Tùm i dzuŋu zə kuum Yeso Klisto tə Jɔn â tɔɔnə 6:68 - Kaa n Kəzə̀ n fəghə mə

⁶⁸ Shimun Pita n beeli wi nə̀, “Mûkəbii, ghey kəm loʼ ni ndòw n səə ndee? À loʼ wɔ, wə khənə ghɔɔmə zey i fuunə muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 6:68 Mawu Ofanana

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Malakus 8:29

Yeso n bəb ndòw tə̀ ghə nə̀, “Abə ghaa, ghaa dza nə̀ n loʼ ndee” Pita n dza tə wi nə̀, “Wə loʼ wù wey Zə̀ kə â dza naŋa nə̀ i tûm bənu.”

Lukas 9:20

Yeso n bəb tə̀ ghə nə̀, “Abə ghaa, ghaa dza nə̀ N loʼ ndee?” Pita n beeli ndòw wi dza, “Wə loʼ Klisto Waa Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 12:49

N ka ghəə ghən ghɔɔmə shi bə dzə n daʼa kuŋ, a loʼ Bày wuŋ wən tə tûm shi bənə mə, tə fuunə mə n laŋ kə n ghəə zey n khənə ni dza nsə jìi zey n khənə ni ghɔɔmə tii.

Tùm i dzuŋu zə kuum Yeso Klisto tə Jɔn â tɔɔnə 12:50

N khənu nə̀ laŋ kə wi kə ghəŋŋə aghə̂ nə̀ ghə i khə muu zə itsali zə. Ghəə ghey n ghɔɔmənə, N bɔɔmə ghɔɔmə kə nghee tə Bày â dza bənə tə̀ mə.”

Tùm i dzuŋu zə kuum Yeso Klisto tə Jɔn â tɔɔnə 17:8

Mə n naʼa tûm zə zey wə â tûm nə̀ n naʼa tə̀ ghə, ghə n zow, bəghəm fu soʼo. Ghə a ndzəm khə soʼo nə̀ n kùm nuu bə n səə wɔ, ghə u bəghəmnə nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Tùm i dzuŋu zə kuum Yeso Klisto tə Jɔn â tɔɔnə 6:40

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Tùm i dzuŋu zə kuum Yeso Klisto tə Jɔn â tɔɔnə 6:63

À loʼ Zay K-a-zə̀ kə fuunə muu zə, daʼa kə wù sɔŋtsuʼ kə maŋ loʼ kənunu. Ghɔɔmə zən n ghɔɔmə bənə tə̀ ghaa, nuu bə n wɔ Zay K-a-zə̀, kə fuunə muu zə.

Kəfwaʼ 13:26

Waazə ghə, tɔŋɔ ghaa ghən ghaa loʼ waa a waa ghə Abraham ghə, nsə ghaa ghən ghaa way ghə̂ a Təjuu ghə, ghaa ngɔɔmə soʼonə Zə̀ kə, à loʼ tə saa Zə̀ kə ghəŋŋənə nə̀ tûm zən bòʼ jìi zey Zə̀ kə bəghəshiənə ghə̂ ghə, i bə.

Kəfwaʼ 4:12

À loʼ kə n bam i Yeso wù keelinə bəghəshi zə, wù loʼ kəm way fa n mbi Zə̀ kə fuu naŋanə tə loʼ ni bəghəshi saa n ghəə a saa a bəbə ghə.”

Kəfwaʼ 5:20

“Ndow təmi tsu na n bii kə ndaw Kəzə̀, ghaa dza ndow tə ghə̂ a tii ghə, ghəə ghey adzəm a ghəŋŋənə nə̀ ghə keeli muu zə itsali.”

Kəfwaʼ 7:38

À loʼ wi tə â loʼnə ghi ghə̂ ghə Izree ghə n nəŋə zey ghə â zuŋŋə doʼonə n mbvən ə ntsaŋ. Tə â loʼ fu, ghə bày bày a saa ghə n loʼ fu, tsəndəghə zey zə â ghɔɔmənə tə wi n kaʼ u Sinay n loʼ soʼo fu. Â loʼ fu n Kaʼ u Sinay tə â ney kɔʼnə ghɔɔmə i Kəzə̀ zən i ghəŋŋə nə̀ ghə̂ a keeli muu zə itsali ni fuu bə tə saa.

Kəfwaʼ 8:37

[Filip n dza tə wi nə̀, “N loʼnu ni fuu wɔ n mmuu n Kəzə̀ mə abə wə bəghəmnə n fə̀ŋ zə idzəm.” Wù wey n dza ndow tə wi nə̀, “N bəghəmnu, mə n bəghəm nə̀ Yeso Klisto loʼ waa Kəzə̀.”]