Tùm i dzuŋu zə kuum Yeso Klisto tə Jɔn â tɔɔnə 7:37 - Kaa n Kəzə̀ n fəghə mə

³⁷ Tsuʼ fey zə̂ kə nfəə kə â maynə tii â loʼ tsuʼ fə nii fə. Yeso n nuu təmi kɔʼ idəŋ, naʼa shi kɔʼ n dzə i taw zə nə̀, “Wù wey fə̀ŋ ə mmuu zuʼlənə wi, tə bə n səə mə.

Tùm i dzuŋu zə kuum Yeso Klisto tə Jɔn â tɔɔnə 7:37 Mawu Ofanana

Matyo 11:28

“Ghaa ghey ghaa loʼ nə̀ ghaa n ngii fəghə ni boʼo fə u dədlə wə, bə na n tənə mə, n ney naŋa ghaa, ghaa zayyə tsu wû i ghaa.

Matyo 3:3

Jɔn wən loʼ wù wey wù tûm ə Kəzə̀ Ayzaya â dza naŋanə ghəə ghə bòʼ wi nə̀, “Wù buʼu kəbɔŋ n mbvənə ntsaŋ nə̀, ‘Faalə naŋa tsu na jii tə̀ Mûkəbii, Ghaa naalə jii wi nə zə i loʼ tsətsəghə.’”

Matyo 5:6

Buulə i loʼ tə̀ ghə̂ ghey ghə dəmənə ni doʼo tsətsəghə n sə̂ K-a-zə̀, N tənkey, Zə̀ kə î ghəŋŋənu nə̀ ghə keeli fə key ghə ləghənə.

Tùm i dzuŋu zə kuum Yeso Klisto tə Jɔn â tɔɔnə 1:23

Tə n beeli ndòw tə ghə n ghɔɔmə zey Wù tûm Kəzə̀ Ayzaya â tɔ̀ɔ naŋanə nə̀, “N loʼ Wù wən tə buʼu bɔŋ kə n mbvən ə ntsaŋ dza nə̀, ‘Naalə na jii ə Mûkəbii nə̀ zə i loʼ tsətsəghə.’”

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 4:10

Yeso n beeli ndow wi dza nə̀, “Abə wə mə khənə ndzoʼo naamə key Zə̀ kə fuunə nsə ndzoʼo wù wey tə nɔɔnə wɔ n mmuu mə, wə mə fəd buʼ wi n wɔɔ kə nə̀ tə fu wɔ n mmuu mey n fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 4:11

Weyzən wey n dza tə wi nə̀, “Mûkəbii, wə khə way fə kə ni sìi mmuu tii, buʼ kə n mmuu kə fɔŋŋə nyi tsunu, wə i kee ney bə ghee mmuu mən n fuunə muu zə ə?

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 5:40

Ghaa khə may ghəə ghən, nam tuu ni bəghəm tə̀ mə nə̀ ghaa keeli imuu.

Tùm i dzuŋu zə kuum Yeso Klisto tə Jɔn â tɔɔnə 6:35

Yeso n dza ndòw tə̀ ghə nə̀, “N loʼ baa key kə fuunə muu zə, wù wey tə bə doʼo bənə ghi mə̀ nə̂ dey koʼ way dzəŋ. Ghə̂ ghey ghə bəghəmnə tə̀ mə̀ fə̀ŋ ə mmuu nə zuʼlə koʼ way ghə.

Tùm i dzuŋu zə kuum Yeso Klisto tə Jɔn â tɔɔnə 6:37

Ghə̂ ghey adzəm Bày wuŋ fuu naŋanə tə̀ mə, î teeli bə doʼlə ghi mə. Abə wù bə doʼo bənə ghi mə, mə î dzum nuu koʼ way wi.

Tùm i dzuŋu zə kuum Yeso Klisto tə Jɔn â tɔɔnə 6:55

I loʼ nə wû wuŋ u loʼ fəzəə u səŋi wə, kaŋ tuŋ tən n fəələnə, baa ndzəm loʼ soʼo nlə n səŋi mə.

Tùm i dzuŋu zə kuum Yeso Klisto tə Jɔn â tɔɔnə 7:28

Nghee tə̀ Yeso diinə ghəə ghə n Ndaw Kəzə̀ i nii zə, tə n naʼa shi kɔʼ n dzə̂ i taw zə nə̀, “Ghaa khənu mə, ghaa u khə soʼonə luʼu key n shinə tii, a kee loʼ nə̀ n ka bə dzə n daʼa kuŋ. Wù wey tə tûm bənə mə loʼ wù wey tə ghɔɔmənə isəŋə, ghaa kee khə way wi

1 Kɔrint 10:21

Wə way dzə ni mə̂ dzəŋi ghi Mûkəbii wə mə̂ dzəŋi soʼo ghi vəətsəə ghə. Wə way dzə ni zə̂ə dzəŋi ghi Mûkəbii, wə i zə̂ə dzəŋi soʼo ghi vəətsəə ghə.

1 Kɔrint 10:4

Ghə adzəm n mə̂ kɔʼ ndzoʼo mmuu mey Zə̀ kə â fuu tsu bənə tə̀ ghə, n təŋkey, ghə â mə̂ə mmuu mey mə â shi bənə n naa key kə â ndow dzəŋinə ghi ghə. Naa kə tii kə â loʼ Klisto.

1 Kɔrint 11:25

Ambə ghə zə̂ may kɔʼnə, tə n ney kɔʼ wɔ̀ɔ nlə fuu ndow tə̀ ghə, dza tsu nə̀, ney na lə mən, “À wən loʼ kaŋ tuŋ, tə loʼnə ni bayyə kaa n fəghə mən Zə̀ kə sədnə ghi ghə̂ a wi ghə.” Nəŋə tədzəm abə ghaa mə̂ənə n wɔ̀ zən, ghaa sey ghəŋŋə ni moʼlə mə.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

Efesus 5:18

Kə ghaa nə məə khəənə lə mə, n təŋkey, lə n ghəŋŋə wù tə n dzəŋsə ghəŋŋə aghəə. Ghaa fəd khə ni ghəŋə nə̀ Zay kə Zow kə i tali ghow kə ibwey kə ghaa kə.

Chi dii 21:6

Tə n daŋŋə dza bə tə̀ mə nə̀, “Mə n ghəŋə may ghəə ghə adzəm! N loʼ ney kə sə nsə fii kə bam. À zey mə ghəə ghə adzəm, à mayyə soʼo mə ghəə ghə adzəm. Ghə̂ ghən fə̀ŋ ə mmuu zuʼlənə ghə, mə i fuu ghə n mmuu mə n shiə bənə n tɔŋ fə dzuu fey fə fuu muu zə nə̀ ghə ka fə kə tsə.

Chi dii 22:1

Tsəndəghə Kəzə̀ zey n dii bə mə n dzuu zey i khənə mmuu mey n fuunə muu zə. Dzuu i tii n nyiəllə tə a loʼ tay mən n ngii kwɔɔnə wən zə ghə tɔŋŋə nə̀ a loʼ krista nə i kuŋu shiə bə kuu kə fɔɔ K-a-zə̀ nsə Waa Nji zey.

Chi dii 22:17

Zay kə Zow kə nsə wey Waa Nji zey dza nə̀, “Bəghə!” Wù wey tə zow ghəə ghən teeli khə ni dza soʼo nə̀, “Bəghə!” Wù wən fə̀ŋ ə mmuu zuʼlənə wi, tə bə. Wù wey tə ləghənə ni mə̂ mmuu mən n fuu muu zə nə̀ tə̀ ka tsə, tə bə mə̂.