Tùm i dzuŋu zə kuum Yeso Klisto tə Jɔn â tɔɔnə 8:44 - Kaa n Kəzə̀ n fəghə mə

⁴⁴ Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Tùm i dzuŋu zə kuum Yeso Klisto tə Jɔn â tɔɔnə 8:44 Mawu Ofanana

Matyo 12:34

Zuu tə bəbə tə tə̀ a loʼ ghaa! Ghaa loʼ ngee ni khəə ghəə a dzuŋu ghə nə̀ ghaa loʼ ghə̂ a bəbə ghə ə? N təŋkey wù bɔɔmə khəə shiə bə kə ghəə ghey a luu doʼonə n fə̀ŋ ə wi.

Matyo 13:15

N təŋkey, ghə̂ ghən n fə̀ŋsə doʼo n fə̀ŋ tə ghə tə n ghəə zən, Ghə a fii naŋa kɔʼ tuŋŋə u ghə wə, Ghə a kəmə naŋa tsu sə̂ a ghə ghə, A may kə nə ghə nə koʼ tɔb kə n sə̂ a ghə, Ghə zow soʼo n tuŋŋə u ghə, Ghə khə̂mə təmi bə n səə mə, N baŋŋə ghə.’”

Matyo 13:38

Sum u tii u loʼ mbi, ndzoʼ i dzuŋu zey sey loʼ ghə̂ ghey ghə loʼ n fɔɔ u Kəzə̀, zhìi wən loʼ ghə̂ ghey ghə loʼ n fɔ̀ɔ u Satan.

Tùm i dzuŋu zə kuum Yeso Klisto tə Jɔn â tɔɔnə 6:70

Yeso n beeli ndow ghə nə̀, “À loʼ mə, mə â sày kɔʼnə tow ghaa wə ighəm n ghii wə ubəghə, a kee loʼ nə̀ wù umɔʼ loʼ n fəŋŋə kə ghaa nə̀ a loʼ avəətsəə.”

Tùm i dzuŋu zə kuum Yeso Klisto tə Jɔn â tɔɔnə 7:17

Wù wey tə ləghənə ni ghəŋŋə ghəə ghey Zə̀ kə ləghənə, tə i keelinu nə̀ ghəə ghən n diinə fa, a nuu bə n wɔ Zə̀ kə mɔ n ghɔɔmə n ngəŋ zuŋ ə.

Tùm i dzuŋu zə kuum Yeso Klisto tə Jɔn â tɔɔnə 8:38

N ghɔɔmə bə ghəə ghey n koʼ neynə n wɔ Bày wuŋ, abə ghaa, ghaa ghəŋŋə ndòw ghəə ghey bày ghaa dzanə tə̀ ghaa.”

Tùm i dzuŋu zə kuum Yeso Klisto tə Jɔn â tɔɔnə 8:41

Ghaa bɔɔmə ghəŋŋə kə ghəə ghey bày ghaa â ghəŋŋənə.” Ghə n dza ndòw tə̀ wi nə̀, “Zə̀ kə loʼ bày ghey wey ghey khənə, ghey u loʼnə waa a wi ghə, ghey way dzə waa a kəmbay.”

Tùm i dzuŋu zə kuum Yeso Klisto tə Jɔn â tɔɔnə 8:55

Ghaa khə dzə way wi, abə mə, n kee khənu wi. Abə n dza bənə nə̀ n khə way wi, i sey dii nə̀ n badla soʼo aghəə tə̀ a loʼ ghaa. N kee khənu wi, mə u naŋŋənə ghɔɔmə i wi zə.

Kəfwaʼ 13:10

“Waa avəətsəə wən! Wə loʼ wù təngəmmə tə ghəə ghən a loʼnə tsətsəghə adzəm. Wə khə jii tə tsɔŋɔ tə tədzəm ni ghəŋŋə ghəə a bəbə ghə. Wə dəmə tənə tsə kə ni bwɔd fəd bə isəŋə zən i loʼnə bòʼ Mûkəbii n ghəə a badla ghə.

Kəfwaʼ 24:9

Ngəd tə Təjuu tey n kuu kpiʼi ndow soʼo dzə̂ tə ghə tii dza nə̀ ghəə ghey adzəm Tetulus dzanə, a loʼ isəŋə.

