Tùm i dzuŋu zə kuum Yeso Klisto tə Jɔn â tɔɔnə 7:39 - Kaa n Kəzə̀ n fəghə mə

³⁹ Yeso â ghəə ghən a dza bòʼ Zay kə Zow key ghə̂ ghey ghə bəghəmnə tə̀ wi î keelinə. Â loʼ n nəŋə i tii zə nə̀ Zə̀ kə ka kam tûm dzə Zay kə Zow kə tə̀ ghə̂ ghey ghə bəghəmnə tə̀ wi, n təŋkey, Zə̀ kə â ka kam kɔʼlə dzə̂ Yeso n ghaʼ i wi.

Tùm i dzuŋu zə kuum Yeso Klisto tə Jɔn â tɔɔnə 7:39 Mawu Ofanana

Matyo 16:14

Ghə n beeli ndòw wi nə̀, “Ghə̂ a loʼ a dza nə̀, wə̀ loʼ Jɔn wù fuu u mmuu n Kəzə̀ mə, a loʼ a dza nə̀ wə loʼ Elayja, a loʼ ghə a dzanə nə̀ wə loʼ Jeremaya nkee Wù Tûm Kəzə̀ u loʼ wə.”

Matyo 21:11

Nɔɔ kə aghə̂ key n beeli ndòw ghə dza nə̀, “À wən loʼ Yeso, wù tûm Kəzə̀ tə shinə n naʼ i Nazaled n mboʼo Galili.”

Lukas 24:49

Sey, abə n ndownə, mə i tûm bə wù wey Bày wùŋ idəŋ â dza naŋanə tə̀ ghaa. Sey, ghaa khə ni doʼo ləmə n naʼ i Yerosalem tə daʼa K-a-zə̀ kə tsu bə n kow ghaa.”

Lukas 3:16

Jɔn n beeli ndòw ghə adzəm dza, “mə, n fuu ghaa n Mmuu n Kəzə̀ mə nə n mmuu, wù loʼ bəghənu, tə tsə̀ghə̀shinə mə. N ka buʼ kɔʼ kpii dzə ni zii baʼ u təgow u wi. Tə i bəghə fuu ghaa n Mmuu n Kəzə̀ mə n daʼa kə Zay kə Zow kə nsə nə uvəllə.

Lukas 7:16

Ghə̂ ghey n zey ndòw ni tsəŋ, kaʼ ni fuu ukali tə̀ Zə̀ kə dza, “Wù tûm Kəzə̀ u nii u loʼ wə n bən shi kɔʼ n fəŋŋə kə saa. Zə̀ kə n sey bə ni bə koʼ ghə̂ a wi.”

Tùm i dzuŋu zə kuum Yeso Klisto tə Jɔn â tɔɔnə 1:21

Ghə n bəb tə wi nə̀, “Wə nya loʼ ndee? Wə loʼ Elayja ə?” Tə n dza, “Ngaŋ n way dzə wi.” Ghə n dza, “Wə loʼ Wù tûm Kəzə̀ ə?” Tə n beeli ndòw ghə nə̀, “Ngaŋ.”

Tùm i dzuŋu zə kuum Yeso Klisto tə Jɔn â tɔɔnə 1:25

Sey, Ghə n bəb ndòw tə̀ wi nə̀, “Wə dza nə̀ wə way wù wey Zə̀ kə â dza naŋa nə̀ i tûm bənu, wə way Elayja, wə way soʼo wù tûm Kəzə̀, à kee loʼ kee wə fuunə ghə̂ ghə n mmuu n Kəzə̀ mə ə?”

Tùm i dzuŋu zə kuum Yeso Klisto tə Jɔn â tɔɔnə 1:33

Wû wuŋ, mə â khə way nə̀ à loʼ wi Zə̀ kə â dza naŋa nə̀ i tûm bənu, â loʼ Zə̀ kən kə â tûmnə mə nə̀ n bə fuu mmuu n Kəzə̀ nə n mmuu, kə â dzanə tə̀ mə nə̀, ‘Wù wey wə i koʼnə Zay kə Zow kə, kə tsuu mwaa tsunə n kow wi, a loʼ wi tə i fuunə Zay kə Zow kə.’”

