Tùm i dzuŋu zə kuum Yeso Klisto tə Jɔn â tɔɔnə 8:39 - Kaa n Kəzə̀ n fəghə mə

³⁹ Ghə n beeli dza ndòw tə̀ wi nə̀, “Bày bày ghey loʼ Abraham.” Yeso n dza ndòw tə̀ ghə nə̀, “Abə ghaa mə ndzəm loʼnə waa a waa ghə Abraham ghə, tə̂ ghaa mə bɔɔmə ghəŋŋə ndòw kə ghəə ghey tə â ghəŋŋə tsənə.

Tùm i dzuŋu zə kuum Yeso Klisto tə Jɔn â tɔɔnə 8:39 Mawu Ofanana

Matyo 3:9

I kə̂ ghaa nə moʼlənə nə̀ ghaa loʼ ni zə̂ kətow nghee ghaa dzanə nə̀, ‘Ghey loʼ waa waa ghə Abraham’ n təŋkey, Zə̀ kə loʼ ni ney kɔʼ tay ghən, tə ghəŋə nə̀ a doʼo waa ghə Abraham.

Matyo 5:45

Abə ghaa ghəŋŋənə sey, ghaa i doʼo waa a Bày ghaa wey tə lòʼnə idəŋ, n təŋkey, tə ghəŋŋə tsə ə wi nə̀ i baŋ n kow ghə̂ a bəbə ghə nsə n kow ghə̂ a dzuŋu ghə. Tə fuu soʼo ighow tə̀ ghə̂ ghey ghə loʼ tsətsəghə nsə ghə̂ ghey ghə way tsətsəghə.

Tùm i dzuŋu zə kuum Yeso Klisto tə Jɔn â tɔɔnə 8:33

Ghə n dza ndòw tə̀ wi nə̀, “Ghey loʼ waa a waa ghə Abraham, ghey ka kam doʼo koʼ tsə kɔd kə wù loʼ kə, wə loʼ ngee ni dzaa tə̀ ghey nə̀, ‘Ghaa i keeli ibəghəshi ə?’”

Tùm i dzuŋu zə kuum Yeso Klisto tə Jɔn â tɔɔnə 8:37

N khənu nə̀ ghaa loʼ waa a waa ghə Abraham, a kee loʼ nə̀, ghaa kəŋənə jìi ni wey mə, n təŋkey, ghaa ləghə way ni bəghəm ghɔɔmə zuŋ.

Tùm i dzuŋu zə kuum Yeso Klisto tə Jɔn â tɔɔnə 8:43

A loʼ kee ghaa zowkeeli way ghəə ghey n dzanə ə? A loʼ n təŋkey, ghaa ləghə way ni zow ghɔɔmə zuŋ.

Tùm i dzuŋu zə kuum Yeso Klisto tə Jɔn â tɔɔnə 8:56

Wû wə a nyûmə tənə bày bày ghaa Abraham nə i mə mbɔŋ koʼ tsuʼ fey n nə bəghənə tii. Ambə tə koʼ tsunə, tə n duʼlə nay ndòw.”

Roma 4:12

Abraham loʼ soʼo bày tə ghə̂ ghən ghə loʼ nə̀ ghə n səghə tyi u ghə wə. Ghə səghə tyi u ghə n fə̀ŋ, à kad way kə a bii. Ghə a bəghəm soʼo tə̀ Zə̀ kə nghee tə̀ bày saa Abraham â bəghəmnə tə̀ wi nə̀ ghə ka kam səghə tyi kə wi kə.

Roma 4:16

À wey loʼ ghə i tii zə à may kə bəghəm i fə̀ŋ zən wù khənə n kow Zə̀ kə, i ghəŋŋənə nə̀ tə keeli fə key Zə̀ kə â təb naŋanə. Zə̀ kə i dii fə̀ŋ ə wi i dzuŋu zə tə̀ waa a waa ghə Abraham ghə adzəm ni luulə ghəə zey tə â təb naŋanə tə Abraham. Zə̀ kə i kad dii kə way fə̀ŋ ə wi i dzuŋu zə tə ghə̂ ghən ghə khənə laŋ kə, tə i dii soʼonu tə̀ ghə̂ ghey ghə bəghəmnə tə̀ wi tə̀ Abraham â bəghəmnə. I loʼ sey n təŋkey, Abraham loʼ bày tə ghə̂ ghey adzəm ghə bəghəmnə tə̀ Zə̀ kə.

Roma 9:7

À way dzə waa waa ghə Abraham adzəm ghə ndzəm loʼnə waa Kəzə̀ ghə. Zə̀ kə â təb naŋa tə̀ Abraham nə̀, “À loʼ kə n bam i Ayzik mə i neynə waa a waa ghə ghə̀ n taŋ.”

Galeshia 3:29

Nya wən ghaa loʼ dzəŋinə nə kəfə kəmɔʼ ghi Klisto, ghaa saa loʼ waa Abraham ghən ghə i zəənə fə wən Zə̀ kə â təb naŋanə.

Galeshia 3:7

I sey dii nə̀ ghə̂ ghən ghə baa loʼnə waa a waa ghə Abraham ghə, loʼ ghə̂ ghey ghə khənə bəghəm i fə̀ŋ zə n kow Zə̀ kə.