Tùm i dzuŋu zə kuum Yeso Klisto tə Jɔn â tɔɔnə 6:14 - Kaa n Kəzə̀ n fəghə mə

¹⁴ Nghee tə̀ nɔɔ kə aghə̂ kən koʼ tsunə ndzoʼo faalə mən Yeso â ghəŋŋənə, ghə n dza, “Wù wən ndzəm loʼ Wù tûm Kəzə̀ wey tə â khənə ni bə fa mbi.”

Tùm i dzuŋu zə kuum Yeso Klisto tə Jɔn â tɔɔnə 6:14 Mawu Ofanana

Matyo 11:3

Ghə n ndòw bəb tə̀ Yeso nə̀, “À loʼ wɔ Klisto wən Jɔn â dza nə̀ tə khə ni bə ə, nkee a ləmə tsu wù nuu ə?”

Matyo 21:11

Nɔɔ kə aghə̂ key n beeli ndòw ghə dza nə̀, “À wən loʼ Yeso, wù tûm Kəzə̀ tə shinə n naʼ i Nazaled n mboʼo Galili.”

Lukas 24:19

Tə n bəb ndòw tə̀ ghə nə̀, “Ghəə a ghaa ghə?” Ghə n dza, “Ghəə ghən ghə â shinə kûm Yeso wù Nazaled wən tə â loʼnə tûm Kəzə̀. Ghəə ghey tə â ghəŋŋə nə̀ nsə ghəə ghey tə â khəə n loʼ n zən kə n sə kə aghə̂ nsə n sə̂ K-a-zə̀.

Lukas 7:16

Ghə̂ ghey n zey ndòw ni tsəŋ, kaʼ ni fuu ukali tə̀ Zə̀ kə dza, “Wù tûm Kəzə̀ u nii u loʼ wə n bən shi kɔʼ n fəŋŋə kə saa. Zə̀ kə n sey bə ni bə koʼ ghə̂ a wi.”

Tùm i dzuŋu zə kuum Yeso Klisto tə Jɔn â tɔɔnə 1:21

Ghə n bəb tə wi nə̀, “Wə nya loʼ ndee? Wə loʼ Elayja ə?” Tə n dza, “Ngaŋ n way dzə wi.” Ghə n dza, “Wə loʼ Wù tûm Kəzə̀ ə?” Tə n beeli ndòw ghə nə̀, “Ngaŋ.”

Tùm i dzuŋu zə kuum Yeso Klisto tə Jɔn â tɔɔnə 11:27

Mata n bəghəm dza nə̀, “Ow a Mûkəbii! N bəghəmnu nə̀ wə loʼ wù wey Zə̀ kə â dza naŋa nə̀ i tûm bənu, Waa Kəzə̀ wən tə â khənə ni bə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 2:11

À wən loʼ tsəə ə Yeso i sə̂ isə zə tə â ghəŋənə n naʼ i Kana n mboʼo Galili. Â loʼ soʼo fu ngəd tə Yeso tə â koʼnə daʼa kə wi kə, sey, ghə n bəghəm fuu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 4:19

Weyzən wey n dza, “Mûkəbii, n koʼo tə̀ wə loʼ Wù Tûm Kəzə̀.

Tùm i dzuŋu zə kuum Yeso Klisto tə Jɔn â tɔɔnə 4:25

Weyzən wey n dza ndow tə̀ wi nə̀, “N khənu nə̀ bəghəshi i bəghənu. Abə wù wey Zə̀ kə â dza naŋa nə̀ i tûm bənu i bənə, tə i tiillə dza may bə aghəə adzəm tə̀ saa.”

Tùm i dzuŋu zə kuum Yeso Klisto tə Jɔn â tɔɔnə 4:42

Ghə n dza tə̀ weyzən wey nə̀, “Ghey ka maŋ bəghəm dzə bòʼ ghɔɔmə zə, ghey bəghəm n təŋkey, ghey n baa zow ghɔɔmə i wi zə n wû i ghey zə, ghey u koʼ tsu soʼonə nə̀ wù wən ndzəm loʼ bəghəshi ə mbi.”

Tùm i dzuŋu zə kuum Yeso Klisto tə Jɔn â tɔɔnə 6:2

Nɔɔ kə aghə̂ kə nii kə n dzûmə ndòw wi, n təŋkey ghə mâ koʼ faalə n wi mey tə â ghəŋŋənə ni baŋŋə ghə̂ a dzaŋa ghə.

Tùm i dzuŋu zə kuum Yeso Klisto tə Jɔn â tɔɔnə 6:26

Yeso n dza ndòw tə̀ ghə nə̀, “N kuum dza bə isəŋə tə̀ ghaa nə̀ ghaa mə kəŋə dzə way bòʼ faalə mey ghaa mə koʼnə mə n ghəŋənə, ghaa mə kəŋə bòʼ baa wey ghaa zə̂ kow tsunə.

Tùm i dzuŋu zə kuum Yeso Klisto tə Jɔn â tɔɔnə 6:30

Ghə n dza tə̀ wi nə̀, “Dii bə ghey n tsəə i loʼ zə tə ghey loʼ ni koʼ, ghey bəghəm fu tə wɔ. Wə î nya dii bə tsəə i ghaa zə ə?”

Tùm i dzuŋu zə kuum Yeso Klisto tə Jɔn â tɔɔnə 7:40

Ambə ghə̂ a loʼ a zow tsunə ghəə ghən Yeso dzanə, ghə n dza, “Wù wən ndzəm loʼnu Wù tûm Kəzə̀.”

Kəfwaʼ 7:37

À wən loʼ Mushi wən tə â dza tə ghə̂ ghə Izree ghə nə̀, ‘Zə̀ kə i tûm bə ghaa n wù tûm Kəzə̀ ighələ tə̀ tə â tûm bənə mə. Wù tûm Kəzə̀ ə tii i shiə kɔʼɔ kə n fəŋŋə kə ghaa.’