Tùm i dzuŋu zə kuum Yeso Klisto tə Jɔn â tɔɔnə 12:16

Ngəd tə wi tə n ka zowkeeli ghəə ghən n nəŋə i tii zə. Â loʼ kə nghee Yeso bə kpu tsunə, Zə̀ kə n zhəm nuu kɔʼ ndow wi idəŋ, ghə n daŋŋə taa mòʼlə bə ghəə ghən ghə â tɔ̀ɔ naŋŋə kuum wi. Ghə n moʼlə bə soʼo ghəə ghey ghə â ghəŋənə tə wi.

Tùm i dzuŋu zə kuum Yeso Klisto tə Jɔn â tɔɔnə 12:23

Yeso n beeli ndòw nə̀, “Nəŋə zə n bə tə̀ waa wù sɔŋtsuʼ ni keeli kɔʼlə n nii mə.

Tùm i dzuŋu zə kuum Yeso Klisto tə Jɔn â tɔɔnə 14:13

Abə ghaa nɔɔ kənə kee kə n zəd zuŋ, mə i fuunu tə̀ ghaa, sey nə̀ Bày loʼ ni keeli nkɔʼlə bòʼ Waa.

Tùm i dzuŋu zə kuum Yeso Klisto tə Jɔn â tɔɔnə 14:26

A kee loʼ nə̀ Bày wuŋ i tûm bə ghaa n Zay kə Zow kə n zəd zuŋ tɔŋŋə wù wey tə tsə̀ənə ghə̂ ghə. À loʼ wi tə i diinə ghaa n ghəə ghə adzəm, tə i zə̀ŋŋə bə soʼo ghaa n ghəə ghən adzəm mə â dza naŋanə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 16:14

Zay kə Zow kə nə ghəŋə nə̀ n keeli nkɔʼlə, n təŋkey, tə nə ney kɔʼɔ ghɔɔmə zuŋ tə tiilə dza bə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 16:7

N kee nam dza bə kə isəŋə tə̀ ghaa nə̀, a loʼ n ndzuŋ ə ghaa n nuulə ndownə, n təŋkey, abə n ka nuu ndow, Wù wey tə tsə̀ənə ghə̂ ghə i bə way. Nə n kee nuu ndow dzənu, mə i ndow tûm bə wi tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 17:1

Ambə Yeso ghɔɔmə may tsu ghəə ghən, tə n bwùm laalə kɔʼ ndow kədəŋ, kaʼ ndow ni gɔŋŋə nə̀, “Bày, nəŋə zə n kpi nya tə̀ wɔ ni ghəŋə nə̀ ghə̂ a koʼ kɔʼlə mey waa wə khənə, tə̀ tə ney bə wɔ n kɔʼlə mə a Bày.

Tùm i dzuŋu zə kuum Yeso Klisto tə Jɔn â tɔɔnə 17:5

Bày, ney naŋa mə n səə wɔ tə̀ mə i khə kɔʼlə mə, kɔʼlə n mɔʼɔ mey ghi wɔ â khə tsə tə mbi a nə zey tsu.

Tùm i dzuŋu zə kuum Yeso Klisto tə Jɔn â tɔɔnə 20:22

Ambə Yeso dza tsunə sey, tə n zày ndow n kow ghə, dza tə̀ ghə nə̀, “Ney na Zay kə Zow kə.

Tùm i dzuŋu zə kuum Yeso Klisto tə Jɔn â tɔɔnə 6:14

Nghee tə̀ nɔɔ kə aghə̂ kən koʼ tsunə ndzoʼo faalə mən Yeso â ghəŋŋənə, ghə n dza, “Wù wən ndzəm loʼ Wù tûm Kəzə̀ wey tə â khənə ni bə fa mbi.”