Kəfwaʼ 5:3

Pita n bəb tə wi nə̀, “Ananyas, a loʼ kee wə bəghəmnə nə Satan nyi bəghə doʼo n fə̀ŋ zə, tə ghəŋə wɔ nə wə bad aghəə tə Zay kə Zow kə ə? À loʼ kee wə khəə naŋa ndownə kəm kə ukhəə key wə fiinə luʼu kə tii tə̀ wû wə wə̀ ə?

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.

2 Pita 2:4

Zə̀ kə â ka tsəm toʼlə naŋa dzə tsətəndəghə tə wi tən tə â ghəŋənə bəb zə, tə n fəd ney kuum tsu ghə nə tətsaʼ, say maʼa nyi tsu ndow ghə n fɔŋŋə k-a-bùʼ kən kə kùʼu way, nə̀ ghə doʼo fu nə kələm, ləmmə tsu tsuʼ fey tə i saʼanə ghə̂ ghə a tii.

1 Jɔn 1:8

Abə saa dzanə nə̀ saa ka ghəŋə bəəbə dzə ghə i loʼ zə, saa nəbə wû i saa, saa a dza soʼo way isəŋə i loʼ zə.

1 Jɔn 2:21

N tɔ̀ɔ bə tə ghaa nə a way dzə nə ghaa khə way isəŋə ə tii, n fədlə tɔ̀ɔ bə n təŋkey ghaa khənu isəŋə nsə nə ghaa khə soʼonu nə̀ ghəə a badla a way ni shi koʼ tsə nə isəŋə.

1 Jɔn 2:4

Wù wən tə dzanə, “N khənu wi.” Kee fədlə ghəŋŋə way ghəə ghey tə dzanə, tə sey loʼ wù badla wə aghəə wə, isəŋə i loʼ zə u way soʼo n kow wù tii.

1 Jɔn 3:12

Saa khə dzə way ni doʼo tə a loʼ Ken tə â loʼnə waa avəətsəə, tə n wey maʼa tsu waazə ə wi Ebel. Â loʼ kee tə â wey maʼanə wi ə? Â loʼ n təŋkey tə â ghəŋŋə ghəə a bəbə ghə, waazə ə wi n kee ghəŋŋə ghəə ghən a loʼnə tsətsəghə n sə̂ K-a-zə̀.

1 Jɔn 3:15

Wù wən tə bàanə waazə, loʼ wù wən tə weynə ghə̂ ghə. Ghaa khə soʼonu nə̀ wù wey tə weynə ghə̂ ghə i keeli way muu zə itsali zə.

Màʼlə kə Jud tə̀ ghə̂ a Kəzə̀ ghə 1:6

N dza i zəŋŋə bə soʼo ghaa nə̀, tsətəndəghə tə Kəzə̀ tey tə â ka doʼo n bùʼ wey Zə̀ kə â naŋanə ghə nə̀ ghə i fwaʼa tii, tyi naŋa taʼa tsu soʼo baa baa luʼu tə ghə tə muulə tə. Zə̀ kə n kùm naŋa tsu ghə nə tətsaʼ, fìi naŋa ndow ghə n luʼu k-a-ləm nə̀ ghə doʼo tən fu tə tsuʼ fey Zə̀ kə i saʼanə mbi tii, fə i bə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 2:10

Kə wə i tsəŋ chɔd wən wə i bə keelinə. Wə ney ighə̂mə boʼnə Satan i kuu ghaa a loʼ ghə n ndaw tsaʼ ni mɔm koʼ ghaa, ghaa i fəghə nə ntsuʼu ighəm. Ghaa keeli tsu kə bəghəm i fə̀ŋ, abə a loʼ kə ivə, mə i fuu ghaa n muu i fəghə zə tə a loʼ kə naamə abə ghaa təm zə kɔʼ.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.

Chi dii 9:11

Ghə n khə də̀ŋ kə ghə nə a loʼ tsəndəghə zey i laalə fɔŋŋə k-a-bùʼ key kə kuʼu way. Zəd i wi n ghɔɔmə Hibru n loʼ nə̀ a loʼ Abadɔn. N ghɔɔmə i Grik, zə n loʼ nə̀ a loʼ Apoliɔn i diinə nə̀ a loʼ wù wey tə ləŋi maʼanə ghə̂ ghə.