Tùm i dzuŋu zə kuum Yeso Klisto tə Jɔn â tɔɔnə 5:23 - Kaa n Kəzə̀ n fəghə mə

²³ Tə ghəŋə sey nə̀ ghə̂ adzəm ghə i ngɔɔmə Waa, ighələ tə̀ ghə ngɔɔmənə Bày. Wù wey tə ngɔɔmə way Waa sey ngɔɔmə soʼo way Bày wey tə tûmnə wi.

Tùm i dzuŋu zə kuum Yeso Klisto tə Jɔn â tɔɔnə 5:23 Mawu Ofanana

Matyo 10:37

Wù wey tə ləghənə bày wi nkee này wi tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ. Tə wey tə ləghənə waa wi ù nûm wə̀ nkee ù zən wə̀ tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ.

Matyo 11:27

Nghee tə̀ Yeso gɔŋŋə may tsunə, tə n dza tə̀ ghə̂ ghə nə̀, “Bày wuŋ n fuu ghəə ghə adzəm tə̀ mə, wù loʼ khə way Waa tii à may kə Bày, wù loʼ khə soʼo way Bày à may kə Waa nsə wù wey Waa tsəm tsunə ni dii Bày tə̀ wi.”

Matyo 12:21

Sey nə̀, ghə̂ ghən ghə way ghə̂ a Təjuu ghə adzəm loʼ ni khə nə̀ ghə loʼ ibəghəshi n zəd i wi.”

Matyo 15:8

‘Ghə̂ ghən ngɔɔmə kə mə nə idzuu, Fə̀ŋ tə ghə tə way dzə ghi mə̀.

Matyo 28:19

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə,

Lukas 10:16

Wù wey tə zownə tə ghaa, sey zow soʼo tə mə, tə wey tə tuu maʼanə ghaa, sey tuu maʼa soʼo mə. Wù wey tə tuu maʼanə mə, sey tuu maʼa soʼo wù wey tə tûmnə mə.”

Tùm i dzuŋu zə kuum Yeso Klisto tə Jɔn â tɔɔnə 14:1

Yeso n ndow n sə kə, dza tə̀ ngəd tə̀ wi tə nə̀, “Kə fə̀ŋ tə nə baŋanə ghaa. Keeli na bəghəm i fə̀ŋ zə n kow Zə̀ kə, ghaa keeli soʼo n kow mə.

Tùm i dzuŋu zə kuum Yeso Klisto tə Jɔn â tɔɔnə 16:14

Zay kə Zow kə nə ghəŋə nə̀ n keeli nkɔʼlə, n təŋkey, tə nə ney kɔʼɔ ghɔɔmə zuŋ tə tiilə dza bə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 17:10

Fə wuŋ udzəm u loʼ u wə wə̀ tə fə wə udzəm u loʼnə u wuŋ wə. À loʼ ghə, ghə ghəŋŋə nə̀ n keeli nkɔʼlə.

Roma 1:7

N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

Roma 15:12

I tɔ̀ɔ doʼo soʼo n màʼlə kə wù tûm Kəzə̀ Ayzaya nə̀, “Wù i shiə bənu n sali i kəbii i Jese, Tə nə bə saʼa ghə̂ ghən ghə way ghə̂ a Təjuu ghə Ghə̂ ghən ghə way ghə̂ a Təjuu a nə laalə kɔʼɔ ndow kə tə wi.”

Roma 6:22

Nya wən Zə̀ kə bəghəshinə ghaa n ghəə a ghaa a bəbə ghə, ghaa u doʼo bənə kɔd u wi, naamə kə ghaa kə loʼ nə̀ ghaa nya loʼ ni muu muu zən i zownə tə̀ Zə̀ kə, sey nə̀ ghaa keeli muu zən i nə may way.

Roma 8:9

N moʼlə nə̀ ghaa muu dzə way n jìi zey gow uwû ləghənə nə̀ ghaa muu tii, ghaa fəd muu n jìi zey Zay kə Zow kə ləghənə abə à ndzəm loʼnə nə̀ Zay K-a-zə̀ kə loʼnu n kow ghaa. Wù wey tə khə way Zay kə Zow kən kə nuu bənə n wɔ Klisto, tə sey way dzə nə kəfə kəmɔʼ ghi Klisto.

1 Kɔrint 1:3

N gɔŋŋə nə̀ Zə̀ kə, tə loʼnə Bày saa, nsə Mûkəbii saa Yeso Klisto fuu ghaa n ndzuŋ nsə buulə i wi zə.