Tùm i dzuŋu zə kuum Yeso Klisto tə Jɔn â tɔɔnə 7:12

Ndəmə aghə̂ ghə n tsɔŋɔ ghɔɔmə n wû i ghə bòʼ wi. Ghə̂ a loʼ ghə n dza nə̀, “Tə loʼ wù dzuŋu wə.” À loʼ ghə n kee dza nə̀, “Ngaŋ! Tə sìi ndzəŋŋə aghə̂.”

Tùm i dzuŋu zə kuum Yeso Klisto tə Jɔn â tɔɔnə 8:54

Yeso n beeli ndòw ghə nə̀, “Abə a mə loʼ nə̀ n kɔʼlə wû wuŋ, kɔʼlə n tii n mə loʼ kənunu. Wù wey tə fuunə mə n kɔʼlə mə loʼ Bày wuŋ, tə wey ghaa dzanə nə̀ a loʼ Zə̀ kə ghaa.

Kəfwaʼ 19:2

Tə n bəb tə ghə nə̀, “Zay kə Zow kə â nyinu n kow ghaa n nəŋə zey ghaa â bəghəmnə tə Klisto ə?” Ghə n beeli ndow wi nə̀, “Ngaŋ, ghey ka kam buʼ zow koʼ tsə nə̀ fə kə loʼ kə loʼnu tə a loʼ Zay kə Zow kə.”

Kəfwaʼ 2:17

‘Zə̀ kə dza nə̀, n tsuʼu n guŋŋə mən, à wən loʼ ghəə ghən mə i ghəŋŋənə Mə i fuu Zay kuŋ tə ghə̂ ghə adzəm. Waa a ghaa a num ghə nsə a zən ghə i naʼlə ghɔɔmə zuŋ zə. Ghaŋ fə num fə i koʼo zey ghəə ghə, Ghə̂ a dənə ghə i keeli jim mə.

Kəfwaʼ 2:33

Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 2:4

Zay kə Zow kə n nyi bə n kow ghə adzəm, ghə n zey ndow ni ghɔɔmə n ghɔɔmə tə naʼa tə nuu tə. Kay wù n ghɔɔmə kə ghɔɔmə zey Zay kə Zow kə ghəŋənə nə tə ghɔɔmə.

Kəfwaʼ 3:13

Zə̀ kə Abraham, Zə̀ kə Ayzik nsə Zə̀ kə Yakɔb kə, tɔŋɔ Zə̀ kən ghə bày a saa ghə â kɔʼlənə, n kɔʼlə naŋa wù kəfwaʼ a wi Yeso. À loʼ Yeso wən ghaa â fuu tsəʼlə ndownə nə̀ ghə wey wi. Ghaa mâ wi tuu maʼa n sə kə Pilato loʼ sey nə̀ Pilato mâ tsə̀m ni zəghə maʼa wi.

Kəfwaʼ 4:31

Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Roma 8:9

N moʼlə nə̀ ghaa muu dzə way n jìi zey gow uwû ləghənə nə̀ ghaa muu tii, ghaa fəd muu n jìi zey Zay kə Zow kə ləghənə abə à ndzəm loʼnə nə̀ Zay K-a-zə̀ kə loʼnu n kow ghaa. Wù wey tə khə way Zay kə Zow kən kə nuu bənə n wɔ Klisto, tə sey way dzə nə kəfə kəmɔʼ ghi Klisto.

2 Kɔrint 3:8

Abə laŋ kən â loʼ ni nyiəllə n jii zən, i sey dii nə̀ kə key Zay kə Zow kə i bəghənə n ghii kə i nyiəllə tsəghəshiənu.

Efesus 4:30

Kə ghaa nə̂ ghəŋŋənə nə̀ Zay kə Zow kə i mow n jìi zey ghaa muunə a tii. Zay kə Zow kə loʼ tə̀ a loʼ tsəə Zə̀ kə kuu naŋanə n kow ghaa ni dii tsu nə̀ ghaa loʼ ghə̂ a wi ghey tə i bəghəshiənə fa mbi abə nəŋə i kpii bənə.