Tùm i dzuŋu zə kuum Yeso Klisto tə Jɔn â tɔɔnə 5:16 - Kaa n Kəzə̀ n fəghə mə

¹⁶ À wən loʼ i ghi ghə̂ a Təjuu ghə â kaʼ ni fuu kaabə Yeso n chɔd wə, bòʼ nə̀, tə â baŋŋə wù n tsuʼ inaʼ.

Tùm i dzuŋu zə kuum Yeso Klisto tə Jɔn â tɔɔnə 5:16 Mawu Ofanana

Matyo 12:13

Sey tə n dza ndòw tə̀ wù wey wɔɔ kə wi kə â təghə doʼonə nə̀, “Naalə shi ndòw wɔɔ kə kə̀.” Wù tii n naalə shi ndòw soʼo. Wɔɔ kə tii kə n daŋŋə taw doʼo dzəŋŋə bə tə̀ a loʼ kə loʼ key.

Malakus 3:6

Sey, Ghə̂ a tə Falasi ghey n nuu shi i ndòw, ndòw təmdzəŋi ndòw iwû ghi ghə̂ a Helɔd ghə ni kad naŋa tsu tsəm nghee ghə i weynə Yeso tii.

Lukas 6:11

Ghə̂ ghey n fəələ ndòw n nəghə, kaʼ ni ghɔɔmə n wû i ghə dza, “Ghə loʼ ni baa ji ngee ghi Yeso ə?”

Tùm i dzuŋu zə kuum Yeso Klisto tə Jɔn â tɔɔnə 1:19

Ngəd tə ghə̂ a Təjuu a loʼ ghə n Yerosalem n tûm tsu ghə Fɔɔngili a loʼ ghə nsə ghə̂ ghey ghə fwaʼanə n ndaw Kəzə̀ i nii zə Yerosalem tə̀ Jɔn, nə̀ ghə ndòw bəb tə̀ wi nə̀, “Wə loʼ ndee?”

Tùm i dzuŋu zə kuum Yeso Klisto tə Jɔn â tɔɔnə 10:39

Ghə n kəm nuu kpiʼi kɔʼ nə̀ ghə kwu wi, tə n kee nii nuu shi tsu n wɔɔ kə ghə.

Tùm i dzuŋu zə kuum Yeso Klisto tə Jɔn â tɔɔnə 15:20

Moʼlə tsu na nə n mâ buʼ dza tə̀ ghaa nə̀, ‘Wù kəfwaʼ tsəghəshiə tsə way mûkəbii ə wi.’ Abə ghə â loʼ ni chɔd mə, ghə i chɔdlɔ soʼonu ghaa. Abə ghə â naŋŋənə ghɔɔmə zuŋ zə, i sey diinə ghə i naŋŋə soʼonu ghɔɔmə i ghaa zə.

Tùm i dzuŋu zə kuum Yeso Klisto tə Jɔn â tɔɔnə 5:10

Sey, ngəd tə Təjuu tə nii tə n dza tə̀ wù wey Yeso â baŋŋənə nə̀, “À na loʼ tsuʼ inaʼ u saa, laŋ kə ka bəghəm dzə nə̀ wə i boʼlə bwey ghi gham fə.”

Tùm i dzuŋu zə kuum Yeso Klisto tə Jɔn â tɔɔnə 5:13

Wù wey Yeso â baŋŋənə wi n buʼ khə daŋŋə soʼo way wù wey tə mə baŋŋənə wi, n təŋkey, Yeso mâ nii nuu nyi ndow n fəŋŋə kə aghə̂ key kə â loʼnə fu.

Tùm i dzuŋu zə kuum Yeso Klisto tə Jɔn â tɔɔnə 5:15

Wù tii sey koʼ keeli ndownu Yeso, daŋŋə nuu ndòw, ndòw dza ndòw tə̀ ghə̂ a Təjuu ghə nə̀ a loʼ Yeso tə mə baŋŋənə wi.

Tùm i dzuŋu zə kuum Yeso Klisto tə Jɔn â tɔɔnə 5:17

Yeso n fəd beeli ndòw ghə nə̀, “Bày wuŋ fwaʼa nəŋə tədzəm, n khə ni teeli fwaʼ soʼo nəŋə tədzəm.”

Tùm i dzuŋu zə kuum Yeso Klisto tə Jɔn â tɔɔnə 5:18

À wən loʼ ghɔɔmə zən zə â faalə ghəŋə may soʼonə ghə̂ a Təjuu ghə nə̀ ghə nuu təmi kɔʼ nə̀ ghə khə ni wey wi, kuum nə̀, tə â ka kad zaʼ kə laŋ kə tsuʼ inaʼ u ghə wə, tə â dza soʼo nə̀ Zə̀ kə loʼ Bày wi, dii tsunə wi ghi Zə̀ kə ghə loʼ ighələ.

Tùm i dzuŋu zə kuum Yeso Klisto tə Jɔn â tɔɔnə 7:21

Yeso n beeli ndòw ghə nə̀, “Mə â maŋ ghəŋə tsu kə ghə i faalə zə imɔʼ, dzuu zə n zum nay ndòw ghaa n ghə i tii zə.

Tùm i dzuŋu zə kuum Yeso Klisto tə Jɔn â tɔɔnə 7:25

Ghə̂ a Yerosalem a loʼ ghə n bəbə nə̀, “À wən way wù wey ngəd tə Təjuu tə kəŋənə jìi ni wey wi ə?