Tùm i dzuŋu zə kuum Yeso Klisto tə Jɔn â tɔɔnə 8:31 - Kaa n Kəzə̀ n fəghə mə

³¹ Sey, Yeso n dza ndòw tə̀ ghə̂ a Təjuu ghey ghə â bəghəmnə tə̀ wi nə̀, “Abə ghaa bɔɔmə bwey ndòwnə n jii zən n diinə, ghaa î ndzəm loʼ ngəd tuŋ tə.

Tùm i dzuŋu zə kuum Yeso Klisto tə Jɔn â tɔɔnə 8:31 Mawu Ofanana

Matyo 24:13

À kee loʼ nə̀, wù wey tə i kow tsunə fə̀ŋ ndòw kùm i ndòw, tə i keeli ibəghəshi.

Tùm i dzuŋu zə kuum Yeso Klisto tə Jɔn â tɔɔnə 1:47

Nghee tə̀ Yeso koʼ tsunə Natanyə tə bəghənə n səə wi, tə n dza nə̀, “À wən ndzəm loʼ wù Izree, tə badla koʼo tsə way ghəə ghə.”

Tùm i dzuŋu zə kuum Yeso Klisto tə Jɔn â tɔɔnə 2:2

À n loʼ nə̀ ghə n naʼa soʼo Yeso nsə ngəd tə wi tə nə̀ ghə bə fu.

Tùm i dzuŋu zə kuum Yeso Klisto tə Jɔn â tɔɔnə 6:55

I loʼ nə wû wuŋ u loʼ fəzəə u səŋi wə, kaŋ tuŋ tən n fəələnə, baa ndzəm loʼ soʼo nlə n səŋi mə.

Tùm i dzuŋu zə kuum Yeso Klisto tə Jɔn â tɔɔnə 8:36

Sey, abə Waa wù sɔŋtsuʼ chi zəghə tsunə wɔ, wə sey nya ndzəm loʼ n ngəŋ.

Kəfwaʼ 13:43

Ambə ghə sali tsunə n ndaw kədzəŋi, ndəm ə ghə̂ a Təjuu nsə ghə̂ ghən ghə way ghə̂ a Təjuu ghə, ghə ngɔɔmənə Zə̀ kə Təjuu kə n dzûmə ndow Pɔl nsə Banabas. Pɔl nsə Banabas n kuu fə̀ŋ tə ghə nə ghə təmi taw tsu n ndzuŋ ə Kəzə̀ zən ghə keeli kɔʼnə.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Kəfwaʼ 26:22

Ni bə kùm na, n muu nə a loʼ Kəzə̀ kə gaamənə mə. Mə n loʼ ni təmi na fa tiilə dza bə aghəə tə ghə̂ ghə adzəm, tiilə dza kə ghə i mɔʼɔ zə tə ghə̂ ghən ghə loʼ ghə̂ a səŋi ghə nsə tə ghə̂ ghən ghə way ghə̂ a səŋi ghə. Ghəə ghey n dza nə̀ ghə i bə ney kəbənə bɔɔmə loʼ ghəə ghey tûm tə Kəzə̀ ghi Mushi â nə dza naŋanə nə̀ a nə bə ney kəbənə.

Roma 11:22

Ghaa n koʼ nghee tə Zə̀ kə khənə fə̀ŋ i dzuŋu zə a tii, nsə ghee tə nyeynə tii. Tə chɔdlɔ ghə̂ ghey ghə ghəŋə bəəbənə, kee dii ghaa n ndzuŋ ə wi abə ghaa ghəŋŋə dzənə ghəə ghey tə ləghənə nə̀ ghaa i ghəŋŋə, nə̀ à way sey, tə i khəm maʼa shi bə soʼo ghaa tə̀ a loʼ kpìi kə fəkaʼ.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

1 Timoti 2:15

Weyzən nə keeli ibəghəshi n bam i waa ghən tə nə jiə bənə nsə abə tə loʼ ni kow fə̀ŋ n bəghəm i fə̀ŋ i wi, nə iləghə nsə n jìi zey i zownə nə̀ tə zuŋu tsu uwû.

1 Timoti 4:16

Ney ghə̂mə zə n jìi zey wə muunə tii nsə ghəə ghey wə diinə ghə̂ ghə tii. Təmi taw tsu kə n ghəə ghey a kpiilənə, n təŋkey, abə wə ghəŋŋə dzənə sey, wə i keeli ibəghəshi, ghə̂ ghey ghə zownə ghəə ghey wə dzanə i keeli soʼo ibəghəshi.

2 Timoti 3:14

A kee bə wɔ, təmi taw tsu kə nə isəŋə zey wə zoʼlə kɔʼ bənə nsə n ghəə zey wə bəghəmnə tii n təŋkey, wə khənu fə key ndzoʼo ghə̂ ghey wə koʼ neynə ghəə ghən n wɔ ghə loʼnə ghii kə.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

Hibru 8:9

Kaa n tii mə i way dzə tə̀ a loʼ n mey mə â zə̂nə ghi ghə bày bày a ghə ghə N tsuʼu mey mə â taali nuu shi bənə ghə n naʼ zə Ijip. Ghə̂ ghən â kəm bwey way n kaa mey mə â zə̂ naŋanə ghi ghə, À wey loʼ ghə i tii zə mə â kəm khə way nəŋə i ghə zə.

Jems 1:25

Wù wey tə kee tɔʼ laalə nyi tsunə ghəə ghə tə̀ laŋ kən kə bəghəshiənə ghə̂ ghə diinə, təmi taw tsu kə tii ni ghəŋŋə ndow ghəə ghey tə zownə nə̀ tə neyzəə way, Zə̀ kə i buulə wi n ghəə ghey tə ghəə ghey tə ghəŋŋənə.

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.

1 Jɔn 2:24

Sey, ghaa i tɔʼɔ naŋŋə tûm zən ghaa â zownə n nəŋə zey ghaa â bəghəmnə tii tə̀ Zə̀ kə. Abə ghaa naŋŋə dzɔbənə tûm tii n fə̀ŋ tə ghaa, ghaa i loʼ tən tsə kə nə kəfə kəmɔʼ ghi Waa nsə Bày.

2 Jɔn 1:9

Wù wən tə ndow kə n sə kə, nə tə bɔɔmə bwey ndow way tə Klisto diinə, wù tii way dzə nə kəfə kəmɔʼ ghi Zə̀ kə. Wù wey tə dzûmənə dii i Klisto zə, tə loʼ nə kəfə kəmɔʼ ghi Bày nsə Waa.