Tùm i dzuŋu zə kuum Yeso Klisto tə Jɔn â tɔɔnə 5:17 - Kaa n Kəzə̀ n fəghə mə

¹⁷ Yeso n fəd beeli ndòw ghə nə̀, “Bày wuŋ fwaʼa nəŋə tədzəm, n khə ni teeli fwaʼ soʼo nəŋə tədzəm.”

Tùm i dzuŋu zə kuum Yeso Klisto tə Jɔn â tɔɔnə 5:17 Mawu Ofanana

Matyo 10:29

N dza ghə mgbaŋa fìilə nndzaŋŋə n bəghə n nyaŋi fə ukhəə ə? Fəmɔ̀ʼ fə bùʼ way ni bwu tsu bə aghəd nə̀ Bày ghaa idəŋ ka tsə̀m.

Tùm i dzuŋu zə kuum Yeso Klisto tə Jɔn â tɔɔnə 10:36

a kee loʼ kee ghaa dzanə nə̀ n tsayyə Kəzə̀ nghee tə n dza tsunə nə̀, ‘N loʼ Waa Kəzə̀ ə?’ Loʼ sey nə̀ à loʼ Bày tə sày kɔʼnə mə, tûm bə mə fa n mbi.

Tùm i dzuŋu zə kuum Yeso Klisto tə Jɔn â tɔɔnə 14:10

Nə̀ ma a Filip, wə kam bəghəm tə way nə̀ n loʼ nə kəfə kəmɔʼ ghi Bày, Bày u loʼnə nə kəfə kəmɔʼ ghi mə ə? Ghɔɔmə zən n ghɔɔmə bənə tə̀ wɔ, n ghɔɔmə dzə way n ngəŋ zuŋ, à loʼ Bày wən tə loʼnə nə kəfə kəmɔʼ ghi mə, tə fuunə mə n daʼa kə ni fwaʼ fwaʼ kə wi.

Tùm i dzuŋu zə kuum Yeso Klisto tə Jɔn â tɔɔnə 5:16

À wən loʼ i ghi ghə̂ a Təjuu ghə â kaʼ ni fuu kaabə Yeso n chɔd wə, bòʼ nə̀, tə â baŋŋə wù n tsuʼ inaʼ.

Tùm i dzuŋu zə kuum Yeso Klisto tə Jɔn â tɔɔnə 5:18

À wən loʼ ghɔɔmə zən zə â faalə ghəŋə may soʼonə ghə̂ a Təjuu ghə nə̀ ghə nuu təmi kɔʼ nə̀ ghə khə ni wey wi, kuum nə̀, tə â ka kad zaʼ kə laŋ kə tsuʼ inaʼ u ghə wə, tə â dza soʼo nə̀ Zə̀ kə loʼ Bày wi, dii tsunə wi ghi Zə̀ kə ghə loʼ ighələ.

Tùm i dzuŋu zə kuum Yeso Klisto tə Jɔn â tɔɔnə 9:4

Saa khə ni teeli fwaʼ fwaʼ kə wù wey tə tûmnə mə nya nə̀ luʼu tə nam zownu, n təŋkey, abə tsuʼ u dzə̂ bənə, wù kəm way ni fwaʼ.

Kəfwaʼ 14:17

A kee loʼ nə̀ Zə̀ kə ka maŋ naŋa dzə ghə sey nə̀ tə ka ghəŋŋə nə̀ ghə keeli nə̀ tə loʼnu. Tə â ghəŋŋə nə̀ ghə keeli nə̀ tə loʼ utaw n ghəə a dzuŋu ghən tə â ghəŋŋənə ni tûm tsuu bə ghow zə i idəŋ, ghəŋŋə soʼo nə̀ fə wə i nyîmmə dzɔbə n nəŋə zey i kpiilənə. À loʼ wi tə â fuunə ghaa n fəzəə wə, ghəŋŋə soʼo nə̀ ghaa i saŋŋə n fə̀ŋ tə ghaa naʼ idzəm.”

Kəfwaʼ 17:28

I loʼ tə wù loʼ â dza tsunə nə̀, ‘Nghee tə saa loʼnə nə kəfə kəmɔʼ ghi wi, a wey loʼ i ghii saa muunə, bwey kaabə, loʼ soʼo fə key saa loʼnə ghii kə.’ Ghə̂ a ghaa a tɔ̀ɔ ghə umàʼlə a loʼ ghə â mgbaŋ tɔ̀ɔ naŋa soʼo nə̀, ‘Saa mbɔŋ loʼ soʼo waa a wi.’

1 Kɔrint 12:6

Zə̀ kə loʼ kə kəmɔ̀ʼ kə fwaʼanə n kow ghə̂ ghə adzəm, a kee loʼ nə̀ kə fwaʼa n ndəmə ndəmə tə təjìi.

Kolose 1:16

Zə̀ kə â ney waa wi ni bɔm ufə̂ udzəm idəŋ nsə fa a ghəlitsə. À bɔm wi fə wən a loʼ ni koʼ nsə u wən a way ni koʼ. Â bɔm wi tsətəndəghə tə Kəzə̀ tə nsə zay wən u loʼnə n luʼu tə usəghə idəŋ nsə zày wən u saʼanə fa n ghəlikətsə. Zə̀ kə â ney wi ni mbi idzəm, tə n bɔm mbi ə tii tə̀ wi.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.