Tùm i dzuŋu zə kuum Yeso Klisto tə Jɔn â tɔɔnə 4:9 - Kaa n Kəzə̀ n fəghə mə

⁹ Weyzən ə Samaria wey n dza tə wi nə̀, “Wə loʼ wu Juu, n lo zən ə Samaria, wə sə loʼ ngee ni nɔɔ mə n mmuu mə ə? Tə â dza sey boʼnə ghə̂ a Təjuu ghə â shiə dzɔbə way ghi ghə̂ a Samaria ghə.”

Tùm i dzuŋu zə kuum Yeso Klisto tə Jɔn â tɔɔnə 4:9 Mawu Ofanana

Matyo 10:5

Yeso n tûm shi ndòw ghə̂ ghən ighəm n ghii ghə abəghə, kii naŋa ndow ghə dza nə̀, “I kə̂ wù ghaa nə ndòwnə n luʼu tey ghə̂ ghən ghə way ghə̂ a Təjuu a loʼnə tii, kə ghaa nə nyiə soʼonə n nàʼa tey ghə̂ a Samaria a muunə a tii.

Lukas 10:33

Wù Samaria u loʼ wə tə a bweyyə ndòwnə n ndòw bə soʼo fu tii, ambə tə koʼ tsu nə wù wey, tə n kwɔɔlə isî n kow wi.

Tùm i dzuŋu zə kuum Yeso Klisto tə Jɔn â tɔɔnə 4:27

Ngəd tə Yeso tə n ndow bə nə̀ Yeso n nam ghɔɔmə ghi weyzən wey, dzuu zə n ngii zum ghə ni koʼ nə̀ Yeso ghɔɔmə ghi weyzən wey. Wù ghə u loʼ wə n ka kee bəb kìi dzə wi n ghəə zə nə̀, “À loʼ kee fa a? À loʼ kee wə ghɔɔmənə ghi weyzən wən ə?”

Tùm i dzuŋu zə kuum Yeso Klisto tə Jɔn â tɔɔnə 8:48

Ghə̂ a Təjuu ghey n dza tə̀ Yeso nə̀, “I sey dii nə̀, ghey mə ka nɔʼ dzə ni dza nə̀ wə̀ loʼ wù Samaria, nsə nə̀ zay kə bəbə kə loʼ n kow wɔ.”

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 10:28

Tə n dza tə ghə nə̀, “Ghaa tɔʼ khənu nə̀ laŋ kə ghey kə ka bəghəm dzə nə̀ wù Juu təmdzəŋi ghi wù wən tə way wù Juu, nkee ni bwey koʼ wi. Zə̀ kə n kee dii bə tə mə nə̀ kə n nə neynə wù loʼ tə a loʼ wù wey tə dzəənə nkee tə a loʼ wù wey wù Juu way ni təmdzəŋi ghi wi.

Kəfwaʼ 10:32

Tûm ndow ghə̂ ghə n Jopa, ghə ney bə Shimun wən ghə tɔŋŋə nə̀ a loʼ Pita. Tə muu n ndaw Shimun wən tə fwaʼanə fə wə n gow tə tənyam, ndaw wi loʼ n nguŋ ə nali kə dzuu zə.’