼo tsu, kaʼ ndòw ni dii ghə n ghəə ghə.

1 Kɔrint 10:9

Kə̂ saa nə̂ mɔm koʼonə Mûkəbii Klisto tə̀ ghə̂ a ghə a loʼ ghə â ghəŋənə, zuu tə n tsowwə wey tsu ghə.