Tùm i dzuŋu zə kuum Yeso Klisto tə Jɔn â tɔɔnə 6:51 - Kaa n Kəzə̀ n fəghə mə

⁵¹ N loʼ baa key kə fuunə muu zə, kə key kə shi tsu bənə idəŋ. Wù wey tə zə̂nə baa kə tii kə î keeli muu zə itsali. Baa kən n fuunə loʼ wû wuŋ. N fuu ni kùmshi tow u ghə̂ a mbi nə̀ ghə keeli muu zə itsali.”

Tùm i dzuŋu zə kuum Yeso Klisto tə Jɔn â tɔɔnə 6:51 Mawu Ofanana

Matyo 20:28

Ighələ tə̀ Waa Weynum â ka bə dzə̀ fa n mbi nə̀ ghə̂ a fwaʼ tə̀ wi, tə â bə ni fwaʼ tə ghə̂ ghə nsə ni fuu muu i wi ni kùm shi tow u ndəmə aghə̂.”

Lukas 22:19

Tə n ney kɔʼ kəbaa, fu ndòw zɔŋə K-a-zə̀, bòʼ i tsu, fu ndòw tə̀ ghə dza, “À wən loʼ wû wùŋ n fuunə bòʼ ghaa, ghaa khə ni ghəŋə ghəə ghən ni mòʼlə mə̀.”

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 11:26

Ghə̂ ghey adzəm ghə bəghəm nə tə̀ mə, nə kpu koʼ way. Wə bəghəmnu ghəə ghən ə?”

Tùm i dzuŋu zə kuum Yeso Klisto tə Jɔn â tɔɔnə 3:13

Wù loʼ ka kam kɔʼ koʼ tsə idəŋ, a may kə wù wən tə shi tsu bənə idəŋ, tɔŋŋə Waa Weynum.

Tùm i dzuŋu zə kuum Yeso Klisto tə Jɔn â tɔɔnə 3:14

Nghee tə̀ Mushi â ney khəə naŋa kɔʼnə zuu n mbaŋ n mbvən ə ntsaŋ, a loʼ ighələ ghə î ney naŋa kɔʼɔnə Waa Weynum

Tùm i dzuŋu zə kuum Yeso Klisto tə Jɔn â tɔɔnə 3:16

Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 3:36

Wù wey tə bəghəmnə tə Waa tii, tə i keeli muu zə itsali, wù wey tə ka kee zow tə̀ Waa, î keeli dzə way muu zə. Zə̀ kə n fəələ tən nəghə wə ghi wù tii.”

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Tùm i dzuŋu zə kuum Yeso Klisto tə Jɔn â tɔɔnə 6:33

I loʼ nə̀, baa key Zə̀ kə fuunə loʼ wù wey tə tsuu bənə idəŋ, a loʼ baa kə tii kə, kə fuunə muu zə tə̀ mbi idzəm.”

Tùm i dzuŋu zə kuum Yeso Klisto tə Jɔn â tɔɔnə 6:35

Yeso n dza ndòw tə̀ ghə nə̀, “N loʼ baa key kə fuunə muu zə, wù wey tə bə doʼo bənə ghi mə̀ nə̂ dey koʼ way dzəŋ. Ghə̂ ghey ghə bəghəmnə tə̀ mə̀ fə̀ŋ ə mmuu nə zuʼlə koʼ way ghə.

Tùm i dzuŋu zə kuum Yeso Klisto tə Jɔn â tɔɔnə 6:41

Ghə̂ a Təjuu ghə n kaʼ ni nyuŋŋə ghɔɔmə n wû i ghə bòʼ wi kuumnə tə â dza nə̀, “N loʼ baa key kə nuu tsu bənə idəŋ.”

Tùm i dzuŋu zə kuum Yeso Klisto tə Jɔn â tɔɔnə 6:47

N dza bə isəŋə tə̀ ghaa nə̀, wù wey tə bəghəmnə tə mə, tə î keelinu muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 6:48

N loʼ baa key kə fuunə muu zə.

Tùm i dzuŋu zə kuum Yeso Klisto tə Jɔn â tɔɔnə 6:50

Baa kən n kee dzanə, loʼ baa key kə tsu bənə idəŋ, wù wey tə zə̂nə baa kə tii kə, nə̂ kpu koʼ way.

Tùm i dzuŋu zə kuum Yeso Klisto tə Jɔn â tɔɔnə 7:38

Wù wey tə bəghəmnə tə̀ mə, tə bə mə̂, n təŋkey màʼlə K-a-zə̀ kə dza nə̀, ‘Mmuu mey n fuunə muu zə itsali zə, i bənə shiə bə n fə̀ŋ ə wi tə a loʼ fədzuu.’”

2 Kɔrint 5:19

Sey, à loʼ n bam i Klisto Zə̀ kə təmdzəŋi bənə mbi idzəm ghi wi, nə̀ tə ka ney dzə bəb i ghə zə n taŋ. À loʼ wi tə fuunə ghey n tûm zən ghey naʼlənə. Tûm tii təmə dzəŋi naŋŋə bə aghə̂ ghi Zə̀ kə.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

Efesus 5:25

Abə ghaa gheynum ghən ghaa khənə ghey ghə, ghaa khə ni ləghə ghey a ghaa ghə, ighələ tə̀ Klisto â ləghənə ghə̂ a ndaw Kəzə̀ ghə a tii, tə n fuu ndow wû u wi ni kpu n tow u ghə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 10:20

Saa i tsəghə nyiə fu n jìi i fəghə zən i ghəŋŋənə nə̀ saa keeli muu zən i may way. Yeso n chi fuu jìi zən i nyiə ndownə fu n baa kə̀ŋ kən n bam i və zən tə â kpunə.

1 Pita 2:4

I bəghə n na n səə Mûkəbii, tə loʼnə tay zən i loʼnə utaw nə̀ ghə̂ a mbi ghə n tuu maʼa nə̀ i khə way fwaʼ kə, Zə̀ kə a kee sày kɔʼnə wi nə̀ tə khə fwaʼ kə səŋi kə.

1 Jɔn 2:2

À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.

1 Jɔn 4:10

Ndzəm ndzəm kə iləghə kə way dzə nə̀ saa â ləghə ndow Kəzə̀, a fəd loʼ wi tə ləghə bənə saa isə, tûm bə waa wi tə a loʼ umaʼlə nə̀ tə bə ney nuu ghəə a saa a bəbə ghə.

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.