1 Kɔrint 10:31

Sey, nə̀ wə zə̂ənu nkee wə məənu, nkee ghə i ghaa zə wə ghəŋŋənə, i ghəŋŋə ndow ghəə ghə adzəm ni fuu nkɔʼlə tə̀ Zə̀ kə.

1 Kɔrint 16:22

Ngoʼ loʼ n kôw wù wey tə ləghə way Mûkəbii. Bəghə a Mûkəbii ghey!

1 Kɔrint 6:19

Ghaa khə way nə̀ wû i ghaa i loʼ Ndaw Kəzə̀ zey Zay kə Zow kə muunə tii nə̀ a fuu bə Kəzə̀ tə ghaa ə? À way dzə ghaa, ghaa khənə wû i ghaa zə, à loʼ Kəzə̀ kə khənə wû i ghaa zə.

2 Kɔrint 1:9

Ghey â nya ndzəm loʼ kə tə̀ a loʼ ghə̂ ghey ghə tsəʼlə dzənə saʼ n tow u ghə nə̀ ghə khə ni kpu. À kee loʼ nə̀ ghəə a tii ghə â shi n ghəŋə nə̀ ghey keeli tsu nə̀ ghə i loʼ i way ghey loʼ ni kəm ghəŋə n daʼa kə ghey, à may kə n daʼa K-a-zə̀. À loʼ wi tə zhəm nuu dzəŋŋə bənə ghə̂ ghə nə ivə.

2 Kɔrint 13:14

N gɔŋŋə nə̀ Mûkəbii Yeso Klisto fuu ghaa n ndzuŋ ə wi, nə̀ Zə̀ kə dii ghaa n ləghə i wi zə, Zay kə Zow kə i loʼ soʼo ghi ghaa adzəm.

2 Kɔrint 5:14

À loʼ ləghə zey Klisto khənə n kow saa, i taalinə saa n təŋkey, ghey n zowkeeli nə̀ wù umɔʼ mâ kpu n tow kə ghə̂ adzəm, dii tsuu nə̀ ghə̂ adzəm mâ dzəŋi kpu ghi wi.

2 Kɔrint 5:19

Sey, à loʼ n bam i Klisto Zə̀ kə təmdzəŋi bənə mbi idzəm ghi wi, nə̀ tə ka ney dzə bəb i ghə zə n taŋ. À loʼ wi tə fuunə ghey n tûm zən ghey naʼlənə. Tûm tii təmə dzəŋi naŋŋə bə aghə̂ ghi Zə̀ kə.

Efesus 6:24

N gɔŋŋə nə̀ ndzuŋ ə Kəzə̀ i loʼ ghi ghə̂ ghən adzəm ghə ləghənə Mûkəbii ə saa Yeso Klisto n fə̀ŋ tə ghə tə tədzəm.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

Hibru 1:6

I loʼ soʼo n màʼlə K-a-zə̀ nə̀ nghee Zə̀ kə â tûm bənə Waa wi u sə isə wə fa n mbi, tə n dza tsu nə̀, “Tsətəndəghə tə Kəzə̀ tədzəm tə khə ni teeli ngɔɔmə wi.”

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

2 Pita 3:18

Nyisa i loʼ kə nə̀ ghaa ndow kə n sə kə ni muu n jìi zey Mûkəbii saa nsə bəghəshi ə saa Yeso Klisto i ndəŋə dii bənə ghaa n fə̀ŋ ə wi i dzuŋu zə nsə n jìi zey ghaa i tɔʼɔ ndəŋə keelinə wi. N gɔŋŋə nə̀ ghaa i ngɔɔmə Yeso Klisto nya nsə nə tənəŋə tədzəm! Zə i loʼ sey.

1 Jɔn 2:23

Wù wey tə tuu maʼanə waa, sey tuu maʼa soʼo Bày. Wù wən tə bəghəm naŋanə waa sey bəghəm naŋa soʼonu Bày.

2 Jɔn 1:9

Wù wən tə ndow kə n sə kə, nə tə bɔɔmə bwey ndow way tə Klisto diinə, wù tii way dzə nə kəfə kəmɔʼ ghi Zə̀ kə. Wù wey tə dzûmənə dii i Klisto zə, tə loʼ nə kəfə kəmɔʼ ghi Bày nsə Waa.